خصص برنامج "جايالك فى الكلام" الذى تقدمه الإعلامية إسعاد يونس حلقته السادسة والتسعين عن التعليم والتعلم فى مصر، ودور مصر الخير.
وقالت الإعلامية إسعاد يونس فى البرنامج: "مركز تعليمى مخصوص عملته مصر الخير لولادنا اللي عندهم صعوبات فى التعلم في شبرا عشان نساعد فى التعليم ومش بس كدة.. فى المواهب كمان، عشان أى حد فيهم عنده موهبة تتراعى، وتتقدر، وتتصان، وتتسقى زى أى زرعة حلوة عايزينها تكبر، عشان تتقدم للبلد دى".
وأضافت: "مركز بيعمل تنمية قدرات للأطفال اللى عندهم صعوبات تعلم ناتجة بقى منهم، أو ناتجة عن إنهم قادرون باختلاف، مش هى دى القصة.. القصة إن ولادنا دول، يلاقونا عكازهم، سندهم، الإيد اللى بتطبطب وتتمد عشان تمشيهم فى الطريق الصح، لأن وصولهم، وصول لينا كلنا.. بدأنا بـ 100 طفل فى مرحلة ما قبل المدرسة، والمرحلة الابتدائية.. وإيدكم في إيدنا بقى عشان نكمل".
تم أضافة تعليقك سوف يظهر بعد المراجعة