هو إحنا ليه كده.. ماشيين.. تايهين وسط الزحام.. ومفيش طريق يضمنا.. هو إحنا هنفرق لو موتنا وفارقنا الحياة.. الحياة هتفضل مكملة.. طب يعنى خلاص محدش محتاج لنا.. يعنى خلاص هنبقى مجرد ذكرى فى كتاب مش مفتوح لنا.. يعنى خلاص أترسم على وشوشنا أننا مكتوب لنا أن نبقى فترة وراح تنتهى.. ونكون متوكلين على ربنا.. طب أبقى إيه عشان جنازتى تبقى مليون واحد يبكى عليا.. مليون واحد صادق وشاهد أنى قدرت أنى أكون فارقة فى الدنيا ديه.. أنا عايزة أبقى حاجة أد الدنيا ديه.. عايزة أكون أجمل سيرة حلوة.. عايزة أبقى زهرة ماتت بعد ما طلعت أجمل زهور فى الدنيا ديه.. عايزة أبقى روح فى كل طفل.. عايزة أبقى بسمة لكل حزن.. عايزة أبقى ضحكة حلوة لكل قلب.. عايزة أبقى مداوى جروح.. جراح قلوب.. عايزة أشوف الفرحة فى عيونكم عشان أبقى فارقة وجنازتى مليون واحد يبكى عليا.
حزن – صورة تعبيرية
لا توجد تعليقات على الخبر
تم أضافة تعليقك سوف يظهر بعد المراجعة