"نفسى أعرف أستر بنتى، بنتى مخطوبة وعلى وش جواز، لكن عجزى وقلة حيلتى مكتفينى ومش قادر على العمل" بهذه الكلمات بدأ "ناصر عبدالفتاح" سباك من محافظة الشرقية، يروى قصته لـ"اليوم السابع".
وأضاف ناصر: "طول عمرى الحمد لله عايش مستور وعمرى ما مديت إيدى لحد أبدًا، بالرغم من أنى مقيم بمنزل بالإيجار منذ بداية زواجى، وربنا رزقنى بـ4 بنات وقدرت أجوز 3 منهم، لكن من فترة ومن كتر الشغل جالى غضروف فى رجلى الشمال، ومبقيتش قادر اتحرك غير بالعكاز.".
وتابع: "بنتى الأخيرة مخطوبة وعلى وش جواز، وخوفى عليها خلانى أهمل فى صحتي، ودلوقتى بقى عندى عجز وخشونة فى رجلى الاثنين، ولازم عملية علشان أعرف أمشى من تاني، نفسى أستر بنتى الأول واعرف أجوزها.
وأضاف "ناصر" أنه يحتاج لعملية تتكلف 15 ألف جنيه، لكنه عاجز عن تدبير أى جزء من قيمة العملية، مناشد وزارة الصحة والمسئولين بمحافظة الشرقية مساعدته. للتواصل مع الحالة على رقم 01281465820
.jpg "unnamed (5)")
تم أضافة تعليقك سوف يظهر بعد المراجعة