خالد صلاح
}

صوت.. مرتضى منصور: أنا مش طرطور .. ولو لجنة إدارة النادى ممشيتش إحنا هنمشى

الجمعة، 09 مارس 2018 12:01 ص
صوت.. مرتضى منصور: أنا مش طرطور .. ولو لجنة إدارة النادى ممشيتش إحنا هنمشى مرتضى منصور رئيس نادى الزمالك
كتب عمرو جاب الله
إضافة تعليق

قال مرتضى منصور، رئيس نادى الزمالك، إنه حافظ على أموال النادى، وسيدعو لجمعية عمومية طارئة لعرض استقالته عليها فى حالة استمرار الوضع الحالى فى القلعة البيضاء عقب إعلانه للصفقة السوبر التى حدد السبت بعد القادم للإعلان عنها.

وتابع مرتضى، فى حديثه مع أعضاء نادى الزمالك من خلال الإذاعة الداخلية مساء اليوم،:"أنا دخلت السجن 7 مرات وقلبى حديد ومبخافش.. وأنا مانع الموظفين من الإضراب".

كما أكد مرتضى منصور:"أنا حافظت على فلوس الزمالك وهى أموال الأعضاء وتحملت الأعضاء واللجنة بأمن مركزى وقنابل نقلت الفلوس للبنك.. وأنا من غير قنابل حافظت عليها.. وفزت على الأهلى فى الصفقات بالفلوس.. إيه اللى يجبرنى أخالف؟.. أنا اتبرعت بـ18 مليون جنيه جايين هدية للنادى".

وأوضح أنه سيعرض الاستقالة على الجمعية العمومية للزمالك، قائلاً:"النادى هيرجع مفيهوش حنفية.. وهيرجع زى ما كان أيام ممدوح عباس.. وأنا حزين تحملت خلال أسبوعين ما هو فوق طاقة البشر والناس منتخبانى عشان أدير النادى مش عشان أحضر الماتش وأسقف.. أنا مش طرطور يا خالد يا عبد العزيز والنادى هيخرب يا خالد.. أنا مرتضى منصور اللى كنت بتشكر فيه اللى كنت بتقول للناس تعال شوفوا ده عامل صرح عالمى لو اللجنة ممشيتش من الزمالك احنا اللى هنمشى".

وبذلك يكون قد رهن مرتضى منصور بقائه فى رئاسة الزمالك برحيل اللجنة المشكلة لإدارة النادى مادياً وفى حالة عدم حدوث ذلك عقب السبت بعد القادم سيعرض الاستقالة على الجمعية العمومية.


إضافة تعليق




التعليقات 10

عدد الردود 0

بواسطة:

سعد اليتيم

سؤال لصاحب كل عقل !!!!!

هل هناك علاقة بين ما حدث فى استاد القاهرة من شغب و تكسير و ارهاب ؛ و ما يحدث فى الزمالك من تهديد لوزير فى الدولة بعد اثبات عدم دفع حق الدولة من ضرائب و تأمينات و خلافه ؟؟؟؟؟؟؟؟؟؟؟؟؟؟ ملحوظة : الضرائب تملك حق الحجز و السجن لكل متأخر عن السداد ( حق الضبطية القضائية )

عدد الردود 0

بواسطة:

mohand

تحريض على العصيان يحاسب علية

تحريض عمال النادى على العصيان وتهديد الاعضاء على الاثارة  انا المدير الى ما ادار  حاسس انها اتحلت بدونة قرر يقلب على الاعضاء والنادى والعامللين والدولة لو مبتعرفش سيب ال بيعرفع

عدد الردود 0

بواسطة:

شغل تمثيل قديم ومستهلك

أعصابك يا ضاضا، الانفعال بتاعك مش كويس على صحتك ...

على مين .. على مين .. على مين الحركات المكشوفة دي يا ضاضا ... فعلا طلعت استاذ الحركات والقرع المكشوف ... سباك بق حمضان محترف ...

عدد الردود 0

بواسطة:

ابراهيم نفخو

لو دكر نفذ تهديدك و امشي

و طبعا مش حيمشي ده حيموت و هو متشعبط في باب النادي. اللجنة حتستمر غصب عنك لانها اموال الدولة. و اسلوب التهديد بحث عمال النادي و موظفيه علي الاضراب حيقابل بالقانون . مفيش حد بياخد بتهديداتك بعد ما ثبت للجميع انها فشنك.

عدد الردود 0

بواسطة:

Zaghlol AlPasha

طرطور......

....ورئيس نادى

عدد الردود 0

بواسطة:

زملكاوى

بلطجه متكرره

كالعاده و مع كل صحوه للزمالك تتدخل الأيدى الخفيه الجهلاويه لإيقاف المسيره. من ينسى ما حدث فى الخلافه السابقه للمستشار عندما تدخلت الدوله لنسف استقرار النادى باسماعيل سليم و ممدوح عباس. لك الله يا زمالك و ربنا يعينك يا سيادة المستشار. رجاء لا تيأس لأن هذا هو مرادهم.

عدد الردود 0

بواسطة:

عمرو زكي

فرق العملة حلو والتزوير

خايف من ايه علشان فضايحك هتبان للناس يا مزور وفروق تغيير العملة كل شيء انكشف وبان

عدد الردود 0

بواسطة:

فرعون

بالسلامه

شكلك عامل عامله سودة و أعصابك بايظه . يا بتاع القانون البلد فيها قانون بجد مش قانون ساكسونيا بتاعك. و ليه كلى ما تتكلم تجيب سيرة الاهلى و الخطيب ؟ . هما بيطلعولك فى الاحلام ؟ بالمناسبة يا حنفى اسمه الوزير خالد عبد العزيز.

عدد الردود 0

بواسطة:

medhat

ارحل

شكرا و ارحل بقه

عدد الردود 0

بواسطة:

زمالكاوى

كذاب

أمسك حرامي

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة