ريهام سعيد
مشاركة
أعربت الإعلامية ريهام سعيد، استيائها من ردود فعل الجمهور على فستان رانيا يوسف فى مهرجان القاهرة السينمائى الذى آثار جدلًا واسعًا.
وقالت خلال برنامجها "صبايا" المذاع على شاشة "الحياة"، :"هناك ١٠٠ طفل مريض قلب هيموتوا، وأنتم ماسكين في فستان رانيا يوسف؟.. لماذا رانيا يوسف؟".
وأشارت إلى أن أحد المصورين قام بتصوير الفنانة رانيا يوسف من زاوية غريبة من وراء ظهرها، وهو الجدير بالحساب، مضيفة :"لازم تحاكموه، لأنه يتصيد الأخطاء لها وهذا النوع من الصحفيين لابد من محاكمته".
الموضوعات المتعلقة
مشاركة
تم أضافة تعليقك سوف يظهر بعد المراجعة
عدد الردود 0
بواسطة:
Mostafa mohy
رأى أ ريهام سعيد فى فستان أ رانيا يوسف
كلام حضرتك يا أستاذة ريهام جميل فى موضوع فستان أ رانيا يوسف ، أنا أعرف ناس عاديين من جيرانى و زمايل شغل بيلبسوا بررااااحتهم جداً وعادى لأن زى ما حضرتك قلتى ( أنا مين شغلنى قاضى عليها ) بس فى إختلاف بسيط لو تسمحيلى بيه الإختلاف هو إن الناس العاديين دول بيشوفهم ناس كتير بس متفرقين لكن الأستاذة رانيا يوسف و أى فنانة تانية مش الأستاذة رانيا يوسف بعينها دول بيبقى مشاهدتهم بالإجماع على الميديا فبيشوفوهم ناس كثير برضو بس مش على مرات متفرقة فبيحصل أزمة و بتبقى ظاهرة و بعدين الفنانين عموما هما الواجهة و صورة مصر و هما اللى كمان بيطلعوا الموضة و الناس بتقلدهم بس مش أكتر لكن أنا مع الرأى اللى بيقول أنا مش قاضى عليهم و نفسى ييجى يوم على الشعب دا و يغير ثقافته و منظوره للأنثى و يبطل النظرة الجسدية دى و نبقى زى الشعوب اللى ما بتفرقش فى المعاملة بين الست و الرجل ، أسف للإطالة 🌷🌹
عدد الردود 0
بواسطة:
شعبان خميس
لازم تحاكموه
فعلا لازم يتحاكم ازاى ياواد تعمل كدا فى خالتك رانيا مش عيب . وعشان خاطرك ياريهام المصور هو اللى كان لابس الفستان ولاتزعلى نفسك ياعسل
عدد الردود 0
بواسطة:
ابوبكر مرسى محمود
بدون محاكمه
على المصور تسليم نفسه لادارة السجون وبدون محضر فى الداخليه ولا قضيه فى المحكمه باعتبارة هو الجانى فى تنفيذ حكم ريهام السعيد لانه صورها من الخلف وبدون اذن كتابى من رانيا يوسف وانها حريه فكر وحريه لبس وحريه شخصيه
عدد الردود 0
بواسطة:
كمال فاروق زمزم
المناضلة جدا يافندم رانيا يوسف
أعربت الإعلامية ريهام سعيد ومين ولامؤاخذة اللى علمها الإعراب بالشكل ده منه لله .. ياريت تبطل تعرب لأن الإعراب كله غلط أروح لمين .. وأقول يامين ينصفنى منك ياريرى .... سكتى دهرا ونطقتى وياريتك مانطقتى ياريرى
عدد الردود 0
بواسطة:
عاطف شوقى
الاعلام هو السبب
اى شىء ممكن ان يمر بدون ضجه انما الاعلام هو الذى يروج ويخلى اللى مايشترى يتفرج ويعمل من النمله فيل وعلى فكره الفستان جميل جدا انما ينقصه ربع متر بطانه .لو نركز على الابحاث العلميه وكيف نقوم بتمويلها بدل الفضايح الهايفه وثرثره الفسحه لكنا من الدول المتقدمه منذ عشرات السنين
عدد الردود 0
بواسطة:
M.M
الفستان
كون رانيا قالت ان البطانه اترفعت ده اعتذار غير مباشر اما بقى بالنسبه للمصور فهى مش متصورة فوتوغرافيا بس انما هى كمان ظاهرة فالفديو بشكل ابشع من تصوير الكاميرا