قال الدكتور مصطفى السيد، عالم الكيمياء والنانو تكنولوجى، إنه طبق تجربة علاج السرطان بمعدن الذهب على عددا من الحيوانات المختلفة، وبالفعل تم الشفاء ولم يأتى المرض للحيوان مرة أخرى فى أماكن الإصابة التى تواجد بها هذا المرض.
وأضاف السيد، خلال حواره مع الإعلامى وائل الإبراشى، ببرنامج "العاشرة مساءً" المذاع عبر قناة دريم، أنه أجرى التجارب على "الكلاب والقطط والأحصنة" داخل مركز البحوث وجامعة القاهرة بقسم الحيوان، مشيرا إلى أنه تلقى عرضا من الصين لإتمام مشروعه الخاص بعلاج السرطان بالذهب، ولكنه فضل إكماله فى مصر، نظرا لسير التجربة بشكل جيد داخل بلده.
وأشار إلى أن العلاج بجزيئات الذهب ناجح، ولكنه يسير حاليا وفقا للإجراءات العلمية حتى يتثنى له التأكد تماما من أنه آمن على حياة الإنسان دون إصابته بأى شئ أثناء العلاج.
عدد الردود 0
بواسطة:
سعيد ابو مترو
الصين ايه يادكتره
.... عيب الكلام ده.... القطط والكلاب! و هو فيه حاجه اسمها الاحصنه؟ قصدك الخيل.... على اى حال لازم تورى الناس اشعة X قبل وبعد الدهب يادكتره... لو غير كده... خلى الهرم يكبر بالدهب!
عدد الردود 0
بواسطة:
ابراهيم حنفى البغدادى
الدكتور كلامه معقول جدا
اولا . السرطان ممكن يخرج من الحسم لما يشوف الذهب و يحاول يخرج بره علشان يلم ثروة ذهب.... ثانيا. كلنا بنقول ان المشاكل جايه من النحس... يعنى النحاس مش الذهب.. و لذلك الذهب هو المعدن اللى بيطلع السرطان.. و العياذ بالله.. شد حيلك يادكتور....
عدد الردود 0
بواسطة:
حليم بقال العمليه
الناس بتعالج البرد بمية الفضه من زمان
... طبعا الاستاذ السيد يقدر يعالج المرض البغيض بالذهب .... وبكره يكتشف علاج للقلب بالالماظ.... مبروك.....
عدد الردود 0
بواسطة:
طالب طب
ربنا يوفقك يا دكتور
طبعا التعليقات بتقول إن الناس مش عارفة مين الدكتور مصطفى السيد ....
عدد الردود 0
بواسطة:
عبدالله
السادة المعلقين
اولا يجب تفهم كلام العالم الجليل طريقة العلاج بالذهب هي طريقة ابتكرها الدكتور مصطفي السيد وهي عبارة عن تسخين المنطقة المصابة بالمرض عن طريق حقنها بجزيئات الذهب ارجو متابعة ابحاثه جيدا بدل التريقة
عدد الردود 0
بواسطة:
الجواهرجي
انا اعرف مريض موافق علي العلاج بالذهب بس له شرط واحد ....
الذهب لا يقل عن عيار 24. امال أيه ؟ هو يعني اقل من عبد الله السعيد اللي لهف 40 مليون جنيه و 4 مليون دولار و فلسع علي لندن.
عدد الردود 0
بواسطة:
حسام
ياريت نعرف مين الدكتور مصطفي السيد
العالم الدكتور مصطفي السيد هو واحد من اعظم علماء مصر في العصر الحالي وهو رئيس مجلس امناء مدينة زويل للعلوم والتكنولوجيا واللي عينه كان الدكتور احمد زويل رحمه الله, يعني بالبلدي هو مش واحد بيفتي ده راجل عالم كبير وليه اسمه ووضعه لان واضح من التعليقات ان الناس مفكراه واحد من الشارع جاي يقول كلمتين
عدد الردود 0
بواسطة:
محمد
مستعد للتجربه لعله يكون الامل الوحيد
السلام عليكم اختى مصابه بالسرطان وحالتها حرجه ارجو ان يوصلنى احد بالدكتور مصطفى ومستعد لتجربة العلاج لعله يكون الامل الوحيد لنا فى شفائها ده رقمى للتواصل
عدد الردود 0
بواسطة:
مواطن مصرى
عايزين حاجة فعلية
عايزين حاجة حاجة فعلية وارحمو الناس وكفاية كﻻم عايزين تنفيذ حقيقي علشان انقاذ مرضي وارحمو علشان ربنا يرحمكم علشان خاطر عايزين تنفيذ علي ارض الواقع وكفاية كﻻم بقي وياريت يتم تعميم العﻻج علي مستوي الجمهورية رحمة بالناس واهلة حتي لو سعرة مرتفع بس الناس عﻻج كويس علشان خاطر النبي صلى الله عليه وسلم عايزين حاجة فعلية .واشكر جريدة اليوم السابع