علّق الإعلامى عمرو أديب، على فيديو استعراض النجم عمرو دياب للياقته البدنية فى "الجيم"، قائلاً :"تفتح تويتر تلاقى عمرو دياب بينكد عليك رسمى، تشعر أن أنت متوفى أكلينيكًا وانتهيت وملكش لازمة.. اتفرج ع الهضبة يلا، حاجة بقى نكد السنين".
وأضاف خلال تقديمه برنامج "كل يوم"، على فضائية "ON E"، إن عمرو دياب يقوم بأشياء يعجز عنها أى أحد يلعب فى ريال مدريد، فلديه صحة مفرطة، مردفاً:"ليه يا ربى هو عمرو دياب وأنا عمرو أديب، هو بس فرق الحروف، لو كنت أنا عمرو دياب كانت الحياة تحسنت كتير، عنده شعر وصحة وفلوس والبنات بتحبه ورياضة غير طبيعية".
وأشار أديب، إلى أن الهضبة عمرو دياب يتحدى الحسد، لافتاً إلى أن عمرو دياب كأنه يقول :"عمرو أديب، موت بغيظك".
وتابع:" أنا هموت بكرا وعمرو دياب عاوز يعيش مليون سنة، فى الغالب هيبتدى عمره من أول وجديد، خلص الخمسين سنة اللى فاتت وقرر يكمل الخمسين التانيين، ربنا يديك الصحة".
عدد الردود 0
بواسطة:
العمدة
اللهم لا حسد
و ديت الراجل في ستين داهية يا اديب
عدد الردود 0
بواسطة:
KHALED
مفيش بسم الله ماشاء الله ؟ ... طبعاً انت لابتحسد ولا بتحقد ؟
يا أخى قول الحمد لله - يا اخى ارضى بما قسمه الله لك من صحة وفلوس وشهرة .وغيره ... يعنى مش كده ؟ ... وبرضو بنفس الحده والحقد والحسد والكراهية بتتكلم ع الأهلى ، ونفسك الاهلى يقع والزمالك العرة بتاعك ياخد بطولة انشالله بطولة شركات ... يا اخ عمرو قول الحمد لله وارض بما قسمه الله لك ، فيه كتييييير اوى غيرك مش لاقيين لا صحة ولا فلوس ... كفاية عليك كده .
عدد الردود 0
بواسطة:
صفوت الكاشف
كفاية حسد ...عيب والله
الحسد عينى عينك .. الراجل ميش هيخلص من الحسد ....كلامك عيب وخصوصا أنه علنا ..
عدد الردود 0
بواسطة:
مواطن ليبى
دياب ،، راح فيها
وهو اللى جابه لنفسه
عدد الردود 0
بواسطة:
احمد حسن
الراجل لسة عريس جديد
لازم يلعب رياضة ويكون بصحة كويسة عشان لو عدى الستين بدون رياضة بقت مشكلة خاصة المصريين بيبقوا بركة بسرعة بعد الستين