شهدت مستشفى الفيوم العام، اليوم الأربعاء، حالة ولادة نادرة، بعد نجاح أطباء قسم النساء والتوليد فى المستشفى بتوليد سيدة، تبين وضعها لطفل "شمعى".
من جانبه، قال الدكتورعباس العشيرى طبيب النساء والتوليد بمستشفى الفيوم العام، إن أطباء قسم النساء والتوليد بالمستشفى، تحت إشراف الدكتور حنفى مصطفى رئيس القسم، والدكتورة زينب فيصل قاموا بتوليد سيدة اليوم وتبين أن الطفل شمعى، لافتا إلى أنه قام بتوليد السيدة بمشاركة فريق طبى يضم الدكاترة محمد حنفي وهيثم سعيد ومحمد عثمان، وكانت الولادة لطفل شمعي "colloidal baby" وهي حالة نادرة الحدوث عالميا .
ولفت العشيرى فى تصريحات خاصة لـ"اليوم السابع"، إلى قيام فريق طبى يضم الأطباء أحمد يس وجمال العشيري ومحمد الشامي ومحمد طاهر وإبتسام فايد ورهف عبدالله بمتابعة حالة السيدة، مؤكدين أنها بصحة جيدة.
جدير بالذكر، أن حالة الطفل الشمعى هى حالة نادرة الحدوث عالميا، ويطلق عليها علماء آخرون اسم "طفل الخريطة"، لأن جسد الطفل الشمعى الأملس يأخذ شكل الخريطة، حيث تظهر لدى الطفل الشمعى طبقة خارجية شمعية لامعة، وتسقط فى مدة تتراوح بين 10 و14 يوما تاركة إحمرارا بالجلد، وقشورا تشبه قشرة السمك وتعاود التجدد مرة أخرى، حيث تُعرف هذه الطبقة عالميا باسم غشاء الكولوديون.
.jpg "ولادة نادرة لطفل شمعي")
ولادة نادرة لطفل شمعي
.jpg "ولادة نادرة لطفل شمعي")
ولادة نادرة لطفل شمعي
عدد الردود 0
بواسطة:
محمود سعيد حسن
سبحان الله
بس مش الخبر كان مفروض يوضح اكتر يعنى ايه طفل شمعى؟ مسببات هذا النوع من الحمل؟ هل تم اكتشافه مبكرا، هل فيه خطورة على حياة الجنين
عدد الردود 0
بواسطة:
azza
سبحان الله فى خلقه
سبحانك اللهم لاعلم الا ما علمتنا. كل يوم اكتشافات جديدة ومعجزات الاهيه له فى خلقه شئون
عدد الردود 0
بواسطة:
محمود
سبحان الخالق العظيم
اضم صوتي لاستاذ محمود ممكن مثل هذه الامور شوية معلومات اكتير حتي الناس تتعرف علي مثل هذه الامور التي قد تكون لبعض الناس غريبة حتي تتعلم الناس ويكون لديها مخزون من المعلومات. حب الاستطلاع والفضول هو الي خلي الواحد يقرأ مثل هذه الاخبار.بس خسارة ان ما عرفنا وشرح لينا ما هو هذا الشئ ؟ نرجوا ان تتعبوا شوية وتزيدوا المعلومات . فنحن ننظر الي جريدة اليوم السابع علي انها صرح عظيم .فكونوا قد المسئولية.
عدد الردود 0
بواسطة:
بنت مصرية
الطفل الشمعى !!
ردا على الأخوة اللى بيسألوا عن مرض الطفل الشمعى , الطفل الشمعى يا اخوانى حالة وراثية نادرة , بتحصل فى حوالى تلاتة فى المليون من الأطفال , الطفل بيورث المرض ده من أبويه اللى بيكونوا حاملين لجين المرض بصورة متنحية , ببساطة جسم الطفل بيتغطى كااملا بطبقة شبه الشمع , كأنه مغطى بشمع سبق صهره مثلا , عارفين لما تسيحوا شمعة وتعملوا طبقة بالشمع السائل وتسيبوها تجف!! جسم الطفل بيبقى متغطى بطبقة عاملة زى كده بالظبط !!, ممكن الطفل يتولد كده وممكن يظهر المرض بعد اسبوعين تلاتة من ولادته , الطبقة دى مشكلتها فى شوية حاجات , اولا وجودها بيحبس حرارة جسم الطفل فحرارته بترتفع , ثانيا لما الطبقة دى بتتقشر وتتساقط بتسلخ جلد الطفل فبيفقد سوايل جسمه عن طريق الجلد فيجيله جفاف , ثالثا القروح والتسلخات اللى بتسيبها طبقة الشمع دى فى كل مرة تنسلخ فيها بتكون وسط لنمو الفطريات والبكتريا وبعض الفيروسات , منفذ للعدوى يعنى , فده بيخلى الحفاظ على حياة الطفل متلخص فى تغطية جسمه كاملا طول الوقت بمجموعة من الكريمات والمراهم , امدام الطفل بالسوائل وريديا , اعطاء الطفل مضادات حيوية وخافضات حرارة , المرض ملهوش علاج نهائى , كل اللى بيحصل هو محاولة الحفاظ على حياة الطفل لأطول فترة ممكنة وبس , طبعا بمرور الوقت وطول استعمال المضادات الحيوية الطفل بيصاب بأنواع من العدوى متأثرش فيها المضادات الحيوية فده بيؤدى للوفاة !! معظم الحالات بيتوفوا أطفال,بعضهم بيتوفوا بعد الولادة بساعات أو ايام ,اكتر حالة عاشت بالمرض ده كانت فى الهند والطفل عاش 24 سنة , فيما عدا ذلك الغالبية بيتوفوا تحت سن عشر سنوات , مفيش طريقة للوقاية من المرض الا بالفحوص الجينية للأبوين قبل الزواج , ولو تزوجوا يبقى تتعمل فحوص جينية لكل جنين اثناء الحمل لمعرفة ان كان مصاب بالمرض أو لأ , لأن الأبوين دول مش لازم يصاب كل ابنائهم بالمرض , يعنى لو خلفوا تلت اطفال مثلا ففيه احتمال ان طفل من التلاتة بيكون مصاب والطفلين التانيين حاملين لجين الأصابة بشكل متنحى لكن مش مصابين , المرض نفسه نادر علشان كده احتمالية توافر جيناته فى الزوجين قليلة , وده نوع من رحمة ربنا , طبعا لعل الطفل ده اختبار لصبر أبويه واحتساب أجرهم عند الله , ربنا معاهم ومعاه .
عدد الردود 0
بواسطة:
الاحمدي
الف شكر
مجهود مشكور (بنت مصريه) الف شكر علي توضيحك المعلومات دي لنا ربنا يبارك فيكي ويكرمك علي التوضيح الراءع. تمنياتي لكي بالتوفيق داءما