بالفيديو .. لحياة زوجية سعيدة.. لدغات النحل تعزز القدرة الجنسية

تُعَد تربية النحل من أكثر المشاريع الزراعية نجاحًا، لذلك يسعى العديد من المزارعين إلى اللجوء لها.

وبسؤال "على" صاحب أحد المناحل قال لفيديو7 قناة اليوم السابع المصورة: "عندنا فى مصر عسل زهرة البرسيم، وهو أفضل الأنواع الموجودة فى مصر، ويستخدم فى العلاج مع حبة البركة مضاف إليهما زيت زيتون فيعالج الأمراض ويمنع الحسد".

وعن تربية النحل، قال "على": "إحنا بنجيب برواز نحطه وسط الخلايا وبنشتغل عليه، والنحل بيطلع يجيب رزقه من بره، فى جولة بتستغرق حوالى 5 كلم ويرجع تانى.. والنحل بيجرى حوالى 60 كلم فى الساعة وهو رايح، و24 كلم فى الساعة وهو راجع، وبيكون على ارتفاع 8 أمتار عشان يكون بعيد عن الناس، وبيجيب الرحيق ويرجع للخلية تانى، والبرواز الواحد بيطلع كيلو ونص عسل فى الدورة الواحدة".

واستكمل: "فيه ناس بتيجى تتقرص هنا من النحل، لأن القرصة الواحدة بها فوايد كتيرة، وهى بتعالج الخشونة، وبتقوى جهاز المناعة للرجال، وحلو علشان العملية الجنسية، لأنه بيحرك كل الدم بتاع الجسم وبيعمل تدفق ليه، وكمان بيعالج فقرات الظهر، ويُعَد مقوى عام للجسم وطبيعى.. النحلة بمجرد أن تقرص الإنسان بتموت على الفور لأن روح النحلة فى ذيلها".