يتجمع حوله الناس من كل حدب وصوب، يتجمع حوله أطفال ونساء وكبار بسبب عروضه الممتعة ويكونوا فى سعادة غامرة. عم "معاطى صلاح" وشهرته "معاطى الحاوى" صاحب الـ38 عامًا يعيش فى طنطا ويجوب شوارع ومحافظات مصر بحثًا عن لقمة العيش الحلال ليطعم زوجته وأولاده الخمسة والكلبة "بابزى" التى تعد مصدر للقمة عيشهم.
الكلبة"بابزى" رغم صغر حجمها، إلا أن قيمتها معنويا عند عم معاطى كبيرة فهى تعد سندا ومصدر دخل لعائلته المكونة من سبع أفراد، بل وتحولت لفرد معهم لأكثر من عامين.
ويقوم "معاطى" بتدريبها ومن ثم إعطاء الأوامر لها حيث أنها لا تدخل الحقيبة إلا عندما يقول لها يا أستاذة "بابزى"، ويقوم بتدريبها على الرقص عن طريق أداته الخاصة وهى "الطبلة" وتستجيب الكلبة بسرعة لذلك. ويقول "معاطى" حاولنا تطوير المهنة لأن الأول مكنش فى كلب كان مجرد لعب بالنار والسكاكين والحاجات اللى بينطوا منها والمسامير أحنا اللى طورنا منها وشغلنا فيها كلاب وبرضو أهالينا كان معاهم كلاب بس مكنش بنفس النوعية". وأكمل " تدريب الكلب يكون صعب جدا ولو الكلب فيه ذكاء كويس ممكن ياخد شهر تدريب وميزة الكلبة بتاعتى أنى بديها أوامر لما بقولها يا استاذة بتدخل الشنطة" .
