"الحمد لله مش محتاجة حاجة من حد".. بتلك الجملة بدأت الحاجة منيرة حديثها لعدسة "فيديو 7" قناة اليوم السابع المصورة، مشيرة إلى أنها تعيش فى منزل متواضع جدا "بدون عفش" بمنطقة شعبية بحى البساتين فالمنزل به سجادة وبعض من المستلزمات التى تستخدم فى تحضير الطعام .
وتعمل الحاجة منيرة منذ 40 عاما فى إطعام العمال الشقيانيين، حيث تعتبر هى الملاذ الوحيد الذى يبحث عنه العامل لكى يأكل "لقمة هنية" من يد الحاجة منيرة بعد يوم طويل من الشقى والتعب .
تستيقظ الحاجة منيرة يوميا الساعة 7 صباحا لكى تحضر مختلف أنواع الطعام من سندوتشات، قبل أن تخرج به فى تمام الساعة الـ1 ظهرا سيرا على الأقدام وتجر أمامها تروسيكل محمل بالطعام لكى تسترزق من هؤلاء العمال بوجبات من الطعام تملئ بها معدتهم.
وتقول الحاجة منيرة: "أنا ببيع سندوتشات فى الشارع للعمال، أنواع كتيرة من الأكل زى الفطير والبيض والطعمية مكرونة بطاطس فول وغيره.. أنا بقوم الصبح الساعة 7 بسوى الأكل وأجهزه واخرج من البيت محملة الحاجة على تروسيكل على الساعة 1 الضهر وأرجع على المغرب أو العشا زى ما ربنا بيسهل".
واستطردت: "انا بخرج بالتروسيكل امشى مسافات طويلة عشان أبيع الأكل بتاعى.. وفى ناس كتير بتشترى منى.. انا بقالى 40 سنة بلف بالتروسيكل على رجلى.. جوزى كان مرتبه قليل جدا والأولاد كانوا لسه صغيرين وبعد ما توفى زوجى كان لازم عليا انى أكمل المسيرة.. وكل الناس بتشترى منى وكويسين معايا ومبسوطة جدا بشغلى.. وربنا عالم بحالى ومش محتاجة حاجة من انا محتاجة من اللى خلقنى بس الحمد لله على كل شئ الواحد بياكل وبيشرب هيحتاج إيه تانى".
عدد الردود 0
بواسطة:
جمال
ربنا يقويقي ويرزقك
ربنا يقويقي ويرزقك