كشف مصدر مسئول بنادى الزمالك أن مرتضى منصور، رئيس النادى، عدل بشكل رسمى عقد أيمن حفنى صانع ألعاب الفريق، حيث يمتد 3 مواسم ويقتضى بحصوله على 6 ملايين جنيه سنوياً.
وأضاف المصدر ذاته أن مرتضى منصور سيعلن رسمياً عن تعديل عقد أيمن حفنى فى المؤتمر الصحفى المقرر له غدا السبت، فى مقر النادى، والذى خصصه مرتضى منصور للحديث حول صفقة القرن.
يذكر أن مرتضى منصور سيتحدث فى ذلك المؤتمر عن توقيع عبد الله السعيد للزمالك وتمديد عقده فى الأهلى، ومفاوضات النادى الأبيض مع أحمد فتحى الظهير الأيمن للأهلى، بخلاف الأزمة الحالية للنادى الخاصة بالتحقيقات واللجنة المشكلة من جانب وزارة الرياضة لإدارة النادى ماليا.
عدد الردود 0
بواسطة:
Sayed
العب يالا
يااااااااااااااااااااااه اخيرا ظهرت صفقة القرن وطلعت انها تجديد ايمن حفنى للزمالك بدل ما الاهلى يشتريه .... فعلا ضربة معلم من مرتضى منصور . وبرضه ايمن حفنى لسه شاب صغير 34 سنة وبيلعب فى منتخب الشباب تحت الستين . واتارى مرتضى منصور بيصرف نظر الناس عن تجديد ايمن حفنى بموضوع اتنين لاعيبه ملهمش فيها زى عبد الله السعيد واحمد فتحى .... فعلا صدق اوكا وصدق اورتيجا عندما قالوا ................ العب يالا
عدد الردود 0
بواسطة:
محمد حامد
صفقة قرن إيه ما خلاص
بح !
عدد الردود 0
بواسطة:
أهلاوي جدا
صـفـقـة الـقرن أم صـفـعـة الـقرن ! كلامك كلـه هجص وفنكوش يامورتا وخلاص انتهي الدرس ياغبي
هذا الرجل المدعو مرتضى منصور أو الريس حنفي كل كلامه هجص في هجص والناس كلها عارفه كده والكل عارف انه يكذب كما يتنفس في كل مواضيعه وحكايته خلاص هذا الرجل كارت محروق مهتز نفسيا وعصبيا ولكن العجيبة أنه لايشعر بالخجل أو الكسوف أبدا ! وبعد ما الاهلي أعطاه صفعة القرن اللي هتفضل معلمه على قفاه لسه بيكلم وبيكذب وبيهجص ! هذا الرجل المختل نفسيا يحتاج إلي علاج فورا ولكن علي الجمعيه العمومية بالزمالك التخلص منه فهو واجهة غير مشرفة لنادي الزمالك ومؤتمر الفنكوش بتاع بكرة الناس كلها عارفه مقدما إنه هجص وكذب وهو نوع من الكوميديا بطولة مرتضى أراجــوز ومهما عمل وحاول لن يستطيع مداراة الصفعة اللي على قفاه بصراحه .. ولو على الفلوس اللي خدها منك عبدالله السعيد فهذه مشكلة بينك وبين اللاعب وليس للاهلي دخل فيما يحدث بينكم ولعلمك الاهلي أدالك صفعة تانية أمس حينما اعتمد عقد تمديد عبدالله السعيد والاوراق اللي معاك بلها واشرب ميتها ياريس حنفي .. ولكن لي سؤال مهم للزملكاوية والجمعية العمومية ألا يوجد رجل عاقل ذو واجهة مشرفة يصلح لرئاسة الزمالك غير هذا المختـل ؟؟ أريد إجابة بصراحه ..
عدد الردود 0
بواسطة:
ابو الوفا
صفقه القرن!!
كان عندى عامل فى المزرعه وعلق الموبيل الصينى فى قرن الجاموسه فى الارض الزراعيه ولكن الجاموسه خبطته وحكمو على اشترى له واحد تانى وسموها فى المزرعه صفقه القرن
عدد الردود 0
بواسطة:
مصرى اهلاوى
نادى القرون السحيقة
مرتضى قرنه طش