أكد الدكتور طارق شوقى، وزير التربية والتعليم، أنه من أكبر داعمى تعليم الكمبيوتر ولكن ليس بشكل نظرى، قائلا: "نحن من أشد الداعمين لمدرسى الكمبيوتر ونعمل الآن على تعليم التلاميذ البرمجة، وليس كمبيوتر نظرى، وسنعمل مواد اختيارية حول ريادة الأعمال والبرمجة والرسم والكمبيوتر وغيرها"، مؤكدا أنه طرق ملف المدارس الدولية ولن يصمت على أى تهاون، قائلا: "مفيش مدرسة مخالفة واللى خد فلوس أكتر من حقه بالذوق بالعافية هترجع للأهالى تانى".
وأضاف خلال المؤتمر الصحفى، أنه شكر كل القيادات السابقة، قائلا: "نعيد تشكيل الفريق عشان المراكز غلط مش عشان الناس الموجودة وحشة"، مؤكدا أن مجموع المكافآت بالوزارة أكبر من المرتبات الأساسية بشكل كبير قائلا: "سمعنا عن الـ 200 يوم والـ 100 يوم والعيد الصغير والعيد الكبير، وهنا قررنا وجود لجنة لحصر المكافآت بكل أنواعها للامتحانات والكنترولات لإعادة صياغة هذه المكافآت لمن يستحق ولضمان وجود المخلصين وتشجيع الذين يؤدون العمل.
وتابع: وضعنا أصابعنا فى موضوعات لم تفتح من قبل بناء على ما نشر فى الجرائد، وهناك تغييرات كبيرة فى قطاع الكتب وكيفية التحول رقميا لتوفير كل قرش وتوجيهه لأهم عنصر فى العملية التعليمية وهو المعلم تدريبا وتحسينا للأوضاع".
عدد الردود 0
بواسطة:
ايهاب
المدارس الدولية والخاصة
برجاء العلم ان المدارس الدولية ترفع المصاريف على كيفيها و اللى مش عجبوه يمشى هو و ابنه من المدرسة ، و يتحيالوا على اخذ المصاريف تحت اى مسميات و بالدولار او بما يعادله بالمصرى و الحكومة و لا هى هنا و يقولوا انهم صحاينلهم،و زى ما يكون عقاب ان كل اب و ام بيحاولوا يعلموا ولادهم كويس و بدل ما الحكومة تسعادهم سيابين اصحاب المدارس يمصوا دمهم و زى ما يكون مش خسارة اللى بيحصل فيهم علشان عاوزين يعلموا و لادهم كويس
عدد الردود 0
بواسطة:
ehab
المدارس الدولية
المدارس الدولية بترفع المصاريف زى ما هى عايزه و الحكومة و لا هى هنا لان المدارس الدولية بتاخد المصاريف تحت مسميات اخرى و بالدولار او ما يعادلها بالمصرى زى ما يكون عقاب ان الاهالى عايزين يعلموا ولادهم كويس و الحكومة بدل ما تساعد الاهالى بتساعد اصحاب المدارس لان الحكومة ما بتستفسرش من الاهالى و لا بيسمعوا منهم ايه اللى بيحصل فى زيادة المصروفات فى المدارس دى و لنا الله
عدد الردود 0
بواسطة:
مواطن
ورينا الهمة
فيه مدرسه اسمها نفرتاري ورينا الهمة مش كلام و بس
عدد الردود 0
بواسطة:
Solo
أفلح ان صدق
مدرسة دولية فى التجمع الخامس ليها طابع إسلامى رفعت المصاريف 55% رجع لينا الفرق بقى يا معالى الوزير
عدد الردود 0
بواسطة:
مواطن
منتهى الكذب
لا يوجد مدرسه دوليه لم ترفع المصاريف على الاقل ١٥٪ الى ٢٠٪ ولادى فى جرين هايتس الدوليه بالتجمع رفعت المصاريف ٢٠٪ و الاوتوبيس ٥٠٪ واتقالى شوف زيادات المدارس التانيه عامله ازاى و القانون اللى بتتكلم عليه مشهيلاقى لولادك مدرسه لو سابو المدرسه بتاعتنا و السيد الوزير يكذب و يدعى الرقابه قمه الفساد