هاجم مرتضى منصور، رئيس نادى الزمالك البرتغالى إيناسيو المدير الفنى للفريق الأبيض بسبب التصريحات التى أطلقها الأخير خلال المؤتمر الصحفى لمباراة فريقه أمام العهد اللبنانى بالبطولة العربية ، قائلا، "الراجل ده قبض وآخر مكالمة معه كان مبسوط ومستريح بالانجليزى والبرتغالى".
قال مرتضي منصور في تصريحات لاستديو أون سبورت، "هذا المؤتمر ولو انت متضايق من الادارة روح لرئيس النادى، وقوله السمك والجمبري اللي كلته فى الساحل الشمالى وجعلى بطنى، وانك قلت لمراتك أنا فى الجنة والراجل عازمنا هنا تعالى بعد أسبوعين".
واصل مرتضى"، "ايناسيو اتغلب من اتحاد العاصمة ومن كابس يونايتد ولم أتحدث وخسر نقطتين أمام الفتح الرباطى المغربى وكنت أحاول إيجاد المبررات له، وحالة الهيجان اللى عنده دى بفلوسى"، مشددا، "ورحمة أمى يا إيناسيو لأخليك تندم على اليوم اللى اتولدت فيه".
تساءل مرتضى، "هل من المناسب أن قبل مباراة مهمة أن يقول ايناسيو مثل هذا الكلام رغم أنه قال لأحمد جلال إبراهيم إني أعظم رئيس نادى قابله في حياته"، وعن دوره فى رحيل شيكابالا، أكد أنه وافق على رحيله ولم يعترض ولم يعترض سوى طارق يحيى فقط".
وعن تعيين البرازيلى رودريجو مخطط أحمال قال، "شوقى السعيد كان "بيشحر" ومخطط الأحمال اللي جابه مش كويس وطلبت انه يستمر في عمله مع رودريجو بدون رحيله ولكنه اعترض ورفض انضمام رودريجو للجهاز.
اختتم رئيس الزمالك، "ملعون أبو الانتخابات اللى تدمر الفريق هو متلم علي العيال الصايعة اللي عايزين ينزلوا الانتخابات وهما اللي مقويينه وبيساندوه".
عدد الردود 0
بواسطة:
فريد نوار
!!!!
بالذمة ده رئيس نادى
عدد الردود 0
بواسطة:
Sameh youssef
الزمالك من فشل لفشل
الزمالك لو جاب مليون لعيب وغير مليون مدرب هيفضل من سيّء الي اسواء طول ما مرتضي منصور رءيس للنادي عليه العوض ومنه العوض في اخر حاجه كانت بتسبب ليها سعاده وهو يوم فوز الزمالك لا حول ولا قوه الا بالله
عدد الردود 0
بواسطة:
كامودي
تعليق
مرتضى منصور دا ارهابي المفروض يتسجن بسبب ارهابه للناس كدة
عدد الردود 0
بواسطة:
مصري أصيل
عتبه عتبه جيزة جيزة
بالله أنتو متأكدين ان ده مستشار آه الألفاظ دي والسوقية وإلا الادب آيه أسلوب الردح وشغل العوالم بقي المدرب البرتغالي تقولوا وحيات أمك دا صارت تطلع عينات من من الرعاع حتي في الأفلام مش موجودين يخرب بيت البانجو والحشيش اللي خلت الحانوتي يصير طيار
عدد الردود 0
بواسطة:
حمودة
اللي له ضهر يتدلع
هوه الراجل ده ماله طايح بالجزمة في الخلق كدا ليه؟ مالوش كبير واللا له ضهر جامد مسنود عليه؟
عدد الردود 0
بواسطة:
رهف تامر غنيم
لك الله يازمالك
اصبحنا نسمع ألفاظا لاتليق بنادي الزمالك وكأن مرتضى منصور قدرنا الذي لامفر منه ( كم أنت كبير ياحازم امام عندما رفضت المشاركة في اللجنة الفنية! متى ستصبح رئيسا للزمالك؟) ي
عدد الردود 0
بواسطة:
محمود حسن
مرتضى منصور
لا اخلاق...لا ذوق... لا تفكير.
عدد الردود 0
بواسطة:
زملكاوى حزين
كل يوم فضيحة
كل يوم فضيحة
عدد الردود 0
بواسطة:
ابو ملك......السادات
دا مين رئيس الزمالك
مشممكن يكون دا اسلوب رئيس نادى الزمالك واه المعايره لراجل كل اكله سمك او جمبرى فى بيتك حرام عليك ياسياده المستشار معدناش عارفين نمشى ونكلم حد فى الشارع عن الزمالك مشكفايه بيتغلب من طوب الارض بشويه لاعيبه مرتزقه وجاى تشتم مدرب الفريق برحمه امك اطرده من النادى وبلاش كدا عايز تفنى انك صح وكل ال درب الزمالك فى عهدك غلط..حسبى الله ونعم الوكيل الله يرحم ايام دكتور كمال درويش..مرسى عطالله..محمد عامر رموز الزمالك
عدد الردود 0
بواسطة:
محمد
هو مين اللى جاب ايناسيو
مش انت برضةاللى جبتة علشان ٥ آلاف دولار فرق وكنت تجيب الان جيريس الفرنسى !! وابنك الى جاب مايوكا خازوقا !