بشرى تقصف جبهة محمد رمضان فى كليب جديد: "أسدك يابا هبشته قطة"

الإثنين، 24 ديسمبر 2018 11:02 م
بشرى تقصف جبهة محمد رمضان فى كليب جديد: "أسدك يابا هبشته قطة" بشرى ومحمد رمضان
كتب مصطفى فاروق

مشاركة

اضف تعليقاً واقرأ تعليقات القراء

"لو فاكر نفسه إنه لوحده جوا النادى، ده ملوك كتير دخلوا قبله من سنين".. اختارت الفنانة بشرى هذه الكلمات لتكون آخر مفاجآتها الغنائية لعام 2018، عبر كليب "كوبرا".. مفاجأة غير متوقعة بالمرة، وربما تكون بلا داعى أو بدون مناسبة، وستعيد النفخ فى نيران إثارة الجدل التى أشعلها النجم محمد رمضان بدخوله سلك الغناء فجأة، وربما لن تحتاج لكثير من التفكير فور سماعك إياها لتجدها "بترمى" بشكل مباشر على "الملك" فيما يعبر عنه مجازًا بـ"قصف جبهة".

أغنية "مستنسخة بالمللى" من أكثر أغنيات محمد رمضان إثارة للجدل "رايحين فين ده أنا الملك، نادى الملوك مين فيكو مشترك"، والتى اقتربت من كسر حاجز الـ60 مليون مشاهدة، وتربعت على عرش تريندات السوشيال ميديا لعدة أسابيع، ليس شكرًا فيها ولا إشادة لإجادته الغناء وإنما انتقاد و"هوجة جماهيرية" على فكرة المحتوى نفسه، من تعظيم مبالغ فيه للنفس، واصفًا نفسه بـ"ملك المجال"، والأسد فى غابة الفن، لتقرر "الكوبرا" الخروج من كهفها بشكل مفاجئ وتحاول ركوب التريند من جديد بـ"لدغة غنائية ساخرة".
 
www

بعيدًا عن فكرة الأغنية نفسها، وكونها "بتجر شكل" الملك، وإنما تعد بادرة يجب الثناء عليها لإشعال فتيل الحرب الغنائية بين الطرفين، والتى من المؤكد أن الأسد سيضطر آسفًا من الخروج مرة أخرى من عرينه ويزأر ثأرًا لجبهته التى تم قصفها علنًا بكل احترافية، ابتعدت كل البعد عن البوستات عديمة الجدوى، ومحاضرات الأخلاق، وقررت الرد على "النمبر وان" بحركة "كش ملك" ربما ستقلب لعبة التريندات خلال الساعات المقبلة، فما على الجمهور سوى "تحضير الفشار"، استعدادًا لمشاهدة ما هو آتٍ على منصات السوشيال ميديا.

46303959_2229561013991813_8227072789643788288_n










مشاركة

التعليقات 9

عدد الردود 0

بواسطة:

مواطن

الكبرياء والعظمه لله وحده يامكابر

متنساش نفسك محمد رمضان وياما اكم ناس قبلك انجح منك بكتيييير وفى ثانيه تساوو باالثرى لاتتفاخر اليعتلى القمه يرى الناس صغار ويرونه صغير

عدد الردود 0

بواسطة:

اسااكة

ننننننن

لو عارفة ان ف الاخر متر فى متر قماش لابسة عريان لية

عدد الردود 0

بواسطة:

.............

>>>>>>

سؤال للكاتب هو محمد رمضان صاحبك ؟

عدد الردود 0

بواسطة:

محمود شلتوت

ليييييييييييييييييييييييه

كل ده من ائار المجاري الي طفحت غي مصر بعد الئوره

عدد الردود 0

بواسطة:

ابراهيم الأبيض

لا يصح

مبارزه فى غير محلها و محاوله فاشله لاستعاده الاضواء

عدد الردود 0

بواسطة:

مصري وحياتك

ما فيه ابدأ وجه مقارنه

لا توجد أي وجه مقارنه بين اللي اسمه محمد رمضان ووحش الشاشه فريد شوقي والا نسيتوا نفسكم وعظماء اخرون في السينما المصريه

عدد الردود 0

بواسطة:

وليد مختار

خسارة يا ام الدنيا

يا جماعة انا مغترب فى الخليج وزعلان اوى الفن بقى كدة بقابل كل يوم ناس من دول تانية هما نفسهم زعلانين على وضع الفن فى مصر لية بنقول ال عايز يتفرج اوك والا مش عايز معاة الريموت دا اكبر غلط لاذم رقابة شديدة على كل الا بيتقدم ومنقولش زمن الحريات مهو الفن دا صورة مصر فى الخارج ومثال على كدا تركيا السياحة زادت اضعاف من ورا المسلسلات ال بتصور جمال تركيا رغم انها مش احلى من مصر ابدا بجد بقينا شعب تافة متلموش على بشرى دا رد فعل على هرتلة ملك الغابة وال زية كتير . طيب شوفو عادل امام ومحمود عبد العزيز واحمد زكى كل اعمالهم لها رسالة انا اتربيت على فن محمد صبحى يوميات ونيس واتعلمت الاخلاق والقيم مش اقلع ملط وامسك سكاكين كلام قذر وبيئة اخر حاجة الناس برة مفكرة ان مصر دى لهجتها وساكنة كلها عشوائيات وبيخافو كتير ينزلو مصر عشان بلطجة الافلام مفكرينها حقيفة . عندى حق ولا غلطان .

عدد الردود 0

بواسطة:

عايده

مكلمة تليفونية

كنتي اتصلتي بة و نصحتية و خلاص بدل التكلفة العالية في صنع كليب و لما هي مش ديما ليكي و لا لة ...كنتي اتبرعتي بثمن الكليب للفقراء و ما اكثرهم.................. حوارات فارغة

عدد الردود 0

بواسطة:

كريم

طارت جبهة رمضان

جامد الكليب وبصراحة جابت جووووووووووون في الشبكة

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة