سيدة ضعيفة لا حول لها ولا قوة، لا تقوى على العمل، توفى زوجها منذ عام ونصف وترك لها ديونًا وكوم عيال وشالت الهم الثقيل من بعده، وتركت بعدها شقة الزوجية بعد أن أثقل كاهلها الديون، واضطررت لأخذ شقة متواضعة لا يوجد بها أثاث وناموا فيها على الأرض بعد أن باعوا أثاث شقتهم وتداينوا من طوب الأرض، والسجن طارد أمهم.
وتقول أمل محمد أحمد، تقيم بشبرا الخيمة، القليوبية: "أعيش فى شقة بالإيجار بعد أن توفى زوجى منذ عام ونصف وعندى 4 أولاد أحمد ومحمد وآية وسيد الذى كان يعمل سائقًا وأصيب بمرض "قصور فى وظائف الكلى والقلب" أقعده عن العمل لمدة عام ونصف العام قبل وفاته واستدان فى تلك الفترة من أصدقائه وجيرانه حوالى 30 ألف جنيه، وتركنا بلا معيل ولا دخل لنا بعد وفاته، وكانت ابنتى آية مخطوبة قبل وفاة والدها وكان لابد من أستدين أنا أيضًا لأتمكن من تجهيزها، وتعرفت على إحدى السيدات التى حاولت مساعدتى وأعطتنى كروت شحن لأبيعها على أن تتقاسم المكسب معى.
واستكملت: "ولكى أتمكن من تجهيز ابنتى أخذت من 4 أشخاص كروت شحن واحدة أخذت منها بـ45 ألفًا وآخر أخذت منه بـ18 وثالث بـ15 والأخير أخذت منه بـ10 آلاف، ووقعت على نفسى إيصالات أمانة واشتريت لابنتى جهازها، ولكننى لم أستطع سداد هذه الديون ولذا بعت محتويات شقتى وكل ما أملك ونمنا على الأرض أنا وأولادى، الأولى رفعت عليا قضية حملت رقم 25/12/2017 جنح العرب للمطالبة بحقها والثانية رفعت القضية على ابنى.
وأضافت: "وكان من المفترض أن أسدد كل شهر 4 آلاف جنيه فكنت أستدين من أشخاص جدد، واستلفت من طوب الأرض لأسدد للدائنين القدامى. وأكدت أم اليتامى أن صاحب الموبيليا الذى اشترت منه كان يطلب منها كل شهر 1000 جنيه لمدة 20 شهرًا وصاحب الأجهزة الكهربائية كان قسطه 400 جنيه لمدة 18 شهرًا وأخرى كانت قد اشترت منها غسالة وأجهزة منزلية قسطها 1500 جنيه شهريا لمدة 18 شهرًا سددت منها 3 أشهر فقط، وأنها اشترت مفروشات بـ15 ألف جنيه سددت من حقها 6 آلاف جنيه والمتبقى عليها 9 آلاف.
وتناشد الأم أصحاب القلوب الرحيمة مساعدتها قائلة: تركت المكان الذى كنت أقيم فيه بعد أن بعت اللى ورايا واللى قدامى علشان مش معايا مليم واحد ومعايا كوم لحم هربا من الديون التى تطاردنى والحبس الذى ينتظرنى.. فإذا لم أستطع أن أدبر الديون سأقتل نفسى".
للتواصل مع الحالة أمل محمد أحمد شبرا الخيمة – القليوبية للتواصل مع الحالة: 01221628719
.jpg "الشقة بدون أثاث (1)")
.jpg "الشقة بدون أثاث (2)")
الشقة بدون أثاث
.jpg "أمل محمد أحمد (1)")
أمل محمد أحمد
.jpg "أمل محمد أحمد (2)")
أمل محمد أحمد
عدد الردود 0
بواسطة:
محمد ابراهيم
كلام فارغ
١٢٠ الف لتجهيز البنت كلام لا يصدق فية ناس متعودة على السلف واخذ حقوق الناس ثم الادعاء بتجهيز البنات فى نفس الوقت يوجد ناس يحسبهم الجاهل اغنياء من التعفف
عدد الردود 0
بواسطة:
عبير
لو كنت أملك ماتأخرت عنك
حاسه بيكي لاني اعاني من نفس المشكلة زوجي توفي وترك لي عبير ٣ سنوات وأستلفت من جارتي ٤ الاف جنية علشان أفتح كشك بقاله أعيش منه انا وبنتي لان المعاش علي قد الايجار ٣٦١ جنية والست خلتني أمضي علي وصل امانه وبتطالبني بالتسديد او الحبس انا مش في مقدرتي اساعدك بالمال لكن أقدر اجيبك تعيشي انتي واولادك معايه واهو توفير سكن واكل طالما ربنا ببكرمني من الكشك ورزقي ورزقك علي الله واهو لو في يوم لقدر الله الست حبستني بالوصل انتي تاخدي بالك من بنتي ولو لقدر الله انتي اتحبستي اخد بالي من اولادك ده رقمي وربنا المستعان وسامحيني لو مساعدتي مكانتش بالقدر الكافي لكن لا يكلف الله نفسا الا وسعها 01207109445
عدد الردود 0
بواسطة:
مصري
أنا دكتور ومتجوز دكتوره وجوازتي كلها متكلفتش تلت المبلغ ده باستثناء الشبكه يعني
120 الف جهاز ليه يا حاجه! خير؟
عدد الردود 0
بواسطة:
م/حسام
الي التعليق رقم3 والتعليق رقم1
حضراتكم بتتكلموا في ايه اللي عايز يجهز دلوقتي بنت بيجهز بمبلغ اكبر من ده كمان وعلي فكرة ده مش تبذير وانما ده كل شئ بالبلد ارتفع ضعفين و3اضعاف الثمن والعيب مش علي اي حد يجهز بنته بمبلغ زي ده لان السبب في ده ارتفاع الاسعار اللي بيخلي الناس تندين لطوب الارض ومثال بسيط واحد صاحبي ابوه متوفي وعلشان يجهز اخته صرف 170الف جنية جهاز فقط وكمان في الريف مش المدن تخيل مبلغ زي ده وفي الريف ولو كان جهز اخته من سنتين او ثلاث سنوات كان هيجهزها ب70او80الف لكن ما البيد حيلة ارتفاع الاسعار انفرض علينا اننا نتقبله فياريت تعرفوا قبل ما تتكلموا
عدد الردود 0
بواسطة:
مشمش
ناويه على النصب ...مع سبق الاصرار.....وما ذنب الناس التجار اصلا..
...وعريس بنتها متسنكح وهو يعرف امكانيات عائله عروسته..ولكن هو عاوز تلاجه وتليفزيون ال سى دى وغساله فول اتوماتيك
عدد الردود 0
بواسطة:
محمد مشعل
ربنا يعينك يا حاجة ... ولكن ؟
والله حرام عليكي اللي عملتيه في نفسك ... عيشي علي قدك تعيشي مستورة وما حدش يذلك ... كل دي ديون ... وكمان فلوس ناس خاصة بأكل عيشهم وشغلهم ... والله حرام يا حاجة ... وليه تجهزي فوق طاقتك ... اللي بيحسب الحسابات في الهنا يبات ... وعموماً ربنا يرزقك ويرزق أم عبير الخير والرزق ومن يكفلهم ... أعانكم الله
عدد الردود 0
بواسطة:
مصرى قرفان
اللى ما معاهوش ما يلزموش
عفوا هناك جمعيات تكافل تقوم بتجهيز العرايس بالاساسيات بعد اجراء فحص للحالات و خلفتى لية 4 اولاد و انتى على قد حالك و تجهزى بنتك ب 120 الف لية؟ اللى يتجوزها يشاركها و على قد الحال للاسف دة مش اسلوب لمعونة الغارمات صتدوق تحيا مصر و مصر الخير و زكاة الازهر تدرس الحالات و تساعد الغارمين اما هذا فتسول عيب و بطلوا تخلفوا عيال كتيرة و المجتمع يتحمل اخطائكم
عدد الردود 0
بواسطة:
أمل
عايزة تجهزى شقة بنتك فايف ستارز من فلوس شقا الناس
يعنى انتى عايزة تجهزى شقة بنتك فايف ستارز من فلوس شقا الناس اللى مش عارفين يجهزوا بناتهم بأقل امكانيات بصراحة دة اسمه استهبال و استنطاع
عدد الردود 0
بواسطة:
مشمشاوي
بهدووووء ( ** ** أستهبال في أستهبال ****)
يا ليتك ما حكيتي حكايتك ويا ريت المحرر ما نشرها ويا ريتني ما قرأت الحكايه مفيش تعليق واحد في صفك عشان أنتي بتستهبلي كروت شحن أيه اللي حتقسمي مكسبها ؟؟؟ دا ال100 مكسبها ( في كروت الشحن ) 5ج وبعدين اللي أعطوكي الفلوس برضه غلطانين الصراحه هيه الألفات عندهم سهله كدا يعطوها لأي حد ..
عدد الردود 0
بواسطة:
ام منار
بعد 33 سنه جواز لسه بااستخدم الهون >>معنديش كبه!
ارحمينا ياحاجه الله يكرمك هو لازم طقم الصينى كامل مالها اطباق الصينى فى السوق تشترى اللى يلزمك بس ...لازم الفول اتوماتيك مالها الهاف ولا العاديه ...التليفزيون ماله العادى ...لكن الفشخرة دى مين يدفع ثمنها الناس ...على اد لحافك مد رجلك