أكد اللواء مدحت شوشة، رئيس هيئة السكة الحديد، أن الهيئة استطاعت القضاء على السوق السوداء لبيع تذاكر القطارات بنسبة 100%، مستطردًا: "إحنا قضينا على السوق السوداء فى آخر عامين وليس خلال هذا العيد فقط".
وقال "شوشة" فى تصريحاتٍ لـ"اليوم السابع": "السوق السوداء لبيع التذاكر اختفت وأصبحت من الماضى، والهيئة وفرت تذاكر تكفى جميع أعداد المسافرين خلال العيد من خلال القطارات الإضافية التى دفعت بها، واستمر تشغيلها حتى أمس الثلاثاء، لإعادة المسافرين بعد قضاءهم العيد مع أسرهم".
وأضاف رئيس هيئة السكة الحديد: "مفيش مواطن شفته أراد حجز ومالقاش تذاكر.. وأتحدى أى مواطن كان عاوز يحجز ومعرفش.. للأسف بعض اللى كانوا بيرددوا عدم وجود تذاكر فى الشبابيك أو فيه سوق سوداء بيكونوا عاوزين يحجزوا من خلال مكتب رئيس الهيئة.. عازوين ييجوا مكتب رئيس الهيئة ويلاقوا التذاكر اللى هم عاوزينها.. مش عاوزين يقفوا فى الشباك مثل باقى المواطنين".
وأشاد رئيس هيئة السكة الحديد بالاتزام صرافى التذاكر، قائلاً: "مفيش حد فيهم بيتجاوز.. وأثق فيهم وهم ملتزمين مش عشان خايفين من الإجراءات التى اتخذتها الهيئة، لكن عشان هما أساسا بيتلزموا.. التجاوزات اللى أنت بتتحدث عنها دى كانت فى الماضى، لكن منذ سنتين محصلش تجاوزات وأتحدى من يثبت العكس".
عدد الردود 0
بواسطة:
nader
لو عاوز تعرف فين السوق السودا تواصل معي وانا هثبتلك بالدليل
لو عاوز تعرف فين السوق السودا تواصل معي وانا هثبتلك بالدليل
عدد الردود 0
بواسطة:
دكتور محمد جيييم
مبروك . عقبال ما تقضوا على الركاب !!!
برضو بنسبة 100% !!!
عدد الردود 0
بواسطة:
محمود عبدالرازق
رئيس إليك الحديد
إيه رأيك فى تأخير القطار رقم 2013 حوالى 7ساعات فى نجع حمادي يوم ٣/٧/٢٠١٧ حرام عليك يا راجل دي مهزله
عدد الردود 0
بواسطة:
نوال الزغبى
يارجل حرام عليك....
....من عاميين!... الوزبر ده والتلاته الاى قابليه بيقولوا كلام مختلف عن كلامك... دول كانوا عاوزين يعكلوا التذاكر بالرقم القومى علشان يقضوا على السوق السوده... الكذب حرام و على الاقل عيب...
عدد الردود 0
بواسطة:
حازم توفيق
المسئول الذي تحدث عندة حادث في قطاع مسئوليتة كل يومين لا يصلح ان يكون مسئول ويراوغ عن مشاكلة
.
عدد الردود 0
بواسطة:
ميسا
من امتي
يا سيادة الواء / مدحت ...الكلام دة مش مظبوط حضرتك انزل المراكز والمحافظات في صعيد مصر وحتلقي العجب 80% سوق سوده غير حضرتك تاخير القطارات كنت مسافر يا فندم علي قطار VIP من الاسكندرية حتي اسوان اخدها فى 21 ساعة سفر والله العظيم وهو قطار رقم 2008 موعد قيمه 8.10 م . ونفس العودة تاخيرات . كلمة اخيرة يرجي من سيادتكم السفر لجميع المحافظات وعمل تفتيش دوري علي شبابيك التزاكر وموعد قيام والوصل للقطارات اللي حضرتك مسئول عنها .
عدد الردود 0
بواسطة:
مواطن مصرى
مع احترامى للتصريحات كلام وليس فعل حضرتك بتقول قضينا على السوق السودا للاسف اللى
ليس وداعااا للسوق السودا طالما المسئول قاعد على المكتب يبقى ما فيش تغييير طالما ما فيش مراااقب يبقى ما فيش تغييير انا واحد من الركاب عانيت من السوق السودا ليس من عامين بالعكس من حوالى 15 يوم فقط 25 جنيه على التذكرة حراااام ولا حلااال السوق السودا موجودة ولن تنتهى
عدد الردود 0
بواسطة:
gaafr almasry
كلام غير مظبوط تماماَ
وبالدليل القاطه وذكرتها بلامس ، عندك ف محطه رمسيس نفسها أعرف خال موجود بالقاهره ذهب للشباك يحجز قالوه ما فيش خرج بره حجز ثلاث تذاكر مع ضعف السعر ، وايضا فى محطه ابوتشت كذلك محتاج احجز من اسبوع على 2017/07/12 يعنى قبلها باكثر من 15 يوم قالولى ما فيش ، يبقى اذى سيتك قضيت على السوق السودا ، الموضوع محتاج افعال وليس اقوال ، وقلتلك انزل فى مسيس فى فندق واطلب تذاكر قطار ، شوف هتلاقى ولا لا ، الموضوع محتاج ظبط شويه