السيسي يداعب وزير قطاع الأعمال: لو طلبت فلوس عمرو الجارحى هيطلع لك جيوبه (صور)

أكد الرئيس عبد الفتاح السيسى، أن التحديات داخل المصانع والصناعة فى مصر كبيرة، وداعب وزير قطاع الأعمال الجديد خالد بدوى قائلا: "الزميل بييجى غاطس ميطلعش، والمسألة مش بتتحل، وقطاع الاعمال مش قادر يحل المسألة مش عيب فى الوزير ولكن التحديات داخل القطاع كبيرة".

واستكمل الرئيس السيسى كلمته فى افتتاح مشروعات تنموية بالمنوفية، لوزير قطاع الأعمال قائلا: "لو قلت لوزير المالية الدكتور عمرو الجارحى عايز فلوس عشان أحل موضوع هيروح مطلع لك جيوبه على طول"، لذا نحتاج معرفة المشاكل التى تواجه قطاع الصناعة فى مصر.

وأبدى الرئيس السيسى تعجبه من عدم القدرة على تطوير المصانع، قائلا: "احنا مش عارفين نطور 8 مصانع بـ1.8 مليار جنيه، ويا مصريين نفضل قاعدين نستنفز ونضيع منا الفرص والأموال والتقدم".

وخاطب وزير قطاع الأعمال قائلا: "شوف عايز تعمل إيه وأنا معاك.. وهات لى موضوع وأنا أخلصه فى ثانية، عندنا مصانع مصر اللى عملها الزعيم الراحل جمال عبد الناصر، ومقدرناش نحافظ عليها، والحاجة دى منسبهاش كده وفيها عمالة بمئات الآلاف، وعايزينكم تتصدوا بعقل وحكمة وإخلاص وربنا يعيننا"