شهدت الساحة البرلمانية الأسبوع الماضى، مقترح مشروع قانون جديد فى البرلمان ينص على إلغاء عقوبة تعاطى المخدرات واستبدالها بالعلاج، القانون أثار حالة من الجدل الكبير بين مؤيدين ومعارضين له، ويرصد "اليوم السابع" أبرز 5 معلومات عن مشروع القانون:
1- مقدم المشروع النائب جون طلعت ويبدأ فى جمع توقيعات النواب عليه بالجلسة العامة المقبلة للمجلس المقرر انعقادها يوم 21 أكتوبر الجارى.
2- يهدف القانون إلى إلغاء عقوبة تعاطى المخدرات واستبدالها بإحالة المتعاطى إلى المصلحة العلاجية لعلاج الإدمان لفترة زمنية محددة من 3 لـ6 شهور، وذلك بهدف معالجته من إدمان تناول المخدرات.
3- يهدف المقترح إلى حماية الشباب والحفاظ عليهم، خاصة أن أكثر المتعاطين أصبحوا من الشباب ومن ثمَّ ضياع مستقبلهم ويكونوا أكثر عرضة للإجرام من خلال تبادل الأفكار مع المسجونين الآخرين.
4- مقدم المشروع استدل فى القانون على أن وزارة التضامن تنفق ميزانيات ضخمة تصل لملايين على حملات التوعية والإعلانات بمخاطر الإدمان، فضلاً عما تتحمله الدولة أثناء حبس المتعاطين من مبالغ كبيرة بالسجن فى توفير الأكل والشرب للسجين يتم توجيه تلك المبالغ للعلاج ويحقق نتائج إيجابية بدلاً من الحبس.
5- مشروع القانون شهد حالة كبيرة من الجدل بين مؤيدين ومعارضين للفكرة نتيجة أن البعض يرى أنه سيزيد من المدمنين فى المجتمع المصرى ولن يأتى بنتائج إيجابية.
عدد الردود 0
بواسطة:
بنت مصرية
انا ضدك لأسباب !!
يا سيادة النائب مقترح حضرتك ميناسبش ظروفنا , بداية تعاطى المخدرات عندنا مهواش مشكلة قائمة بذاتها , بمعنى ان المدمن عندنا مش مجرد شاب مراهق اصحاب السؤ جروه للتعاطى !! الأدمان عندنا جزء من سمات شخصية المدمن , المدمن عندنا فى كتير من الأحيان بيبقى شايف ان التعاطى جزء من رجولته نفسها !! وانه لو متعاطاش يبقى ( عيل فرفور ) ومعارفه واصحابه وزملاء حرفته هيسخروا منه !! ثقافة مجتمعه كده , فيه مجتمعات العادى فيها ان كل الشباب والرجال بيتعاطوا مخدرات وده عرف متفق عليه , لدرجة ان ام المدمن وابوه بيبقوا عارفين انه مدمن وشايفين ده عادى !! أو بيكون شاب عاطل ضايع مش عارف يعمل حاجة فى الحياة فهرب للمخدرات !! ودول حالتين حتى لو عالجتهم مية مرة هيرجعوا للأدمان تانى !! لأنك علشان تخليهم ميدمنوش لازم تغير ظروفهم نفسها , ثقافة مجتمعهم وظروف بطالتهم وغيرها !! النوع التالت بقى بيبقى شاب ثرى عديم التربية , شايف المخدرات روشنة !! موضة لو ممشيش معاها هيبقى مثار سخرية الشلة !! وده عادة لما اهله بيعرفوا انه مدمن بيعالجوه على نفقتهم , وبعد خروجه من المصحة بأسبوع بيرجع يتعاطى من تانى !! فعلاج الأدمان لو مكانش بأرادة المدمن نفسه وهو اللى يروح برجليه يطلب العلاج , مش هينجح , العلاج ميبقاش بقوة القانون !! كمان احنا تعداد المدمنين عندنا مهول فعلا , صعب جدا تستوعبه المصحات والمراكز العلاجية المتوفرة خاصة انه علاج بيحتاج لظروف اقامة ورعاية طبية خاصة !! يعنى مثلا مينفعش اعالج عشر مدمنين مع بعض فى عنبر واحد !! لازم كل مدمن يكون فى غرفة لوحده , دى ابسط حاجة , هتوفرها ازاى دى !! خاصة ان ما لا لن يقل عن تلت ارباع اللى هيتعالجوا دول هيرجعوا يدمنوا تانى !! كمان علاج الأدمان مكلف , مين هيتحمل تكلفة العلاج ده وهيتحملها ازاى !! كمان عقوبة السجن احد اهدافها ان اللى لسه مبقاش مدمن يخاف منها فيعدل عن الأدمان , لو لغيتها يبقى مفيش رادع قوى يمنع أى حد من الأدمان ( من أمن العقوبة أساء الأدب ) فبكده عدد المدمنين هيزيد , يعنى مثلا لما موظف وللا طالب جامعى يتعرض عليه المخدرات بيفكر انه لو اتقبض عليه هيتسجن ويبقى سوابق ويتفصل من شغله او جامعته ومسار حياته كله هيتحول تماما لسكة تانية , انما لما تكون كل الحكاية انه هيدخل المستشفى شهرين تلاتة ويخرج ويا دار ما دخلك شر , وملفه نضيف وزى الفل , ايه اللى يمنعه !! الخلاصة ان منع العقوبة مش هو الحل , الحل ممكن يكون بأنك تمسك العصاية من النص , يعنى المدمن يتسجن عادى جدا , انما فى عنابر مخصصه منفصلة عن السجن ومراقبة بشدة من كل النواحى , ويتم علاجه فى مستشفيات السجون , مع وجود دور ارشادى وتوعوى يقوم بيه متخصصين جوا السجون دى لتغغير ثقافة المدمن نفسها ومفهومه عن الأدمان , بكده ممكن نبقى ضربنا عصفورين بحجر واحد.
عدد الردود 0
بواسطة:
عماد
تمشى لو تجربة مش قانون
انا شايف اننا فى مصر محتاجين حلول خارج الصندوق ، ممكن نجرب راى النائب ، بس يطلع بيها قانون انا شايف ان البرلمان مش هيوافق ، لاننا بنخاف نخرج عن المالوف
عدد الردود 0
بواسطة:
اشقرانى
قانون شؤم
هذا القانون سوف يزيد من المتاطعين ومن ثم تجار الصنف وهذا ما سوف يجلب لنا ولجميع شبابنا الدمار .... راجع نفسك مرة اخرى سيادة النائب مقترح هذا القانون الشؤم
عدد الردود 0
بواسطة:
فاروق سلیمان
المدمن مریض،ولیس مجرما
للادمان اسباب کثیرة،اهمها الضغوط النفسیة،ولکن العلاج مکلف،واماکن العلاج قلیلة٫الحل مساهمة المدمن فی تکالیف العلاج،تخیص المستشفیات القرویة الغیر مسغلة،اتاحة العلاج مرة واحدة،وتطبیق عقوبة عند العودة،فی معسکرات عمل منتجة بااصحراء