قال الدكتور السيد أيمن، طبيب طوارئ بمعهد ناصر، إنه تعرض للضرب مع زملائه من أطباء الطوارئ من جانب مريض وأهله أثناء تأدية عملهم، وإنه حاليا فى حالة يرثى لها حيث تم حجزه فى غرفة بقسم المخ والأعصاب لوضعه تحت الملاحظة لـ48 ساعة باشتباه فى ارتجاج بالمخ مع كسر سنة من جذرها بالكامل، وهو ما يستدعى عملية لإصلاح فكه مكان هذا الكسر.
الطبيب قبل الحادث
وعبّر أيمن، فى تصريحات خاصة لـ"اليوم السابع"، عن شعوره فى الوقت الراهن بالمهانة هو ومن معه من الأطباء الذين شهدوا هذه الحادثة، وبدأ بتفاصيل ما حدث أنه جاء المريض المعهد وهو يعانى من مشكلات فى الكلى وعلى الرغم من أنه ليس حالة طوارئ ولكن تم عمل اللازم من وظائف كلى وكبد وتحاليل وسونار، وتبينت علاماته أنه لا يعانى من أى أمر خطير، وكخطوة أخيرة طلب الدكتور محمد إبراهيم الذى كان يتابع الحالة رسم قلب للاطمئنان عليه بالكامل.
وأضاف أيمن أنه فى ذلك الوقت كان هناك 10 مرضى فى نفس الوقت يحتاجون لإسعافهم، وأمامهم 4 من أطباء الطوارئ وهم دكتور محمد النبوى والدكتور محمد إبراهيم متابع الحالة، والدكتور محمد أبو بكر وهو الرابع، ولأن التمريض كانت تتعامل مع حالة أخرى فطلبت من المريض الانتظار لدقائق فقط حتى تحضره لرسم القلب، ولكن أهل المريض اعترضوا وبدأوا فى التعدى لفظيا على الممرضة ما جعل الدكتور يطلب بخروج أهل المريض من الغرفة، وكانوا ثلاث رجال وسيدتين وطلب منهم التزام الهدوء.
الطبيب بعد الضرب
وأكد أيمن أن الأمن لم يأخذ خطوة واحدة حتى إنه لم يتدخل مع بداية المشكلة والتى اشتعلت عند تعدى الأخ على الدكتور المتابع للحالة، وهو ما جعل باقى الأطباء يتدخلون لحل المشكلة ولكن تعدى عليهم باقى الرجال، وكذلك السيدات شاركوا فى ضرب الأطباء من خلال ضربهم بحامل المحاليل الذى يتعالج من خلاله المرضى الآخرون غير مهتمين بسلامة باقى المرضى فى الطوارئ، مضيفا أنه لحسن الحظ تم إبعاد الممرضة قبل أن تتعرض للأذى.
ولفت أيمن إلى أنه بعد ضربهم وانتهاء المشكلة بتدخل من الأمن خارج المستشفى وليس الأمن الخاص، جاء مدير الطوارئ وطلب منهم العودة للعمل بعد الضرب، ولكننا رفضنا بسبب ما تعرضنا له من أذى، بالإضافة إلى أننا نحتاج لعناية خاصة بعد الاعتداء علينا، مؤكدا: "تقطعت ملابسى وملابس باقى الأطباء وذلك بخلاف الكدمات الكثيرة فى أنحاء أجسادنا، وما حدث لى من اشتباه فى ارتجاج بالمخ بعد حالات القىء المتكرر التى عانيت منها وهو ما تم حجزى بالمستشفى على إثره بقسم المخ والأعصاب، وذلك غير عملية الأسنان التى سأحتاج لإجرائها قريبا".
جدير بالذكر أن الطبيب دشن هاشتاج طوارئ_معهد_ناصر الدكاترة_بتتضرب المدير_عاوز_يضيع_حقنا على صفحته الشخصية على فيس بوك بعد الحادثة، وانتشر البوست الخاص به على نطاق واسع.
عدد الردود 0
بواسطة:
مصري
الدكتور مزودها
شكلك دكتور مستفز... و مزودها حبتبن بلا قرف
عدد الردود 0
بواسطة:
مجرب
حسبى الله و نعمه الوكيل
لو شفتو معامله الاطباء للمرضى فى مستشفيات الحكوميه و التامين الصحى الا من رحم ربى مش حقول غير حسبى الله و نعمه الوكيل
عدد الردود 0
بواسطة:
مغترب
اي حاجه
الكلام ده عيب المريض وجماعته لو كانو ف قسم شرطه واي واحد فيهم بس نظر نظره علي اصغر امين شرطه كانوا اتظبطو صح بس طبعا مع الناس المحترمه يعملوا نفسهم رجاله
عدد الردود 0
بواسطة:
Sameh
ده دكتور ولا مخرج
ارتجاج/عمليه للسنه /واهل مربض بلطجيه /ومدير ظالم /وشاش علي ايدك الي متكلمتش عنها/ عيب انتي بتاخد اجر مش عشان تهين الناس وتوصلهم للاستفزاز
عدد الردود 0
بواسطة:
ام مصرية
كنت في مستشفي حكومي
كنت اكشف علي ابنتي المصابة بكسر في القدم . فتجمهر المصابون . و تزحموا علي دخول حجرة الكشف . فحضرت الممرضة لتظيم الدخول . و عندما اقتربت للدكتور للكشف . اذ به يتمتم بكلمات . للمرضي و قال . شوية همج خسارة فيكوا العلاج . شعب كلب . عايز الكرباج . علشان يتعدل . نظرت له في ذهول . و هذا الدكتور ممكن يكون قال كلام وحش لاهل المريض . فلاقنوة العلقة التمام
عدد الردود 0
بواسطة:
المشمتعجرف
الدكتور المصري متعجرف
الدكتور المصري متعجرف جدا "الا من رحم الله" يطلع ميتين الواحد باسلوبه المستفز
عدد الردود 0
بواسطة:
بنت مصرية
شهادة مجروحة !!
بداية انا عارفة ان أى حد هيقرا كلامى ده وهو عارف انى طبيبة هيقول طبعا ماهى لازم تقول كده !! يعنى بأختصار شهادتى مجروحة , لكن انا هقول رأيى ورزقى على الله , انا مكنتش مع الطبيب المضروب علشان اقول مين اللى غلطان , لكن فى العموم , طبيب الطوارىء فى أى مستشفى بيبقى معرض لضغط عصبى محدش ممكن يتخيله , خصوصا لو عدد الأطباء فى الطوارىء قليل اصلا , تخيل انك واقف فى وسط عشر عيانين فيه تمنية منهم بيموتوا !! ومطلوب منك انك تغطى العشر حالات دول فى نفس الوقت , تركز فى كل حالة منهم وتقرر هى محتاجة ايه وتعمله فورا , انت عمال بتبص على اللى فى كومة سكر وسكره 550 , واللى عنده أزمة ربو ومش قادر يتنفس ومزرق , واللى عنده جلطة شريان تاجى ولو متلحقش فى ظرف ربع ساعة هيموت , واللى مضروب بالنار ونزف نص دمه وهو جايلك , واللى بالع مادة سامة بقاله خمس ست ساعات ومبقاش محتاج غسيل معدة علشان تلحقه ده بقى محتاج غسيل كلى !! واللى عنده جلطة مخ وانت بتدور على نايب المخ والأعصاب مش لاقيه اصلا , واللى الزايدة هتنفجر فى بطنه خلاص وبيبقى هاين عليك تفتحه وهو على سرير الطوارىء علشان تلحقه , واللى واللى , وكل عيان من دول معاه اربعة خمسة من اهله على الأقل , وكلهم مصرين يقفوا معاه فى الطوارىء متفهمش ليه , وكل مرافق منهم متصور ان مفيش عيانين محتاجين رعاية الا العيان بتاعه فكلهم بيزعقوا ويتخانقوا لو شافوك بس بتبص على أشعة وللا تحليل ميخصش العيان بتاعهم , ما بالك بقى لو شافوك سبت العيان بتاعهم وجريت على عيان تانى !! يعنى انت حواليك عشر عيانين بيموتوا محتاجين تلحقهم كلهم فى نفس الوقت , وخمسين مرافق كلهم بيكلموك ويزعقولك برضه فى نفس الوقت , وفى وسط كل ده تلاقى مرافق زعلان جدااا وبيلعن فى سنسفيل ابو المستشفى باللى فيه علشان اخوه صباعه متعور وبقاله ربع ساعة فى الطوارىء محدش بص عليه !! واخوه المصاب ده نفسه اللى هو مرعوب من القلق عليه بيتخانق معاك وماسكك من قفاك !! كل ده وانا مجبتش سيرة الأدوية الناقصة ولا الأجهزة البايظة ولا الأسرة اللى عددها تلت عدد المرضى وعلشان تنيم مريض على سرير لازم تشيل التانى من عليه فالفيصل هنا بيكون مين فى التلاتة محتاجه اكتر , فى ظل كل الضغط ده , لو الطبيب ده مردش على حد من المرافقين يبقى ارتكب جريمة , لو اعصابه فلتت وزعق لحد يبقى كفر , لو طلب ان المرافقين يخرجوا بره علشان يعرف يشتغل هنا بقى يقام عليه الحد , فى لحظة تلاقى تلاتة اربعة من مرافقى اى عيان مسكوا الطبيب ده حولوه هو نفسه لحالة طوارىء !! وكسروا الطوارىء على دماغ اللى فيها !! حضراتكم كمرضى بتدخلوا الطوارىء بتبقوا شايفين الموضوع من زاويتكم انتوا , كل عيان عاوز يبقى هو محور الأهتمام وشايف ان مفيش حد تعبان اكتر منه , انتوا معذورين انا مقلتش حاجة , لكن كمان الطبيب اللى واقف وسط كل الضغط ده لما يتنرفز وللا يزعق معذور هو كمان , لأنه فى اللحظة اللى انت بتكلمه فيها دى فى عشرين حسبة بتدور فى دماغه محتاج يركز فيهم !! علشان ميفقدش حسبة منهم فيتسبب فى وفاة حد !! دا الأب وللا الأم فى البيت لو جم ولادها كلهم كل واحد عاوز حاجة فى نفس واحد يتزعقلهم وبتشتمهم , ليه مستغربين ان طبيب الطوارىء ده يتنرفز فى وضع زى ده !! هو ملاك !! ثم ليه فجأة بقينا شعب بلطجى , وبقت ايدينا أسرع من تفكيرنا !! وبقت اسهل حاجة بنحل بيها أى موقف هو اننا نضرب اللى قدامنا ونكسر الدنيا على دماغه ويحمد ربنا لو طلع حى !! ليه بقينا كده , كل يوم ناس بتقتل ناس لأسباب تافهة واحيانا بدون أسباب أصلا !! دا بقوا الأهل بيقتلوا أطفالهم لمجرد انهم اتشاقوا شوية !! لو هنبرر ده بالظروف المعيشية وضغوط الحياة وغلا الأسعار , ليه مش بنفكر ولو للحظة ان اللى هنضربه ده عايش معانا فى نفس البلد وبيعانى من نفس الظروف !! والسؤال الأهم اللى بسأله بجد والله , ليه قبل الثورة مكناش كده ؟؟ ليه الحرية بالنسبة لنا مرادف للفوضى والبلطجة وانعدام الأخلاق ؟؟ ليه بقينا كده !!
عدد الردود 0
بواسطة:
النبوى المصرى
ذبحة صدرية
اقسم بالله العظيم بأنى ذهبت الى مستشفى الهرم فى احد ايام شهر ابريل 2016 الساعة الواحدة صباحا وكنت اعانى من الم شديد بصدرى وتم عمل رسم قلب وتحليل الا ان الطبيب طلب منى ان اذهب لبيتى وقال لى مفيش حاجة عندك واعطانى حبيتين اضعهم تحت لسانى ومع اصرارى بأنى اعانى من الم شديد بصدرى وفى وجود طبيب من خارج المستشفى مرافق لاحدى الحالات وطلب منى الاطلاع على رسم القلب وتحدث مع الطبيب فأخبره طبيب مستشف الهرم بأنى اعانى من ذبحة صدرية غير مستقرة واحتاج للدخول بوحدة رعاية قلب وانه مشغول مع حالات اخرى ومش فاضى / على ضوء ذلك ذهبت لمعهد ناصر فى نفس الليلة فأبلغنى طبيب الطوارىء انه ليس هناك سرير فاضى بعناية القلب اتصلت بالطوارى من داخل معهد ناصر فطلبوا التحدث مع طبيب معهد ناصر رفض الرد عليهم وقام بعمل رسم قلب لى بعد دفع مبلغ 25 جنيه لخزينة الطوارىء بالمعهد وبعد عمل رسم القلب ابلغنى بأنى محتاج فعلا للحجز بالعناية الا انه ليس عنده سرير بالعناية / ذهبت بعد ذلك لمستشفى هليوبوليس عن طريق عملى وتم تركيب 3 دعامات دوائية وتوسيع 3 شرايين / فعلا اطباء الطوارىء بالمستشفيات الحكومية لا يفعلون شيئا للمرضى مما يتسبب فى اعتداء اهالى المرضى عليهم
عدد الردود 0
بواسطة:
ياسر
بلاش أحسن
السواد والغل بنلاقيه ضد القضاة .. ضباط الجيش.. ضباط الشرطة .. الدكاترة .. يعنى الناس اللى بتشتغل فى وظائف محترمة. كل الناس ضد الطبيب وهو مظلوم آمال لو كان ظالم ؟. مجتمع مريض مش عايز حاجة اسمها انسان ناجح أو انسان متربى كويس .
عدد الردود 0
بواسطة:
طبيب حقير
رأى طبيب حقير
لابد من وجود بروتوكول لتحجيم مرافقى المرضى ... لمرافق واحد ... ولا بد من صدور قرار جمهورى بانشاء Triage فى كل المستشفيات لرصد الحالات الحرجه من الحالات اللى جايه تتدلع "" ودول للأسف كتير "" , الأستقبال الصراحة احسن مكان نشوف فيه قمة السفالة والوضاعة والهمجيه اللى وصلنالها ... بقى الطبيب زى العبد , بدل ما هو اللى يقرر انهى حالة يشوفها الأول بناءا على تقييمه لخطورة الحالة , لا , مرافقى المريض يجرجروه عشان يكشف عالحالة ... والا! ... عيان جاى بأزمة قلبية اكيد مش زى عيان جاى بنزلة معوية "" اللى بتخف من غير علاج فى اسبوع "" ... لا !! اهل الحالة لازم يخلوه يكشف عليها!! وحالة الازمة القلبية تموت!! ... وطبعا مش هنتكلم عن قلة عدد النواب و رهابة عدد المرضى ولا هنتكلم عن اللا مبالاة اللى بيرتكبها المرضى فى حق نفسهم!! ... مش عايز اقول ان مريض القلب بقى يشرب خمره عادى ... وشرب الحشيش بقى شىء عادى ورجولة ... ومش هنتكلم عن الخناقات اللى بيكون سببها شىء تافه ويتخلف عنها حالة انضربت بطعنة نافذة وتموت ... أنا كطبيب ... واحد من الناس ... وبتكلم على اساس انى مواطن و شايف ان المشكلة فى الشارع مش فى الاستقبال ... النـــاس فعلا بقت همج!! وآسف عالكلمة ... وانت واقف فى الأستقبال تحس انك واقف فى الشارع او فى السوق!! مفيش نظام!! مفيش صبر!! مفيش مراعاة للناس اللى واقفه على رجليها وشغالة 24 ساعة!! ولأننا كأطباء ساكتين ... هنفضل نآخد على دماغنا وهنفضل نتهان و يتسبلنا ... والتلكيكة "" الحالة بتمووووووووت!!! و ""احنا واقفين بقالنا ساعة!!"" و تروح تلاقيها واحدة عندها دور برد او واحد عندة ارتجاع مرىء ... مش هنسى ابدا لما اتسبلى بالدين والاقى نفسى واقف قدام 10 لايمكن ان يكونوا بشر كل واحد واقف يشوح ويسب بأبشع الألفاظ واتآخدت من قدام حالة بخيطها عشان اروح لواحدة خبطها موتوسيكل ... واخش ألاقيها بتضحك ومبسوطة عشان حاسة ان اهلها مهتمين ... واكتشفت ان اصلا الموتوسيكل مخبطهاش واشعاتها طلعت زى الفل!! والانقح انه كان مضى على دخولها حوالى 10 دقايق... وقيس على ده ... كتيييييييييييييييير الا من رحم ربى!! ... وبصراحة ربنا لما بلاقى حالة محترمة وناس محترمين وناس متحضرة وبتفهم وبتعقل الكلام ... بشيلها فوق رآسى ومش بسيبها غير لما اطمن انها فى ايد امينة ... أنا كطبيب بقى أقصى امنيتى أنى اسافر وابعد عن المجتمع ده... مش عشان انا احسن من حد لا والله ... انا شايف نفسى زى كل الناس ... بس للأسف الناس لا بقت بتقدر الخير ولا بقى فيه احترام ولا بقى فيه نظام ... وبقى التجعير و البلطجه هو النظام اللى ماشى ...