"الموظفون فى إجازة".. هذا ما يمكن وصفه لشعار الفترة الحالية، التى يقضى خلالها شريحة كبيرة من الموظفين فى الدولة إجازة قد تصل إلى 9 أيام كاملة، فعلى الرغم من أن الحكومة اعتبرت بأن تكون إجازة عيد الفطر المبارك اعتبارا من الأحد الموافق 25 من يونيو ولمدة ثلاثة أيام للعاملين فى الوزارات والمصالح الحكومية والهيئات العامة ووحدات الإدارة المحلية والقطاع العام وقطاع الأعمال العام، وكذلك اعتبار الخميس 29 يونيو إجازة رسمية بدلا من الجمعة 30 يونيو، إلا أن شريحة كبيرة من العاملين والموظفين لجأ للحصول على إجازة سنوية لأيام إضافية.
والتساؤل الذى قد يدور فى أذهان الكثيرين، هل الوضع الحالى يتحمل أن يحصل الموظف والعامل فى الدولة هذه المده الطويلة من الإجازات، فى ظل ما نعانيه من وضع اقتصادى صعب.
وفى هذا السياق، قال عاصم عبد المعطى الوكيل السابق للجهاز المركزى للمحاسبات، إن وضع الإجازات فى مصر يمثل كارثة فى دولة فيها 6 أو 7 مليون موظف فى الحكومة وتعانى من ربع الموازنة أجور وتعانى من انخفاض فى الإنتاج وظروف اقتصادية صعبة وروتين إدارى سيئ وتعقيدات فى الإدارة وسوء فى تقديم خدمات، لافتا إلى أن حصول الموظفين فى الدولة على هذه الفترة الكبيرة إجازت سيكون ضد المواطن فى تقديم الخدمة.
وأضاف الوكيل السابق للجهاز المركزى للمحاسبات، فى تصريحات خاصة لليوم السابع، قائلا "عندنا إجازات تقدر بـ 37 % من أيام العمل فى السنة ومفيش دولة فيها هذا وعندنا موظف بداية يومه فطار ونهاية يومه زوغان"، موضحا: "الاقتصاد مش مستحمل 10 أيام إجازة".
وأكد الوكيل السابق للجهاز المركزى للمحاسبات، أن الرئيس يسعى لنهضة الدولة وعلينا أن نواكب تلك الخطوات فى ظل أن عائد الإدارة صفر، مؤكدا أنه لن ننهض باقتصاد الدولة دون ربط الأجر بالإنتاج، قائلا "من ينتج يأخذ أكثر والأجر مقابل الإنتاج سواء كان هذا الإنتاج سلعة أو خدمة فعائد العمل هو المعيار".
واختتم الوكيل السابق للجهاز المركزى للمحاسبات، أن عائد العمل هو المعيار الحقيقى للحكم على الموظف، قائلا "عاوزين خطى الحكومة على خطى الرئيس والرئيس مش هيعمل كل حاجه بإيده".
من جابنه قال مجدى البدوى، نائب رئيس الاتحاد العام لنقابات عمال مصر، إن الحكومة هى صاحبة القرار الخاص بالإجازات واعتبرت أن تكون إجازة عيد الفطر المبارك اعتبارا من الأحد الموافق 25 من يونيو ولمدة ثلاثة أيام للعاملين طول عمرها القطاع الخاص يومين، ويومين للعاملين بالقطاع الخاص.
وأضاف نائب رئيس الاتحاد العام لنقابات عمال مصر، فى تصريحات خاصة لـ"اليوم السابع"، أن شركات القطاع الخاص تحدد إجازاتها وفق ظروف العمل فبعض الشركات ترفض حصول العامل على أيام إضافية من الإجازات، موضحا أنه بالنسبة للعاملين فى القطاع العام والحكومى فلا توجد مخالف قانونية بحصول العامل على إجازات سنوية بعد الإجازة الرسمية التى تحددها الدولة.
وأشار نائب رئيس الاتحاد العام لنقابات عمال مصر، إلى أن هناك أكثر 6 ملايين عامل بالقطاع الحكومى ، وحوالى 260 ألف فى قطاع الأعمال العام، بينما يبلغ عدد العاملين بالقطاع الخاص حوالى 20 مليون عامل.
أما عن إجازات المصريين فى الخارج فى مثل تلك المناسبات فتحددها الدولة المضيفة، حيث أكد علاء ثابت رئيس بيت العائلة المصرية بألمانيا وعضو المجلس الرئاسى للاتحاد العالمى لبيت العائلة المصرية، أن إجازات عيد الفطر المبارك للمصريين والجاليات لا تتعدى يوم واحد فقط.
وأضاف رئيس بيت العائلة المصرية بألمانيا، لليوم السابع، إن وضع الإجازات فى مصر كارثى وهناك قانون عالمى ودولى يحكم الإجازات، مؤكدا " مصر مش هتتقدم إلا بالعمل وحب البلد والانتماء وأتمنى لبلدى التقدم ونغير وجهة نظرنا تجاه العمل وأهمية العمل".
من جانبها قالت منى على، من الجالية المصرية وبيت العائلة بألمانيا، إن الدولة الألمانية صرحت للمصريين والمسلمين بيوم واحد فقط إجازة رسمية من الدولة بعيد الفطر، وهذا غجراء متبع يتم تطبيقه كل عام، ولا يزيد عدد أيام الإجازات فى العيد عن هذا الحد، وفقا للقوانين فى ألمانيا.
عدد الردود 0
بواسطة:
طرازان
ضحكتني 😂
ضحكتني 😂 أصل عندكم الاجازه يوم واحد في العيد ... و احنا عندنا يوم واحد للشغل في السنه 😂😂😂😂😂😂..... وفِي اليابان بيعملوا مظاهرات ضد الاجازات و احنا كانوا بيعملوا مظاهرات لحرق موءسسات الدوله .... و الله العظيم تلاته مصر حماله الاسيه من ولادها !!!!!!
عدد الردود 0
بواسطة:
hd
بلد الاجازات تتقدم ازاي
مفيش كده ابدا طول السنه اجازات و الدوله تدفع و القطاع الخاص يدفع نتقدم ازاي اقتراح الغاء جميع الاجازات و الاكتفاء ب 4 ايام عيد الاضحي 3 ايام عيد الفطر 1 يوم 7 يناير و فقط ولا ننسي رصيد الاجازات الرسمي بموجب القانون لكل موظف و اللي عاوز يحتفل باي مناسبه قوميه او دينيه يحتفل بيها علي حسابه او بعد الشغل
عدد الردود 0
بواسطة:
موظف ملتزم
رجاء من فضلكم التعميم ليس أمر سليم والشكوى الدائمة ليست بالحل لمشكلاتنا
أود أن أطرح فى عجالة بعض الأسئلة : 1- أنا مع المحرر فى أن هناك عدد كبير من الموظفين غير مستغل بالشكل المناسب والسؤال جميعنا يعلم حجم المشكلة ولكن هل الإدارة مشكلة الموظفين أم مشكلة من يدير المنظومة أنا على أتم استعداد أن أعتبر نفسى من الطاقات العاطلة وأتمنى من القائمين على أمرنا أن يوجهوا طاقاتنا إلى أية أعمال أخرى منتجة بشرط أن يتناسب مجهودنا مع الأجر الذى سنحصل عليه 2- هل سنظل إلى قيام الساعة نشكو ونشجب ونعترض على حجم العمالة بالدولة الأجدى والأحرى من ذلك أن نسعى ( سريعاً ) لإيجاد حلول بدلاً من الشكوى الدائبة والدائمة - هناك ملايين من الموظفين يمكن اعادة برمجة مسارهم الوظيفى واستغلالهم بطريقة رائعة وتحويلهم من مظاهر سيئة وسلبية الى إلى عكس ذلك ويجب ان نلاحظ ان هناك عدد كبير جدا من الموظفين ملتزمون ويعملون اليوم بمنتهى الالتزام وان هناك اعمال لا يستطيع القيام بها الا بعض الموظفون المجتهدون فقط والتعميم امر قد يسىء الى البعض منا انا انتمى الى تلك الفئة ويسوئنى جدا ما يقال دائماً عنا رجاء عدم التعميم والسعى لإبراز الحلول للمشكلة واقسم بالله ان كان هناك نية للحل سيكون هناك نتيجة لا نحلم جميعاً بها لدينا طاقة ولدينا قيود حديدية لاستغلالها فكوا القيود وأوجدوا الحلول ونحن تحت امر هذه البلد . الإمضاء : موظف مطحون جدا
عدد الردود 0
بواسطة:
طرازان
القومسيونات الطبيه !!!!
حد يبقي يروح القومسيونات الطبيه ... و يشوف مهازل الاجازات المرضيهً🛌... و المصيبه اللي بيروح علشان الاجازات الاجازات الطبيه صحته زي 🐎و يمكن زي الحمار يقدر يجر ١٠٠ عربيه كارو مربوطين في بعضً ... ى تلاقيه وهوه داخل علي الدكتور يمثل 🚶🏾و ماسك 📿في أيده و اما ياخد الاجازه من الدكتور يخرج 🏃و يروح بيتهم 🤸🏼♂️يتشقلب فوق ال 🛏
عدد الردود 0
بواسطة:
البريء
الأعياد فقط
هو يوم واحد الأعياد الدينيه. الفطر و الأضحى و الميلاد و القيامه. لو البلد عاوزه تقوم.
عدد الردود 0
بواسطة:
عايده
لا تلوموا علي العامل
النظام كلة غلط .. قوانين غلط ...االحل ببسيط..اربط الاجر بالانتاج .هتلاقي العمال تشتغل اكتر حتي يزيد الدخل ..انا زوجي يعمل في احدي المصانع في القطاع الخاص .من نظام العمل ..يومين اجازة في الاسبوع.. و لة يوم في الاسبوع يعمل اذن و يروح ..و المرتب ضئيل ..و هو يحب العمل ..و يحب ان يزيد دخلة ...و يكلمهم زودوا العمل و زودوا المرتب ..هو دة النظام .. و ممغظم المصانع كدة ..يعنيي علشان يوفر مرتب يقلل ايام العمل ...4 ايام فقط .. و المهنة مش متوفرة غير في المصانع الكبيرة ..مش عارف يزود دخلة .. و لة اصدقاء كتير كدة نفسهم الانتاج يزيد و ياخذوا مرتبات كويسة
عدد الردود 0
بواسطة:
طرازان
تعليق علي التعليقات
فيه تعليقات كويسه جدا ... و نفسي يتعمل أو يطرح سؤال علي طلبه الجامعات ... نفسك بعد ماتتخرج تعمل ايه ؟ حتلاقي الاجابه علي طول اتعين في الحكومه !!!! مافيش حد عايز يغامر أو يطور من نفسه بالحصول علي دورات و بعدين يخش علي علي القطاع الخاص اللي بيدفع مرتبات و هوه عارف انها مردوده له تاني ... ورغم ان القطاع الخاص بيعلن عن وظائف ... ما تلاقيش حد بيتقدم لها لان الجميع عايز يتعين في الحكومه !!!! ليه وده مثال بسيط لو فيه مشكله بين مدير و موظف ... ممكن الموظف يخش علي مديره و يرقعه علقه تمام .. حد يقول لي الجزاء حيكون ايه ... اقصاها يومين خصم ... في القطاع الخاص بيكون فصل علي طول .... بلاش دي في سنه وجدت الحكومه ان الجهاز الاداري في الدوله متضخم زي دلوقتي يعني فقالت ممكن نستفيد بالموءهلات المتوسطه و نحولهم لعماله فنيه .... انقلبت الدنيا و إندفن الاقتراح ده ... لان كل واحد قال يعني ايه ... وظيفتي ابقي سباك و كفايه لحد كده تصبحوا علي خير
عدد الردود 0
بواسطة:
Mohammed
الي طرازان مش كل الرجال يحبوا يعملوا في الحكومة
في عمال فنين مهرة ليس لهم عمل بالحكومة عايزين شعل مصانع لكن لاسف كما قالت الاخت عايدة . المرتبات ضئيلة . الفني الخبرة مرتبة لا يزيد 2500 جنية و الاداري زي محاسب او مشرف او مدير قسم المرتب اضرب في 4 لا يقل عن 10000 جنية . يبقي اية الحل . لازام الانتاج يزيد و المرتب يزيد . يا ام علية العوض
عدد الردود 0
بواسطة:
مصرى مبسوط
هواحنا عايشين زى المانيا ياريت نبقى زى المانيا فى الاجور يارب
هواحنازى المانيا ياريت نبقى زيها فى المرتبات والمعاملة يارب
عدد الردود 0
بواسطة:
مصرى مبسوط
يارب نبقى زى المانيا فى المرتبات
ياريت نبقى زى المانيا فى كل شىء