يقدم "اليوم السابع" لقرائه كل ما يريدون معرفته عن مميزات السخان الشمسى لتقليل قيمة فاتورة الكهرباء الشهرية، ومميزات السخان الشمسى فى 9 معلومات، وهى كالآتى:
1- يتميز السخان الشمسى بالكفاءة العالية لامتصاص وتخزين الحرارة.
2- يتميز بسرعة وسهولة التركيب والصيانة.
3- لا ينبعث منه أى ضوضاء أو أضرار.
4- يحقق الأمان بتجنب مخاطر الحرائق والاختناقات الناجمة عن استخدام الغاز والكهرباء.
5- توفير الماء الساخن ليلاً ونهارًا حتى عند انقطاع التيار الكهربائى.
6- يحافظ على الشكل الداخلى بالمطابخ والحمامات وتوفير المساحات الداخلية.
7- يمكن استخدام سخان واحد لعدد من الوحدات (حمامات ومطابخ) لأكثر من شقة.
8- يوجد سعات مختلفة لسخانات الطاقة الشمسية تناسب جميع الاحتياجات والاستخدمات.
9- يتراوح سعره ما بين 14 ألف جنيه إلى 70 ألف جنيه.
عدد الردود 0
بواسطة:
gamal
لا .. السعر غالى جدا جدا جدا ... ! يعنى اطلع من حفرة ( الكهربا والغاز ) لـ ( دحديرة ) الشمس !
من 14 ألف لحد 70 ألف .. ! كنا فاكرين ان السعر يكون فى متناول العامة البسطاء اللى هم بالفعل فى اشد الحاجة الى التوفير اطلع من حفرة لدحديرة ومن فخ لفخ 😔
عدد الردود 0
بواسطة:
mado said
سخان للاثرياء فقط
بالله عليكم اللي يقدر يجيب سخان ب14 ألف وهو اقل سعر كما ذكرت واكيد اقل سعة تخزين كمان هيفكر في فلتورة الكهرباء غالية ولا رخيصة.... لو الدوله عايزة توفر فعلا لازم تدعم الواح الخلايا الشمسيه لانها غاليه جدا وليست في متناول حتي الطبقه الوسطى فما بالك بطبقه معدوي الدخل اللي السواد الاعظم من الشعب منها
عدد الردود 0
بواسطة:
خالد
مفيش فكر
ده لو الواحد بيدفع 100 كهرباء فى الشهر يقعد حوالى 10 سنيين لو بيدفع 200 جنيه يقعد حوالى 5 سنيين يعنى الرحمة اللى يخلينى ادفع 14 الف دلوقتى غير الصيانة اوفر وادفع للكهرباء فلوسها وخلاص مفيش فكر ارحمونا بقى . هو علشان مش هيدفع للدولة فلوس الشمس تولعوا فيه.
عدد الردود 0
بواسطة:
رضا سيرج
نوفر لك الخزان الشمسى بتكلفة بسيطة توفر لك الماء و الغاز و الغذاء والكهرباء ب 2000 جنيه مع الشكر
نوفر لك الخزان الشمسى بتكلفة بسيطة
عدد الردود 0
بواسطة:
مصطفى بشير
الحطب موجود
شويه حطب على الموقد وخلصته الحكايه بدلا من 14الف جنيه
عدد الردود 0
بواسطة:
المصرى
يعنى اللى هايدفع المبلغ دة
يعنى اللى هايدفع المبلغ دة فى سخان هايخاف من فواتير كهربا وهل هادفع مبلغ ضخم علشان اوفر من فواتير سعر لايخص الفقراء ولا حتى العاديين
عدد الردود 0
بواسطة:
أبو الشيماء
السعر عالى جدا وبالتالى الحل فاشل
السعر عالى جدا وغير منطقى من الناحية العملية أن يتجه المواطن الى تغيير السخان الى شمسى للتوفير ....... 14 ألف جنيه فى البنك تحصل على عائد 20% كل ثلاثة شهور حوالى 700 جنيه تدفع الكهرباء وتجيب بالباقى حمام وفراخ هههههههه لايمكن بأى حال من الأحوال تزيد فاتورة الكهرباء للسخان عن هذا المبلغ ده لو اشتغل 24 ساعة يوميا فى الشهر .... ادرسوا الموضوع قبل النشر
عدد الردود 0
بواسطة:
mado medo
فكرة جيدة
لو اشترك عدد من السكان (سبعة مثلا) يكون نصيب الفرد 2000 جنية , وعلي المدي البعيد يكون موفر ، ولكن بكل اسف نفتقد روح الجماعية. ومن الممكن تسهيل شراء السخان بالتقسيط وبذلك يكون قيمة القسط قريبة من استهلاك الكرباء والغاز - مجرد رأي والله الموفق
عدد الردود 0
بواسطة:
ابن محــــــــــــــــــــــــرم
تجربة فااشلة
ما من شك فى ان تجربة تسخين المياه عن طريق السولار انيرجى شئ شيق ومجال غاية فى الروعة وما يجعل سعر الوحده مرتفع جدا هو الخامات التى يتكون منها الجهاز من حيث النحاس الاحمر الكهربائى وقائق النحاس التى تتخلل الوحدات ووصلاتها الخارجية بالاضافة الى الفريمات الالومنيوم فكل مكونات الجهاز غالية جداا ومكلفة ومع ذلك فشلت التجربة بشكل كبير فى مصر نظرا لان المياه عندنا ليست بالنقاء التى يجعل السخان يعمل بكفاءة فعند التسخين وارتفاع درجات الحرارة داخل انابيب الجهاز تعرضه لفصل الاملاح وترسبها داخل الانابيب مما يعوق حركة المياه وتوقفها نهائى عندما تمتلاء الانابيب بترسبات الاملاح بالاضافة الى تعرض اسطح الوحدات للغبار والاتربة مما يعوق عمليات التسحين . المياه فى مصر غير صالحة لاستعملات السخانات الشمسية .
عدد الردود 0
بواسطة:
جاد
صنع فى مصر ولا فين
ان كان صنع فى مصر والسعر غالى كده ؟ كارثه بكل المقايس