سأل الرئيس عبدالفتاح السيسي، محافظ القاهرة اللواء خالد عبدالعال، أثناء عرضه لمشروعات المحافظة عدة أسئلة، كان أولها..
السؤال الأول
تعرف حجم الأموال المتوفرة فى صندوق العشوائيات بالمحافظة؟
السؤال الثانى..
تعرف دخل محافظة القاهرة كام؟
السؤال الثالث..
تعرف عدد مشروعات الكبارى التى تم تنفيذها فى الأربع سنوات الماضية بالمحافظة؟
وجميع الأسئلة واجهها اللواء خالد عبد العال بالصمت.
وكان ذلك خلال افتتاح الرئيس السيسي عددا من المشروعات بمجالى المياه والإسكان الاجتماعى، حيث قال الرئيس السيسى لمحافظ القاهرة: "هسألك أسئلة، ومعرفش انت هتبقى جاهز ترد ولا لأ.. تعرف حجم الأموال الموجودة بصندوق العشوائيات عندك؟ طيب هسألك سؤال تانى، دخل المحافظة كام؟"، فيما علق المحافظ: "المحافظة يافندم، سيادتك..."، ثم صمت عاجزا عن الإجابة.
وواصل الرئيس حديثه للمحافظ: "تصدق وتؤمن بالله؟ انا عارف دخل مصر كام بالحتة.. دا شغل، ولازم تعرف كل جنيه فى محافظتك وإزاى تعظمه وتكتره عشان نحل المشكلات.. طيب عملت كام كوبرى فى الـ 4 سنوات الماضية"، مستطردًا: "مش بقصد شيء.. أقول ذلك عشان لما تقعد مع المواطنين وتتحدث معاهم لازم تكون عارف رأسك من رجلك ومن خلال ذلك تعرف تتكلم وتكشف عما قدمته وما حجم عملك وما حققته وما يمكن عمله من خلال الدولة، وأقصى ما لديك.. أنا آسف أن المثال جه فيك أنت.. أنا مش بقصدك أنت خالص.. أنا بقصد كل زمايلنا اللى بيتكلموا مع الناس.. خلوا أى حد فى مصر يتكلم معايا".
وأوضح السيسي أن المسئول يجب أن يكون لديه سياق للحديث من خلال وظيفته عما يقدمه وحجم الأموال وما سيمكن تقديمه، وهذا من ضمن مكملات الوظيفة فى ظل ظروف منطقتنا وما حدث فيها، مضيفًا: "ما حدث فى 2011 وغضب الناس أنه لم يكن لدينا سياق نتحدث من خلاله للناس عن الواقع .. 46 منطقة اتعملوا ازاى؟.. وعملنا كام الف شقة.. دول بكام ؟.. لو ما خدناش بالنا من حالنا هيحصل تانى كدا.. ويبقى ما فعلناه خلال الـ 4 أو 5 سنوات الماضية إننا بنصلح ما حدث ولكن هتتكرر هذه المسائل مرة آخرى.. ولو معملناش كدا وشلنا الناس والأماكن المتواجدين بها ويعاد تصميمها وتعاد بالفعل ستتحول لبؤر مرة آخرى.. هو إحنا هنخلى الدايرة تلف بينا".
وفى حديثه لوزير الكهرباء، قال: "فيه محور فى مدينة نصر عند سوق السيارات تحت سلك الكهرباء.. يا وزير الكهرباء شلنا البتاع ده عشان نفتح المحور ده..لما نفتح المحور دا سيحدث إنفراجه كبيرة وهذا سيضطرنا للدخول لجزء من منطقة الهجانة غير المخططة وبها ناس، وهذا يتطلب تعويض وأماكن جيدة"، كما داعب محافظ القاهرة فى آخر حديثه، قائلًا: "بيجيلك فلوس قد إيه كل شهر".
عدد الردود 0
بواسطة:
حسين شريف
للاسف
للاسف ممكن يكون شخص فاضل جدا و مثله كثيرين .. لكنهم لا يستطيعون إدارة محافظة .. خاصة أن كل محافظة فى مصر تساوى دولة .. و قس على ذلك مسئولين كثر فى مواقع عديدة و رؤساء شركات و وحدات خدمية و إنتاجية .. عموما العيب مش عليهم العيب فى اللى رشحهم لهذه المواقع ..
عدد الردود 0
بواسطة:
مشمش
هذا المحافظ..للاسف القاهره كبيره عليه...والقاهره منذ توليه..وهى من سىء لاسوا وخاصه المبان المخالفه
😎😣...
عدد الردود 0
بواسطة:
مشمش
يجب تقديم الشكر لمحافظ القاهره...واعفاؤه من منصبه...لانه محافظ لقاهره المعز ...ع الورق فقط
😎...
عدد الردود 0
بواسطة:
مصرى
القاهرة سويقه
المعادى بقت سوق وتكاتك حلوان بعد تحريرها من الباعه الجايلين والعشواييات رجعت اسو من ماكن سويقهه وزباله وريس حى نايم ف العسل وشوارع حلوان قدام محطه المترة بتتاجر للبلطجيه بالمتر عينى عينك مفيش مرافق ولا حتى ضابط مرافق كل دة لان المافظ نفسه ضعيف وتايه والموظفين والفاسدين طلعو م الجحور تانى افتحو ملف القاهرة وازى رجعت للخلف در 20 سنه ف فترة تولى المحافظ دة
عدد الردود 0
بواسطة:
حسن
طيب تعالوا شوفوا مساكن شيراتون
أصبحت مرتعا لكل شىء !! المحال التجارية تعج بالموتوسيكلات الغير مرخصة بتاهة الديلفرى وسائقوها يتلاعبون بها فى الشوارع وكل يوم حوادث ناهيك عن الخناقات والألفاظ القذرة التى تمثل البيئة القادمون منها . المحلات تسكنها العمالة بعائلاتهم ولا أحد يسأل من هذا أو ذاك أما ليلا فحدث ولا حرج ...تعالوا شوفوا شيراتون ومساكنة كيف أصبحت .
عدد الردود 0
بواسطة:
Mohamed
يجب ان يقال فورا
شكرًا للريس انه ممكن يسال اَي مسوءول أمام الشعب ،إنما ده دليل علي ان المحافظ مش دريان باي حاجه وللأسف دي عاصمه مصر يديرها محافظ كسول من البيت للمكتب ومن المكتب للبيت ، المعهود عن الريس انه بياخد قرار في ساعته و اتمني ان يصدر قرار اقاله المحافظ لان محافظه القاهره أصبحت من سيّء لأسوء
عدد الردود 0
بواسطة:
abdou
حي البساتين 🌴👆
يا جماعة تعالوا شوفوا حى البساتين واللى بيجرى فيه وخاصة منطقة بير أم سلطان
عدد الردود 0
بواسطة:
ممدوح امين
الرئيس السيسى رئيسا لمصر ومسؤلا عن متابعه الأداء والتطوير لمحافظه القاهره
هذا اذا اردنا انتشال محافظه القاهره من فوضى التكاتك والميكروباص ووسائل النقل الجماعى الحكومى والخاص والقاء الزباله ومخلفات البناء علنا فى الشوارع الرئيسيه اضافه الى الفوضى والفساد الأدارى المتفشى فى غالبيه موظفى شركه مياه القاهره الذين يتفننون فى ابتكار الأساليب المختلفه لظلم المواطنين لتحقيق هدفين الأول : للحصول على حوافز ماليه لأتقانهم جلد المواطنين فى تحصيل رسوم استهلاك مياه دون وجه حق الثانى :وهو مبنى على الهدف الأول وهو هدف خبيث ومستتر لحقيق الاثاره لمشاعر المواطنين ضد مؤسسات الدوله لتقويض السلم الأجتماعى ولهذا ارجو من سياده الرئيس التوجيه بمراقبه هؤلاء المخربين حفاظا على حقوق المواطنين والدوله على حد السواء
عدد الردود 0
بواسطة:
عبد الستار
المحافظ اولا +رؤساء الاحياء الحرامية
كمية الزحام وتكدسات وقلة النظام بالعاصمة كمان كم الزبالة اللي علي الارصفة وفي الشوار وبجوار المدارس يا جماعة دول مترشحين من اعلي سلطة من الدولة وبردو ممكن يكونو حرامية وادينا شفنا محافظ المنوفية ونائبة الاسكندرية حرامية وعلي بابا
عدد الردود 0
بواسطة:
Eman
الاسكندرية
ربنا يقدرك يا ريس بتحل مشاكل 50 سنة مضت, نرجو من السادة المسؤلين إيجاد حلول لمشاكل الاسكندرية