قال الدكتور حسن عبد القادر، رئيس نادى أسوان، إن الإيفوارى رزاق سيسيه ملك للنادى الأسوانى بشكل دائم وعقد مستمر حتى عام 2021، ولا صحة نهائياً لانتقال اللاعب لصفوف نادى الزمالك، كما أعلن مسئولو الأخير.
وأضاف عبد القادر، فى تصريح خاص لـ"اليوم السابع"، أن أسوان لم يتعامل مع نادٍ يدعى إف سى مونا الإيفوارى" فى صفقة سيسيه، كما ردد بعض وكلاء اللاعبين، مشدداً على أن نادى الزمالك تعرض لعملية نصب واضحة من السماسرة الذين اختاروا اسما عشوائيا لأحد الأندية وقاموا بإحضار ختم خاص له بـ7 جنيهات من العتبة لإنهاء الصفقة مع النادى الأبيض، وإيهامه بوجود شرط جزائى فى عقده مع النادى الإيفوارى بقيمة 100 ألف دولار، على حد تعبيره.
وأوضح عبد القادر، أن سيسيه انضم لنادى أسوان بعدما قام أحد رجال الأعمال فى أسوان بشرائه مقابل 100 ألف دولار من إحدى أكاديميات كرة القدم فى كوت ديفوار، وأهداه للنادى الصعيدى دون مقابل على سبيل الإعارة، ثم تحول الإهداء لبيع نهائى، ليتم قيده فى صفوف نادى أسوان باتحاد الكرة بشكل رسمى حتى عام 2021، ويمكن للجميع التأكد من ذلك عبر سجلات الجبلاية.
وأشار رئيس نادى أسوان إلى أن فريقه هبط رسمياً لدور القسم الثانى، وبقاء سيسيه ضمن صفوفه سيصبح صعباً للغاية، لذا تم عرضه للبيع نظير 15 مليون جنيه لأى نادٍ يرغب فى شرائه، مشيرا إلى إمكانية إعارته لنادى الفيصلى السعودى، بعدما وصلته معلومات أن الأخير اتفق مع الزمالك على ضمه ليحل نادى أسوان محل القلعة البيضاء فى الصفقة.
وأكد حسن عبد القادر أن أزمة سيسيه لم تتوقف عند نادى الزمالك فقط، حيث قام بالتوقيع لناديى الأهلى وإنبى، لكن مسئولى الأخير رفضوا الإعلان عن توقيعه لعدم الدخول فى أزمات، مشيراً إلى تلقيه اتصالاً من مرتضى منصور، رئيس الزمالك، للاستفسار عن مصير سيسيه، وقال له بالحرف الواحد "هو اللاعب ده معاكوا" ليرد عليه، "أيوه معانا".
عدد الردود 0
بواسطة:
صابر
غريبه عجيبة
طيب اللاعب بقاله شهر والصحف بتغطي اخباره.كان فين رئيس اسوان واتحاد الكورة من هذه الاخبار واذا كان اتنصب على الزمالك فيه مش برضة على الاقل سعادة الرئيس تطلع بتحذير ولو حتى على سبيل الجدعنة
عدد الردود 0
بواسطة:
شوقي
الخازوق
ربما يكون هذا هو الخازوق الذي يجعل اعضاء ومحبي الزمالك ان بفيقوا من توهانهم ويتأكدوا ان رئيس ناديهم ماهو الا بلطجي جاهل ......
عدد الردود 0
بواسطة:
عادل
رئيس مركز شباب أسوان ده مسلي جدا
أصحي يا عم المرحوم ... أنت بتتكلم عن الزمالك اللي تاريخ اسوان من يوم ما إتولدت لحد النهارده مايجيش سطر في تاريخ الزمالك . منك لله يا مرتضي منصور خليت الأقزام يعملوا راسهم براس الزمالك .
عدد الردود 0
بواسطة:
جمال
هي اسوان دي تبع الصومال ولا جيبوتي
والله مانا عارف يازول كله مهصل بعضه
عدد الردود 0
بواسطة:
احمد
واضح إنك مجرب موضوع ختم العتبه ده .
مستنين تعليقك يا جحا
عدد الردود 0
بواسطة:
سيد
ياراجل هو انت عشان عندك لاعب زي سيسيه مفكر نفسك نادي بجد
رجاء خاص إبقي إبعت لنا أخبار دوري المظاليم ايه وشد علي اللاعيبه التعبانه اللي عندك لحسن تلاقي نفسك بتلعب في الدرجه الرابعه ... علي فكره ياعم البرنس انا من شبرا ــــ عندنا فريق الحاج ابراهيم حته نفسه يلاعبكم علي مشاريب .
عدد الردود 0
بواسطة:
الحلواني
أحلام و كوابيس نادي اسوان
اسون هبط للدرجة الاولي ب دوري المظاليم .. انسى يا عم كل لاعبي الفريق .. سيسه و شديد قناوي و غيرهم مشيوا خلاص حتى أسامة عرابي المدير الفني مشي برضه . بختم العتبة و بغير ختم العتبة .. ياريت د. حسن عبد القادر يتعشى بدري و يشترى 2 كيلو لب و يقعد يقزقز و هو بيتفرج على نادي اسوان و هو بيلعب في دوري المظاليم . ابقى سيادتك اشتري لاعبين جدد من العتبة و الزاوية الحمراء و عابدين هتلاقي ناس جدعان برضه فيه شباب كثير عاوز يلعب كورة و مش لاقي نادي ..
عدد الردود 0
بواسطة:
مني زيدان
بلطجه
هو انتوا يا تاخدوا اللعيب باطجه ياتشتمو الراجل اللي بيدافع عن حقه حتي جمهور الزمالك بلطجيه زي رئيسهم