خالد صلاح

صور.. ماذا قالت منة فضالى عن أبطال وفريق عمل فيلم زنزانة 7؟

الجمعة، 09 نوفمبر 2018 05:34 م
صور.. ماذا قالت منة فضالى عن أبطال وفريق عمل فيلم زنزانة 7؟ أبطال فيلم زنزانة 7
كتب محمد تهامى زكى
إضافة تعليق

وجهت الفنانة منة فضالى، رسائل عديدة لأبطال وفريق عمل فيلم زنزانة 7، بعد الانتهاء من تصوير مشاهد الفيلم فى مدينة الغردقة بمحافظة البحر الأحمر.

 

وقالت منة: "من أهم نجاح أى عمل فى الدنيا الحب و الاحترام والإخلاص، الحمد لله فيلم زنزانة 7 كله حب وصداقة بجد بينا، أولا مايا نصرى حتكلم عنها لأنى أول مرة أقابل شخصية محترمه جدا بجد، حساسة مثقفة زوجة وأم تجنن، سعيدة أنى عرفتك بجد وليا صديقة زيك افتخر بيها، بحبك بجد".

 

وأضافت منة: "أحمد زاهر، طبعا شهادتى مجروحة فيك لأنى أعرفك من قبل ما أمثل، طول عمرك جدع وراجل ومحترم ومتغيرتش زى ما ناس كتير اتغيرت، فنان بجد ومجتهد، نضيف قلبك أبيض، اللى زيك قليل، ربنا يكتبلك كل الخير ويديك كل اللى تتمناه يا أبو البنات ويحفظك أنت وهدى وبناتك، انتم مش أصحابى انتم أهلى وبحبكم أوى".

1
 

وتابعت منة: "نضال الشافعى طبعا انت محترم، دى كلمة قليلة عليك لأنك محترم فى كل حاجة، حتى كلامك راقى، اشتغلت معاك مش كتير بس كفاية أقولك انى فعلا سعيدة وأنا بشتغل معاك لأنك فنان وبتحب شغلك أكتر من أى حاجة، راجل فى أى موقف، ربنا يحميك و توصل للى بتتمناه لأنك تستحق اكتر من كده بكتير".

 

وأضافت منة: "إيهاب فهمى عشرة العمر وصاحبى، اشتغلنا كتير أوى مع بعض وكل مرة بشكل مختلف، مبتسبش حق حد وكفاية انك لسه زى ما انت بوبوس العسل أخويا اللى بحبه وبحترمه، ربنا يحميك و يسعدك و تحقق كل حاجه نفسك فيها و تفرح بأحمد".

2
 

واسكملت منة رسائلها، قائلة: "أحمد التهامى، أنت بقى عسل العسليات، طفل بجد، طيب، كل الصفات الحلوة فيك لأن قلبك أبيض، ربنا يديك كل اللى بتحلم بيه"، وأضافت: "عبير صبرى، انتى بقى موضوع تانى، بحبك كده زى ما انتى، أحيانا بتغاظ منك لأنك طيبه بزيادة، بس دى أحلى حاجة فيكى، ربنا يسعدك فى حياتك وانتى نجمة وفنانة بجد".

 

وتابعت منة: "مصطفى هريدى اكتشاف، انت فى الرحلة دى حد أطيب من أى حاجة فى الدنيا بس مش واخد حظك، ربنا يديك بجد على قد طيبة قلبك، أنا بجد حبيتك جدا واحترمتك"، وأضافت: "مدحت تيخه، انت بقى العسل كله حاجه كده شربات، طفل وفنان وكل حاجة فيك وصاحب عسل".

3
 

وتابعت منة: "إبرام نشأت، أول مرة اشتغل معاك، بس انت قريب للقلب، مخرج شاطر جدا جدا وليك فكر مختلف وكمان محترم، اكتسبت صديق ليا مش مخرج وبس"، وأضافت: "حسام موسى، أنت مؤلف تجنن وشبهنا وكمان مستمع جيد ومريح".

 

وأنهت منة كلامها، قائلة: "فى الأخر أحب أقول انى فخورة بالتجربة دى جدا لأنى وسط أهلى وأصحابى، مرسيى على الأيام الحلوة دى والكواليس اللى تجنن، ربنا يتممهلنا على خير ونحتفل بنهاية الفيلم ونجاحه سوا، بحبكم".

4
 
 
منة فضالى
منة فضالى

 


إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة