نشر المطرب محمود العسيلى عبر حسابه الشخصى على موقع تبادل الصور "إنستجرام" صور له مع والده، معلقا برسائل تهنئة له فى أول عيد ميلاد له عقب وفاته.
وكتب العسيلى: "كنّا لسه قاعدين فى حتة أول امبارح واشتغلت الأغانى الفرنساوى اللى أنت بتحبها وحسينا أن حضرتك جى بتمسى علينا، وساعتها افتكرت مين اللى علمنى كل دا.. مين اللى علمنى إزاى أسافر وانبسط وابسط اللى حوليا وإزاى أتفسح وأكل فى الأماكن الحلوة.. مين اللى علمنى اسمع مزيكا وإزاى أدوق كل مزيكا واستمتع باختلافها.. مين اللى علمنى أقدر الطبيعة الحلوة اللى ربنا خلقها وأبص على الجبال والأنهار والبحر والغروب والشروق".
محمود العسيلى
وأضاف "دول صورتين من آخر أعياد ميلاد ليك وحضرتك معانا ودا أول عيد ميلاد نحتفل بيك وأنت مش معانا بس أكيد فى مكان أحلى بكتير.. يا رب تبقى مبسوط فى مكانك.. كل سنة وأنت طيب يا أبويا يا ضهرى وسندى وربنا يقدرنى أحافظ على سيرتك الحلوة دايما.. الله يرحمك ويغفرلك ويسكنك فسيح جناته بشفاعة رسوله الكريم وأهل بيته اللهم أمين".