تداولت مواقع التواصل الاجتماعى مقطع فيديو للواء أيمن جبريل رئيس مدينة فاقوس بالشرقية، يهدد عامل فى فرن "هسجنك.. أقسم بالله ما هيطلع من السجن" خلال حملة إزالة تعديات، الأمر الذى أثار موجة من الغضب ضد رئيس المدينة، واعتبروه تجاوزًا غير مقبول
وقال عبدالعليم الكعكى صاحب مخبز حلويات، لـ"اليوم السابع"، إن محمد الكحكى ليس ببلطجى كما قال له رئيس المدينة أو مجرد عامل بالفرن عادى، هو نجل شقيقى ومتعلم وحاصل على بكالوريوس تجارة ويعمل بالفرن بدلاً من البطالة ويكسب قوته بعرق جبينه، مضيفًا إننا فى العيد من العادة يقوم المواطنين بفرد صيجان البسكويت بجانب الفرن، وخلال مرور رئيس المدينة بمرافقة حملة، توقف أمام المخبز وحاول أفراد الحملة رفع الصيجان بعنف، فاعترض على الطريقة بقولة "حرام دى نعمة ربنا"، فانهال رئيس المدينة عليه بالتهديد وبالسجن، وتم حجزه فى قسم الشرطة عدة ساعات وبعدها خرج.
وأشار صاحب المخبز، إلى أنه جميع رخصه سليمة ولا يوجد لديه أى مخالفات، سوى إشغال الطريق بسبب موسم العيد.
من جانبه قال اللواء خالد سعيد محافظ الشرقية، لـ"اليوم السابع"، "إننى لا أقبل المساس بكرامة المواطن الشرقاوى وحفظ كرامته ومكانته، مشيرًا إن الاهتمام بحل مشاكل المواطنين وتلبية طموحاتهم تقع على أولويات عمل الجهاز التنفيذى.
وأضاف، إنه قد أصدر تعليمات مشددة لرؤساء المراكز والمدن والأحياء بالنزول للشوارع والميادين العامة وتنظيم حملات يومية لرفع الإشغالات والباعة الجائلين، وفتح الشوارع العامة والرئيسية أمام حركة المواطنين، وعبور السيارات وإعادة الوجه الحضارى والجمالى للمدينة.
وأشار إلى أنه خلال حملة قام بها اللواء أيمن جبريل رئيس المدينة، وبحضور شرطة المرافق، وقسم الإشغالات لمتابعة الإشغالات فى الشوارع لظروف شهر رمضان الكريم، والاستعداد لعيد الفطر المبارك تلاحظ قيام بعض المحال التجارية بالتجاوز والتعدى على حرم الطريق، مما يتسبب فى غلق الشارع وتعطيل حركة المرور.
رئيس مدينة فاقوس لعامل " اقسم بالله ما هطلعك من... من طرف youm7
وانطلقت الحملة من شارع النقراشى، والشوارع المجاورة وتحديدًا أمام محل الكعكى، وأثناء قيام الحملة بتنفيذ أعمالها للتعامل بشكل قانونى مع صاحب النشاط المخالف قام أحد العاملين باعتراض الحملة، وحاول إثارة المارة، مما اضطر رئيس المدينة بإصدار أوامره لشرطة المرافق بالتعامل معه واصطحابه لقسم الشرطة لتحرير محضر بالواقعة وتم إخلاء سبيله فى نفس اللحظة، وجارى اتخاذ كافة الإجراءات القانونية حيال المخالف.
عدد الردود 0
بواسطة:
شارلي
انتهي
زمن العبوديه اندها قول ياريس وهوي هيجيب للك حقق واخيرا الله شايف من غير ما تطلب هيجبلك حقق
عدد الردود 0
بواسطة:
مصرى اصيل
اشغال الطريق دى جريمه كبيرة
ايوه طبعا لان حق المواطن بيضيع ومش بيلاقى مكان يمشى فيه اشتغلوا بدون تجاوز حق المواطن ...ومن حق رئيس المدينه يشوف شغله ويعترض على المخطأ وياخد عقابه ..يعنى لو رئيس المدينه راجل مرتشى واخد قرشين فى الدرا ومشى اى مخالفه هيبقى جميل وحلو وكفائه ومفيش منه احنا اللى بنضيع حقوقنا بالتعاطف مع السلبيات
عدد الردود 0
بواسطة:
معقوله
معقوله
معقوله لسه فى ناس بتقسم وتتكبر ومفكرا نفسها هى إللى حميا البلد واسياد وعبيد والحجات العبيطه دى إللى دمرتنا وخلت المصرى بره مصر للأسف تعبان ومتبهدل للأسف بسبب بعض من الناس دول
عدد الردود 0
بواسطة:
تامر ابراهيم
هو تنفيذ القانون بقى جريمة
رئيس المدينة ده نزل يفتح الطريق من تعدى مواطن عليه لكى يعبر منه مئات المواطنيين يعنى منزلش يفتحه علشان سيادته يعدى منه ولا ياكل كعكاية ده علشان البشر وكلكم عارفين تعدى أصحاب المحلات على الطرق ازاى بلاش الفزاعة الفاضية بتاعتكم دى هو لسه فى كده والكلام الفارغ ده .
عدد الردود 0
بواسطة:
محلاوي
الأخوه المعترضين
من حق رئيس المدينه أن يمر علي المحلات المخالفه ومصادره كل التجاوزات من اشغالات لكن اللي يقول دي نعمه وده أكل عيش وده شهر كريم والمسامح كريم. ياريت يوريني نفسه وهو بيحاول يعدي من فوق تلك التجاوزات. والله. أصحابها يأكلوه ويقطعوه. ياناس. اسمعوا رئيس المدينه وهو بيقول له حس بيا. فيه أكتر من كده طلب من المواطن أنه يخلي عنده دم ويحس بمشاكل الناس والا كل واحد عاوز الدنيا تمشي علي هواه لو رئيس شرطه المرافق بيعمل صح كان هو اللي أولي يصادر تلك الصاجات والتجاوزات
عدد الردود 0
بواسطة:
محمد
طيب مانحترم القانون وعدم تعطيل الماره والشارع العام ومضايقة الناس
وبعدين ايه دخل الشهادات والتعليم فى مخالفة القانون يعنى الشخص الغير متعلم يابتاع الفرن هو من يجب معاقبته فقط -من اعطاك حق احتلال الشارع العام المملوك لكل المصريين ---المفترض لودر يكنس الشارع من الاشغالات -- او محضر اشغال طريق وغرامه 1000 جنيه عن كل يوم من تاريخ اعلانه والتنبه عليه ووضع ملصق على العقار بذلك
عدد الردود 0
بواسطة:
Naseh fa
له الحق فى تنفيذ القانون لكن بالطريقة دى عيب
يحترم حتى الناس اللى واقفة لان ممكن حد من اللى واقفين يثور هتبقى فوضى ساعتها هيبة الدولة بتضيع بسبب التجاوزات وبيظنر المواطن كانه همجى .... تنفيذ القانون عاوز محترفين مش اى حد يقدر ينفذ القانون
عدد الردود 0
بواسطة:
محمد وفاءى
تجربة شخصية
مرة ركنت سيارتى فى أحد شوارع فاقوس أمام واحد فارش فاكهة لانى ملقتش مكان آخر اركن فيه تخيلوا ايه اللى حصل هددنى صاحب الفرشة لو ممشتش من هنا متعلق من الممكن يحصل زجاج السيارة كاوتشة نايمة عالارض وخلافه من تهديدات قولتله. على إيه الطيب احسن مش لازم اشترى أكل ولا شرب اروح بيتنا احسن وكل سنة وانتم طيبين . مواطن من مدينة فاقوس.
عدد الردود 0
بواسطة:
مصطفى
مافيش فايدة فى شعبنا
يعنى صدقتوا البلطجى وكذبتوا الراجل المسئول اللى سايب بيته ونازل الشارع علشان ياخد حق الناس من البلطجية زى الفران اللى فاكر انه علشان معاه شهادة يبقى ماينفعش حد يعترض على حاجة عملها نفسى اعرف الشعب المصرى امتى ح يفهم بعد كل اللى حصل لنا من ٢٠١١ احنا اللى اخدنا مائة قفا على سهوا
عدد الردود 0
بواسطة:
المُعز لدين الله احمد جعفر. ههيا
رءيس المدينه شايف شغله
الراجل ازال تعدي صارخ علي الطريق العام، هو بتاع الفرن علشان فرش الصاجات مره او اتنين قبل كده،اصبح ده قانونه؟ علشان البلد تنضف، يبقي لازم الجميع يلتزم بالقانون الفران قبل المحافظ. ثم ان جناب المحافظ بيقول لن يسمح بإهانة كرامة المواطن،طب لو المواطن اهان القانون وأعاق حركة باقي المواطنين تعمل فيه ايه ؟