أكد الرئيس عبدالفتاح السيسي، أن تنفيذ المشروع القومى للصوب، على يد المصريين، يجعلهم يشعرون بالفخر والسعادة".
وقال الرئيس خلال افتتاح المشروع القومى للصوب الزراعية موجها حديثه للمصريين: "هل المشروع ده ميخلكمش دايمًا تشعرون بالفخر والسعادة، كل القائمين على المشروع مصريين يا ترى ده ميحسسناش إننا بنتحرك بخطى جيدة؟".
وأضاف الرئيس: "يا ترى مشروع ال35 ألف فدان صوب اتكلف كام؟، لازم تبقوا سعداء وفخورين جدا يا مصريين، لما يكون حاجة أنجزناها مع بعضنا وتدينا أمل، وإذا كان 35 ألف فدان بيشغلوا 75 ألف عامل، طب لما نكمل الـ 100 الف فدان، هايوصل لـ 250 ألف عامل شغل حقيقى".
ودعا الرئيس القائمين على المشروع إلى الاهتمام بالتدريب وتأهيل العمال، قائلا: "أرجو من القائمين على الشركة الاهتمام بموضوع التدريب والتأهيل والمحافظة على المعايير المعمول بها حتى يستمر نفس الآداء الذى نتمناه"، متابعا :"إحنا اتكلمنا على مشروع الـ 35 ألف فدان، لكن مشروع المليون ونصف فدان شغالين فيه، وأرجو عرض آخر تطورات ما وصلنا إليه فى هذا المشروع".
وتابع الرئيس: "بنعمل كتير لينا ولشغلنا وحياتنا ومستقبلنا وبنعمل الحاجة زى ما انتو شوفتوا بشكل متكامل يعنى بنوفر كل المنظومة على بعض، وكان دايمًا يقولك فى السوبر ماركت الكبير ده "أورجانيك"، يعنى الناس تاكل أورجانيك وباقى المصريين مياكلوش أورجانيك ولا إيه؟، اللى معاه فلوس ياكل أورجانيك والباقى مياكلوش؟، لا.. إن شاء الله كله هايبقى كده، بس إجروا معانا علشان اللى تحقق النهاردة أمر يسعد ويشرف المصريين".
عدد الردود 0
بواسطة:
ياسر
و هل الصوب الزراعية تكفى او تسد عجز
و الصوب الزراعية اساسا غير صحية و لا تنصح بها الدول الاوروبية و المتقدمة لما تسببه من مخاطر على الصحة العامة و اساتذة الزراعة و التغذية يعرفون هذا الكلام جيدا
عدد الردود 0
بواسطة:
ابراهيم
نحن سكان عزبه الهجانه بمدينه نصر نداء الى فخامه الرئيس العظيم عبد الفتاح السيسى
يا ريسنا يا حببنا .. ارجو من جريده اليوم السابع المحترمه بتوصيل ندائى الى فخامه الرئيس عبد الفتاح السيسى . نحن سكان عزبه الهجانه بمدينه نصر ونتمنى نقلنا وتهجيرنا الى المساكن التى يبنيها فخامه الرئيس .. العزبه كلها عشوائيات وبؤر اجراميه ولصوص وحراميه وقطاع طرق واخوان .. لذلك اتمنى بنقلنا الى المناطق الجديده ونحن سكان عزبه الهجانه مستعدون بدفع اقساط شهريه مريحه لعده سنوات .. واتمنى هدم العزبه وتحويلها الى مستشفيات وفنادق عسكريه ونوادى لانها قريبه من طريق السويس ومن طريق المطار .. ولان عزبه الهجانه تسئ للطريق الرئيسى الموصل للعاصامه الاداريه وهو طريق السويس .. العزبه لها عده مداخل . مدخل شارع الورش ومدخل التبه ومدخل مستشفى الكهرباء ومدخل مساكن الشروق عند موقف الاتوبيس ..
عدد الردود 0
بواسطة:
محمد
مع احترامى ليك ا / ياسر
طاب ازاى اوروبا بتعتمد على غذائها الاساسى من الصوبات وعلى راسهم هولندا لضيق مساحة الارض وعلمت اسبانيا وبلجيكا والدنمارك وغيرها من دول اوروبا طريقة الزراعة بالصوبات