تداول رواد مواقع التواصل الاجتماعى رسالة مؤثرة من أب لنجله مصحوبة بتذاكر مباراة الأهلى والترجى التونسى، المقرر لها السابعة مساء غد، السبت، على استاد برج العرب بالإسكندرية، ضمن مواجهات ذهاب دور الثمانية بدورى الأبطال الأفريقى.
وحملت الرسالة بعض الكلمات المؤثرة من الأب لنجله وكتب فيها "ابنى الحبيب.. بعد صباح الخير.. حبيت أعملك مفاجأة وأقولك مفيش حاجة تستاهل زعلك وياريت مستعجلش فى أى حاجة وإتعلم الصبر ومتزعلش وأنت فى أحلى سنين عمرك وأنا عايش، والزعل لسه مجاش وقته، مرضتش أتعبك وجبتلك التذاكر لغاية عندك ومش لوحدك لمصطفى صاحبك كمان، أى خدمة عد الجمايل ياواطى، ملحوظة: "متنساش تجبلى سجاير".
ولقيت الرسالة المصحوبة بدعوات مباراة الأهلى إعجاب رواد مواقع التواصل الإجتماعى لاحتوائها رسائل غالية ممزوجة من خبرة الأب، فضلا عن تمتعه بروح الفكاهة التى يشتهر بها المصريون.
رسالة اب لابنه
عدد الردود 0
بواسطة:
الدكش
رسالة مؤثرة جدا...
من أب حنون محترم لابنه ............ وأرجو منه البعد عن الألفاظ النابية حتى لو كانت مزحة_______________ تمنياتي للأهلي العريق بالفوز (زملكاوي)
عدد الردود 0
بواسطة:
تامر
عمو.. ماتتبنانى
عندى 35 سنة ولما كنت اقول لابويا عاوز اجيب قصة ميكى بتاعت الشهر الجديد كنت باخد بالحزام ويتقالى يافاشل ... للواد الواطى ده .. اجرى هات لابوك السجاير بتاعته وانزل على ايده بوسها يا خايب
عدد الردود 0
بواسطة:
علاء
اجمل واخف شعب فى الدنيا
المصريين ميكس كل حاجة والعكس (دمتم مبهرين )
عدد الردود 0
بواسطة:
مصرى
عصام
تحية للاب المحترم .. بس عتابى له على موضوع السجاير ده
عدد الردود 0
بواسطة:
.
اكيد الحكاية فيها . ان الابن بيشرب سجاير و ابوة زعلان منة
كلمة متنساش تجبلي سجاير لها مدلول . عموما ربنا يخلي كل اب لابنائة و كل الاولاد لابائهم و يسمعوا النصائح دون زعل .....و اخيرا الحنية جميلة ياريت كل الاباء يبقوا بنفس الحنية
عدد الردود 0
بواسطة:
محمود الكومى
هو ده خبر
حشو وخلاص احنا مالنا ذكرنى بالخبر بتاع احد المواطنين يلبس معطفا ثقيلا فوق كوبرى اكتوبر