أكد النائب هانى اباظه، وكيل لجنه التعليم والبحث العلمى بمجلس النواب ، أن اجتماع اللجنة الخاصة المشكلة برئاسة السيد الشريف مطلع الشهر القادم ، سيبحث كافة الأسباب التى وردت من رئاسة الجمهورية بشأن قانون البحوث السريرية ، لمعالجتها بالتعديلات الجديدة .
وأشار وكيل لجنة التعليم والبحث العلمي، لـ" اليوم السابع" ،إلى ان لجنة التعليم أول من رفضت ذلك التشريع ولم تكن راضية عن هذا القانون فى شكله الاول بسبب نفس ملاحظات رئيس الجمهورية عليه والتى ترى ان هذا التشريع بصورته الحالية يمثل قيد على الرأى العام ، كما أنها حذرت منه .
وشدد انه لا يمكن القبول بالشك فى الطبيب المصرى فهو من المستحيل أن يستخدم المواطن كحقل تجارب، كما ان الصورة الحالية للتشريع يجعل صعوبة تطبيق اى بحث علمى لانه يهدد بسحن صاحبه،فهو يمثل تشكيك فى مصداقيته وجعله عمل منافى للقسم الطبى ويضرب مهنة الطب من الأساس.
ولفت انه من الضرورى ان تكون الأعمال البحثية الخاصة بالماجستير فى منأى عن اى تعقيدات روتينية وعدم وضع عقوبات على الباحث إلا فى حالة ثبوت سوء النية.
عدد الردود 0
بواسطة:
بنت مصرية
القانونى أفضل !!
وضع قوانين منظمة للأبحاث السريرية بلا شك هيسهم فى نهضة البحث العلمى فى المجال الطبى , لأن البحوث السريرية كده وللا كده بتجرى فعليا ولكن بشكل سرى وبعيد عن رقابة القانون , وبتكون النتيجة ان الطبيب اللى بيتوصل الى نتيجة ايجابية لأى أسلوب علاجى هو اكتشفه , بيسافر يطبقه بره مصر وتستفيد منه بلاد تانية وتتقدم بيه علينا وهو أصلا بتاعنا احنا !! يعنى مثلا لو طبيب طور عقار او اسلوب جراحى لعلاج حالة مرضية معينة , بدال ما يعلن عن ده فى مصر ويتم تطبيقه فى مصر , بيسافر يعرضه فى أى مؤتمر علمى امريكى او انجليزى او ألمانى أو غيره , وهناك بقى بيلاقى اللى يهتم بنتايجه دى ويطبقها ويستفيد منها , ويعلنها بأعتبار انها بتاعت امريكا او بريطانيا او المانيا , لأن الطبيب المصرى ده ميقدرش يعلن انه أجرى تجاربه السريرية اللى أدت للنتايج دى فى مصر !! لأنه ببساطة هيتحبس !! طيب ليه ؟؟ ليه نخلى الطبيب المصرى يجرى ابحاثة فى السر , ومن غير ما مرضاه يعرفوا انهم موضوع بحث علمى , ويروح يعلنه فى بلد تانية ترجع تبيعلنا بضاعتنا بمليارات الدولارات !! واللى مش فاهمنى يتفرج على فيلم قديم اسمه طالع النخل هيقربله الصورة شوية , طيب ماهو من الأفضل ان اللى عنده بحث علمى يتقدم بيه بشكل قانونى وياخد عليه موافقة قانونية وتصريح بالتجارب السريرية والتجارب دى تكون بعلم الدولة وبموافقة المرضى , ولما تطلع نتايجه تبقى مصر هى اللى اجرت البحث وهى اللى اكتشفت اسلوب العلاج ده , زى ما بيحصل فى كل العالم !! والأخوة اللى هيقولولى المريض المصرى مش حقل تجارب هسألهم سؤال بسيط جدا , لو حد منكم لا قدر الله مصاب بمرض مش معروفله علاج حتى الآن , وجاله طبيب قاله والله انا اكتشفت علاج للمرض ده لكن لسه بجربه , وهجربه عليك جايز انه ينجح وتشفى , هل هيرفض ؟؟ وللا هيتوكل على الله ويجرب ويدعى للطبيب بالتوفيق ؟؟ ماهم المرضى بيلجأوا لأساليب علاجية ما أنزل الله بها من سلطان عند الدجالين والسحرة والعطارين من باب ان الغريق بيتعلق بقشاية !! وعمالين بيشتروا فى أدوية من على الفضائيات والنت لا هى مرخصة ولا حد يعرف اتعملت فين ولا ازاى , لعلاج كل امراض الدنيا من اول تساقط الشعر لحد السرطان !! يقوم لما ييجى طبيب يقولهم جربوا العلاج اللى انا اكتشفته يرفضوا !! بأى منطق !! انا شايفة ان كون التجارب السريرية تكون فى النور وتحت مظلة قانونية تحمى الطبيب والمريض , افضل من كونها تتم فى الخفاء وكأن القائم بالبحث العلمى ده بيهرب هروين مثلا !! ده هيكون خطوة مهمة جدا لوضع مصر على خارطة البحث العلمى علشان نبقى دولة لها علمائها وابحاثها واكتشافاتها , بدال ما علمائنا بيهربوا لدول تانية تستفيد منهم , بلدهم أولى بيهم !!