خصص برنامج " جايالك فى الكلام " الذى تقدمه الإعلامية إسعاد يونس حلقته التاسعة والثمانين للحديث عن البيروقراطية الجديدة.
وقالت الإعلامية اسعاد يونس" البيروقراطية مش ممارسات معينة، الروتين مش بس في دهاليز المكاتب الحكومية، ومدام اعتماد اللي في الرابع، وأستاذ مدحت اللي مش موجود على مكتبه، البيروقراطية ليها عندي فهم تاني خالص"
وأضافت "أي حد بـ يتعامل مع جمهور عام، سواء حكومة ولا قطاع خاص، مهمته الأولى دايما هي تسهيل أمور الجمهور اللي بـ يتعامل معاه، أي حاجة تعطل الناس، وتخسرهم مصالحهم، وتضيع وقتهم، وتفقع مرارتهم، هي بيروقراطية وروتين، خصوصا خصوصا، لما ما يكونش ليها سبب واضح"
