روى المخرج، رامى امام عن ذكرياته مع أغانى النجم عمرو دياب وعشقه لحضور حفلاته فى كل مكان منذ بدايات الهضبة فى ثمنينات القرن الماضى.
قال إمام، "فى أواخر التمانينات كان نفسي احضر له حفلة، واول ما سمعت انه هيعمل حفلة فى نادي الجزيرة، جريت و جبت تذكرة بالعافية علشان أكون موجود"
وأضاف نجل الزعيم عادل امام عبر حسابه على انستجرام قائلا "لما عمل حفلة فى العجمى على البحر كنت أول واحد موجود.. وفى التسعينات، كنت بجري وراه فى حفلات الكريسماس ورأس السنة علشان بس اسمع الألبوم الجديد بتاعه"
وتابع قائلا "فى الألفية الجديدة، و بالذات بعد تملي معاك، كنت بلفلف في الشوارع علشان اسمع أغانيه و اشوف اخد المزيكا ل فين و كان من أحلامي أني أقابله و أتصور معاه ...و فعلا حصل"
وتعليقا منه على ألبوم كل حياتى الذى أطلقه الهضبة مؤخرا قال رامى امام "بعد ما سمعت الألبوم الجديد " كل حياتي "، تاكدت ان لقب "الهضبة " ده مش من فراغ، ده نتيجة تعب و شقى سنين وكفاح وصبر وحب للموسيقي غير عادى، و اهم حاجة التطور "
وأختتم برسالة وجهها للميجا ستار قائلا "صديقي عمرو دياب ما كنتش عايز اقولها بس حقولها الكبير كبير"
رامى امام على انستجرام
تم أضافة تعليقك سوف يظهر بعد المراجعة