طالب الرئيس عبدالفتاح السيسى، محافظ البحر الأحمر، بضرورة الأخذ فى الاعتبار، ظروف المواطنين الذين يعملون فى مناجم الذهب، والتى استولى أصحابها على أراضى الدولة، قائلا:"الناس الموجودة هناك دى بتاكل عيش عاوزين نشوفلهم حل، الناس دى ليها بيوت مفتوحة تاكل منين؟، لا نريد استنزاف موارد الدولة، يبقى انت لا اديتنى فرصة علشان اشتغل، ولا أنت عاوز تاخد حقك، وعلشان خاطر الناس اللى بتاكل عيش دى تستمر، والناس دى عملت منظومة مش عارفين نعملها، أنا عايزهم يشتغلوا وعاوز البلد تاخد حقها".
وأضاف الرئيس السيسى خلال كلمته فى مؤتمر استعادة أراضى الدولة، بمسرح الجلاء، أن المحافظ رئيس فى محافظته وله كل الصلاحيات، معلقا: "كنت دايما أقولكم لو فيه حاجة حد يكلمنى فى التليفون وعمرى ما حد كلمنى مش عارف ليه؟، حد يقولى حاجة، مافيش غير واحد ولا اثنين بس".
عدد الردود 0
بواسطة:
محمد عزت عمران
رمضان كريم يا ريس
تليفونك رقمه كام أنا نفسى أكلمك أنا مواطن مصرى
عدد الردود 0
بواسطة:
ae
موظفين ياريس
لاسف يا ريس سواء محافظين او وزراء دول موظفين ويستنوا الاوامر والمرتب اخر الشهر يارس مصر بحاجة الى محافظ ووزير نشط يبدع يبتكر مع مجموعة عمل مش فردى ياريتهم زى 57357 عندهم رؤية واهداف
عدد الردود 0
بواسطة:
دودو
هيقولوا ....اتكلمنا .... بس الشبكة ضعيفة .. و الخط مش مجمع
هم هيغلبوا ..الرد جاهز ..و كل شيء تمام التمام
عدد الردود 0
بواسطة:
مشمش
أين الدكتور سعيد خليل؟ هو يعرف الكثير عن الاراضي المنهوبة.
أين الدكتور سعيد خليل؟ هو يعرف الكثير عن الاراضي المنهوبة. وماذا تم مع حيتان ومافيا الاراضي الكبار مش الصغار؟ و لماذا لم يتم القبض على أي متعدي. أليست هي جريمة ؟