وجه الإعلامى عمرو أديب، رسالة لأمير قطر تميم بن حمد بعد خروج وثائق اتفاق الرياض 2013، قائلًا: "اشرب من نفس الكأس اللى شربت منه الناس".
وروى أديب، ببرنامج "كل يوم" المذاع عبر فضائية ON E، حوار دار بينه وبين الرئيس عبد الفتاح السيسى عندما كان يزور نيويورك برفقة عدد من الإعلاميين قائلًا: "قلتله يا ريس انت بتسلم على تميم؟"، وتابع: "الرئيس بصلى كده وضحك فقلتله: إيه يا ريس؟ فقالى إحنا ممكن يبقى فى بينا خلافات وكل حاجة بس اعلم إن أنا غير راضى لو حد تناول حد من الأسرة الحاكمة، لأنى مش برضى على الحاجات دى".
واستطرد عمرو أديب: "وإحنا قاعدين بنغلى، وتعدى السنين ويروح الريس مرة واتنين وتلاتة، ويدخل البيت الأبيض ويمشى أوباما ويجى ترامب وتصبح العلاقات المصرية الأمريكية فى أحسن حالاتها، وتدخل قطر فى نفق ضيق، وحتى لو خلص موضوع قطر ستظل التهمة لاصقه بها بأنها تساند الإرهاب".
تم أضافة تعليقك سوف يظهر بعد المراجعة