قالت الكاتبة فريدة الشوباشى، إن ما يحدث حاليا "أوركسترا منظمة للهجوم على الزعيم الراحل جمال عبد الناصر"، وأن هناك مجموعة من الأشخاص يكرسون جهودهم الآن لتشويه عبد الناصر بعد 47 عاما على رحيله.
وأضافت فريدة الشوباشى، أن "الأوركسترا القائمة الآن تشتغل على ترويج أن عبدالناصر كان مليئا بالأخطاء، وثورة يوليو ما كانش لازم تقوم وكان لازم نفضل تحت الحذاء البريطانى وتحت حكم عائلة ملكية فاسدة، ونفضل حافيين ونطالب الحكومة بمكافحة الحفاء، مش بنطلب ناكل لأ ده إحنا كنا عاوزين بس نلبس حاجة فى رجلينا، وأنا رأيى إن مهاجمى عبد الناصر ضد مصر، ومن مشروع عبد الناصر كلام عبد الناصر اتغرز فى قلوب المصريين".
وتابعت الكاتبة فريدة الشوباشى، فى تصريح خاص لـ"اليوم السابع" على هامش وجودها فى ضريح جمال عبد الناصر اليوم إحياء للذكرى 47 لرحيله، قائلة: "أى مكان فى الوطن العربى بتترفع صورة عبد الناصر، وبدل ما يخلونا إحنا فخورين بعبد الناصر الأسطورة بيشتموا فيه، وده يدل على إن الهجوم عليه ممنهج"، مشيرة إلى أنها لم تُصدم مما أورده عمرو موسى بمذكراته وقوله إن عبدالناصر كان يشترى الطعام من سويسرا، لأن عمرو موسى غير أمين، مستطردة: "هو انت افتكرت دلوقتى بعد 47 سنة إنه كان بيشترى الأكل من سويسرا؟ أى حد يتكلم عن نزاهة عبد الناصر أقول له اخرس وقول الحقيقة، مش ما تتكلمش، عيب عليك تزيف تاريخك وعيب عندنا زعيم لازم نفخر بيه".
عدد الردود 0
بواسطة:
محمد
عبد الناصر
تسلمي
عدد الردود 0
بواسطة:
محمود
ماحدش بيدافع عن ناصر غيرك
بعيدا عن اكل سويسرا هو سبب خراب مصر ودمارها بهزائمه فى كل حرب خاضها وهى اربع حروب لومتعرفيش نعرفك وهم 56 ،67،اليمن، وحدة سوريا غير العنجهية والتدخل فى شئون غيره يا هانم هو سبب خراب اقتصاد مصر وانفصال مصر عن السودا نقول كمان ولا تبطلوا تدافعوا عن ناصر بتعكم على الفاضى وعلى المليان . لا ادافع عن عمرو موسى لان عمرو موسى انتهازى ووصولى
عدد الردود 0
بواسطة:
سالم
اللى يطعن فى عبد الناصر حقوله اخرس
هي دية دكتاتورية عبد الناصر والناصريين اصحاب الصوت العالى والنرجسية
عدد الردود 0
بواسطة:
مواطن مصرى
سبب النكسة
إنتوا عايشين فى كوب تانى خاص بالناصريين لوحدهم .....اللى يهاجم عبد الناصر يبقى ضد مصر طيب إزاى .......وليه ما بتتكلموش عن حروب عبد الناصر على الفاضى والمليان واللى دمرت إقتصاد مصر بعد ما كانت مصر بتسلف بريطانيا وأمريكا وقام الملهم عبد الناصر عشان يكمل على الأجيال اللى جاية خد أطنان من غطاء الذهب المصرى ووزعوا على القبائل اليمنية عشان يشترى ولائهم ....لو فيه ناس عندهم أمانة الكلمة وصحوة الضمير حيعترفوا إن عبد الناصر السبب الأساسى فى خراب إقتصاد مصر للآن.........
عدد الردود 0
بواسطة:
مشمش
كفاكى مزايده وتصريحات مستفزه يا فريده يا شوباشى..حينما اجدك فى برنامج تليفزيونى ..بحول القناه
😱😱..
عدد الردود 0
بواسطة:
مشمش
على السيد عمرو موسى مقاضاه لفريده الشوباشى المستفزه..بسبب هذا السب العلنى المسجل صوت وصوره
هذا السب العلنى ( اخرس ) لا يخرج الا من ..افلس اخلاقيا...الف تحيه لتعليقات الاخوه...٢ و ٣ و ٤
عدد الردود 0
بواسطة:
محمد
حلوة دى بنسلف بريطانيا و أمريكا ..
ده على أساس ان مصر كانت هى اللى محتلة بريطانيا العظمى مش العكس .. و لا بريطانيا العظمى كانت بتتسول علشان تأكل شعبها .. زهفنا من الاسطوانة دى و ان الجنسيات كلها كانوا بيشتغلوا عندنا حلاقين و بقالين .. ارجعوا للتاريخ و شوفوا ان الشعب المصرى اغلبه كان من غير حذاء .. كنا حافيين .. و جلالة الملك فاروق قاعد فى قصوره بياكل خرفان ..
عدد الردود 0
بواسطة:
سليمان فتحى
كفاية يا فريدة
فريدة روحى اقعدى فى كرداسة وكفاية عليكى كدة
عدد الردود 0
بواسطة:
احمد
تحية لعمرو موسى صقر مصر
تحية من صعيد مصر الى افضل وزير خارجية فى تاريخ مصر الحديث نسر مصر وبطل من ابطالها رجل يعرف كيف يتكلم وكيف يرد وكيف يجلس مع الزعماء شرف لى ان اتكلم عن هذا الرجل تحية لك من صعيد مصر
عدد الردود 0
بواسطة:
امل
اللي ميعرفشي يقول عدس
اللي مش عارف قيمة عبد الناصر .. يشوف جنازته و اللي ملايين قد ايه كانت مقهوره يوم وفاته .. كفايه ان في عز حروبنا اللي اجبرنا على خوضها كان فيه تعليم كويس و مستشفيات احسن من اللي بره .. يعني رغم ان اقتصاد الدوله و الميزانيه كلها كانت موجهه لشراء السلاح مكنشي حد بيبات من غير عشاء و كانت المدارس مفتوحه لكل الناس ... ولا عبد الناصر بقى كخه علشان مسح بأم الاخوان الارض ..