مازال الجدل مستمرا حول فستان رانيا يوسف والذى ارتدته فى ختام مهرجان القاهرة السينمائى، فرغم البيان الذى أصدرته النجمة رانيا يوسف تتحدث فيه عن الفستان وملابسات ارتدائه، علق ميدو على الفستان عبر حسابه قائلا: "فستان رانيا يوسف وحش جدا بصراحة، بس انتوا مال ابوكوا هو عريان ولا لأ؟ هتنزلوا معاها القبر تتحاسبوا؟ والله والله والله 70٪ من اللى هاجموها لو شافوها هيبوسوا ايديها ورجليها كمان".
ويبدو أن هذا الحديث لم ينل إعجاب سما المصرى، والتى قامت بـ "وصلة ردح" ضد ميدو بعد هذه التغريدة، حيث أبدت اعتراضها على كلمة "انتوا مال أبوكوا"، مبررة ذلك أن النقد حق لأى شخص.
ميدو على تويتر
سما المصرى على انستجرام
وقالت سما المصرى لميدو "لا لا لا حاسب بس.. احترم نفسك فى الكلام معانا أومال.. أنا واحدة بانتقدها يبقى مال أبويا ؟؟ طب وانت كمان مال أبوك؟؟ انا حرة انتقدها بمزاجى طب ما فى ناس بتتنقدنى اطلع أقولهم مال أبوكم ؟؟
وأضافت سما: "اختشى على دمك كل واحد له حق النقد طالما مابيجرحش فى حد.. ايه هندبح الناس ونجيب سيرة أبوهم وأمهم علشان بينتقدونا؟؟ أنت عاجبك الموضوع ولا هى صاحبتك انتوا أحرار لكن هتجيب سيرة الأب والأم هنجيب سيرة أبوك وأمك دا لو انت قلت كده بجد؟؟..
وتابعت سما موجهة حديثها لميدو: "وبعدين بتقول اللى بينتقدها يتمنى يبوس رجليها، ليه يا حبيبي رجل شجرة الدر ولا إيه ؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية".
واختتمت سما: "بلاش التعالى ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه باه ؟؟ عيب على اسمك وتاريخك تتكلم كده مع الناس.. أنت بتكلم بنى آدمين ذيهم، أنت مش أحسن منهم، ولا على راسك ريشة ياسى كابتن انت".
عدد الردود 0
بواسطة:
Mido
زمن اسوووود
مين سما المصرى دى هههه دا بتقول فستان رانيا يوسف وحش وبتنتقدة هههههه امال لبسك بقى يبقى ايه ولا انتى اساسا تبقى كلك على بعضك كدا تبقى ايه يالهوى اسود على الزمن اللى احنا فيه .وبعدين بلاش الكل يدعى العفه والطهارة كله عامل خضرة الشريفه واللى جوا بلاوى
عدد الردود 0
بواسطة:
حسين الشاويش
سما المصري
استرها علينا يارب
عدد الردود 0
بواسطة:
مشمش
الاشتغاله القادمه عليكى ..يا سمومه.
😣
عدد الردود 0
بواسطة:
احمد
هى سما المصرى مين دعاها
هو مين دعاها تروح المهرجان ..هى عملت اية علشان تروح .. ولا علشان هى مرة جامدة فبعتولها دعوة علشان الناس تتفرج
عدد الردود 0
بواسطة:
أحمد عبد الوهاب
لا واللهِ
عموماً ياسما ربنا يهديكم انتو التلاته إنتى ورانيا وميدو أو ياخدكم ويحشركم مع بعض .
عدد الردود 0
بواسطة:
Ali
برافو سما
برافو يا سما دى اقل حاجة ممكن تقوليها بس اقولك اللى احسن من كده انك ماترديش خالص علشان ده مايستاهلش نشوف أصلا هو كتب ايه
عدد الردود 0
بواسطة:
سمير
الفنانة سما المصرى
انتقادك لميدو صح . انتقادك لرانيا خطأ . لأن اسلوبه يجافى الأدب .
عدد الردود 0
بواسطة:
ربيع حسين
مش فاهم !!!!!!
سيبتوا كل حاجة ومسكتوا فى فستان رانيا .... طيب السيدة التى تم تعريتها وقد تجاوزت السبعون عاما وزفوها عارية فى إحدى قرى الصعيد لم نسمع أن محامى من دول قال كلمة ولا لفظ ولا حتى إحتجاج !!! لأن هذه السيدة ليست فى شهرة رانيا ...فالموضوع مايستاهلش !!! عموما الشعب المصرى فهم هذه العينة من المحامين .
عدد الردود 0
بواسطة:
ياسر موسي
فاقدالشيء لا يعطيه
فاقد الشيء لا يعطيه باختصار