ذكرت النجمة إسعاد يونس تفاصيل المكالمة التي دارت بينها والزعيم عادل إمام، حيث قالت إسعاد إنها تلقت مكالمة من الزعيم عادل إمام وهى المكالمة التي طالبها فيها بتغيير اسمها من إسعاد يونس الي إسعاد مصر، وهو الأمر الذي دفعها للبكاء من فرحتها بإشادة الزعيم عادل إمام بها وببرنامج صاحبة السعادة الذي تقدمه على شاشة cbc.
وكتبت إسعاد يونس الحوار الذي دار بينها والزعيم عادل إمام في التليفون علي حسابها بموقع فيس بوك وجاء كالتالي:
الموبايل بيرن
إيه النمرة دي؟
ده الأستاذ، والنعمة هو، الزعيم عادل إمام بذات نفسه، يا حلوللي
- ألو، معقولة؟، التليفون نور يا زعيم
- يا إسعاد
- نعم يا أستاذ
- أنا عايزك تغيرى اسمك
- أنت تؤمر يا أستاذ يا حبيبي، أخليه إيه؟
- تخليه إسعاد مصر
- يارب يخليك يا حبيبى، ( مخضوضة و صوتي بيحشرج بالعياط )
- بتكلم بجد، إنتي ما بقيتيش إسعاد يونس، إنتي بقيتي إسعاد مصر
- ( عياط )
- أنا ما بفوتلكيش حلقة يا إسعاد، إنتي بتسعديني وبتسعدي مصر كلها.
بقية الكلام جميل ورائع و مختلط بدموعي بجد، يا حبيبي يا حبيبي يا حبيبي، مش عارفة أقول حاجة غير كده، و مش عارفة اقول حاجة تاني لحد دلوقتي، كبيرة منك يا كبير، ربنا يخليك ليا ويبارك في كل لحظة ف عمرك، بحبه يا ناس حب بحجم موهبته وكاريزمته وصموده وبكل دقيقة من سنين العشرة الطيبة الجميلة.
حساب اسعاد يونس
عدد الردود 0
بواسطة:
جوهرة
صاحبة السعادة
من اجمل ماقدمت الشاشة الصغيرة شكرا مدام اسعاد مصر صاحبة السعادة الي قلوبنا..وانا في الغربة بشعر ان هي دة مصر التي في خاطري النص المليان من الكباية بتعطيني الدفعة للعودة في حضن الوطن شكرا شكرا
عدد الردود 0
بواسطة:
حسين
اسعاد
الاثنين جمال بس ايه رائيك يازعيم لو خلينا اسم البرنامج اسعاد فقط
عدد الردود 0
بواسطة:
علاء
طبيعية وغير متكلفة ومصرية حتى النخاع ..........هذا هو السر
اسعاد يونس بنت بلد ومصرية جدا وما يخرج من القلب يصل للقلب
عدد الردود 0
بواسطة:
azza
صاحبة السعادة** اسعاد يونس
يبحث الانسان دائما عن السعادة فى كل مكان ولكنك اوجتيه فى هذا البرنامج الشامل الرائع الذى يجمع بين السعادة والفكاهة والاصول والعراقة والفن الجميل والاخلاق كمان حضرتك لكى طلة وكاريزما جميلة تجعل الانسان ان يراكى وهو مطمن لانك باختصار برنامج تثقيفى وبنتعلم منك حاجات كتيرة.ربنا يسعدك زى ماأسعتى جمهورك ولكى منا كل التقدير والاحترام وبالتوفيق
عدد الردود 0
بواسطة:
أبو عبدالله
صاحبةالرخامة
حقيقى أنتم الأثنين أرخم من بعض
عدد الردود 0
بواسطة:
زهور من النجف -العراق
نهرو العراقي
احب فنانه اسعاد يونس كثيرا واحب جميع اعمالها وخاصه برنامج صاحبة السعادة فنانه محترمه جدا لذلك كل ناس تحبها الله يطول عمرها ويحفظها من كل شر انا من العراق
عدد الردود 0
بواسطة:
أطاطة
يا حبيبي يا حبيبي يا حبيبي
يا ترى انت فين يا عوكل
عدد الردود 0
بواسطة:
نانا تادروس
الزعيم و الزعيمة
معاك حق يا زعيم