بعد مقتل شاب على يد سائق " توك توك" لدفاعه عن فتاة من الخطف والاغتصاب جاء الدورهذه المرة على شاب آخر دافع برجولة عن شرف إحدى الفتيات على الرغم من كونه لا يعرفها.
وروى محمود عبد المنعم الشهير بمحمود " شيكو" ، قصته فى الدفاع عن فتاة،وإنقاذها من الاغتصاب داخل " توك توك" بمدينة السلام، حيث قال: " كنت راجع من كورس، نزلت غلط من الموصلات اللى كنت راكبها، مشيت فى شارع غلط ومكنش شارع مقطوع كان شارع عادى والنور فيه فى كل مكان، لقيت " توك توك" واقف وسمعت صوت صرخة بس حد كتمها بسرعة، قررت أروح أشوف فى أيه لأن حسيت أن فى حد فى مشكلة".
واستكمل شيكو حديثه "لليوم السابع": "رحت " للتوك توك" لقيت شابين واحد ماسك مفتاح وواحد قاعد ورا ماسك بنت وكاتم صوتها بأيده وماسكها بالعافية، قررت أدخل عشان مينفعش أشوف حد فى الظروف دى واسيبه، دخلت على اللى ماسك البنت وقعدت أضرب فيه لحد ما ساب البنت وطلعت تجرى منه بسرعة، الشاب التانى لما شافنى ماسك صاحبه قرر يدخل ويمسكنى وشغل التوك توك، سبتهم ونطيت من " التوك توك" عشان لقيتهم الاثنين هيقوموا عليا".
وأضاف محمود أنه تعرض لعدة إصابات نتيجة التشاجر مع المتهمين، مطالبا بتقنين أوضاع " التوك توك" خاصة فى مدينة السلام نظرا لكثر الجرائم التى ترتكب تحت مسمى العمل، خاصة وأن معظم قائدى " التوك توك" من الأطفال والشباب الغير مسؤول والذى نتج من خلاله عدد من الحوادث من بينها القتل والخطف والاغتصاب، وهروب المتهمين نظرا لعد وجود إمكانية لرصد ومعرفة قائد تلك الوسائل لعدم خضوعها لقواعد وقوانين المرور الاساسايةن بالإضافة لعدم وجود أرقام أو لوحات معدنية تشير لصاحب هذه الوسائل.
من جانبها قالت سارة نور، ضحية " التوك توك"، أنها كانت فى زيارة لإحدى زملائها بمدينة السلام، واستقلت " توك توك"، مستطردة" ركبت توك توك عشان يوصلنى، فجأة لقيت السواق وصاحبه هجموا عليان فضلت أصوت عشان حد يلحقنى محدش سمع، لحد ما محمود جيه واتخانق معاهم وطلعت أجرى عشان أهرب منهم".
عدد الردود 0
بواسطة:
memo
راجل
راجل من ضهر راجل يا حودا رفعت راس كل الشباب المصريين الرجاله
عدد الردود 0
بواسطة:
د. سلامة
رجل....ابن بلد....وصاحب فكرة
هو رجل محترم...وتلك أخلاق ديننا وبلادنا..... يجب الغش التاكسى والتوكتوك الفردى....يجب أن يكون الجميع تحت مظلة شركات مثل أوبر أو كريم أو غيرها...ليسهل تتبعها عند حدوث مشاكل أو جرائم...حيث يكون لكل شركة سجل للعاملين..واليوم يعرف من يخاطب عمد المشاكل..والشرطة تستطيع الوصول إلى اى طرف عند حدوث ..
عدد الردود 0
بواسطة:
ايهاب علام
ياريت كل الشباب رجاله مثلك بدل الاشكال اللى الواحد بيشوفها دى بتسد نفسه وابقى عايز ارجع
فــــــــــــــــــــــــــــــــــــــــــــــــــــــــــــوق
عدد الردود 0
بواسطة:
waleed
انت نجم
انت بطل وشهامه المصريين في دمك
عدد الردود 0
بواسطة:
Hamdinagm
انت ب100 راجل
انت ب100 راجل ........يا حبيبى ربنا يحفظك
عدد الردود 0
بواسطة:
محمد حمدي
البطل
الله يباركلك ويحفظك من كل شر
عدد الردود 0
بواسطة:
مصرى اولا
ربنا يكرمك يابنى
تسلم - مثال للشباب الايجابى المحترم لازم يتكرم