بالصور.. رئيس "نقل النواب" باجتماع اللجنة اليوم: "أوبر وكريم هيهدموا البلد"

الإثنين، 22 مايو 2017 05:15 م
بالصور.. رئيس "نقل النواب" باجتماع اللجنة اليوم: "أوبر وكريم هيهدموا البلد" اللواء سعيد طعيمة رئيس لجنة النقل بمجلس النواب
كتب هشام عبد الجليل - تصوير حازم عبد الصمد

مشاركة

اضف تعليقاً واقرأ تعليقات القراء

أعلن اللواء سعيد طعيمة، رئيس لجنة النقل والمواصلات بمجلس النواب، عن وجود 110 آلاف سيارة تعمل فى شركتى أوبر وكريم، وشركات أخرى، إلى جانب 80 ألف تاكسى عداد يعلمون بشكل يومى فى شوارع مصر، وهذا من أهم اسباب التكدس المرورى، قائلا: "أوبر وكريم هيهدموا مصر".

وانتقد "طعيمة"، فى كلمته خلال اجتماع لجنة النقل، اليوم الاثنين، لمناقشة الموازنة العامة المخصصة لعدد من الهيئات، وجود جهاز النقل الحضرى بالقاهرة الكبرى مع استمرار حالة التكدس، مؤكدا أنه عديم الفائدة ولم يقدم شيئا ملموسا على أرض الواقع، متسائلا: "ما هو الدور المنوط به؟ هل سينظم سير التوك توك؟".

وطالب رئيس لجنة النقل بمجلس النواب، رئيس جهاز النقل الحضرى بتقديم خطة عمل الجهاز خلال العام المالى المقبل، ورؤيته لحل أزمة المرور، وهل للجهاز دور فعال أم أن وجوده مثل عدمه؟.

لجنه النقل بمجلس النواب (1)
 
لجنه النقل بمجلس النواب (2)
 
لجنه النقل بمجلس النواب (3)
 
لجنه النقل بمجلس النواب (4)
 
لجنه النقل بمجلس النواب (5)
 
لجنه النقل بمجلس النواب (6)




مشاركة

اضف تعليقاً واقرأ تعليقات القراء



التعليقات 10

عدد الردود 0

بواسطة:

احمد سويلم

ارحمنا يا رب

و سواقين التاكسيات ما بيهدموش البلد باللي بيعملوه فينا ؟ تقول للواحد منهم شغل العداد يقولك ببجاحه " مش هشغل " و ساعات يقولك " انزل هنا و كمل انت مطرح ما انت رايح " .... سواق تاكسي قالي بنبرة تحدي " حتى لو خلو فتح العداد ب 100 جنيه برضه مش هشغل العداد " و لما ربنا ينجدنا من إيديهم بأوبر و كريم عايزين تلغوهم

عدد الردود 0

بواسطة:

gm

اوبر وكريم اصبحت اهم وسيلة مواصلات

وسيلة مواصلات امنة وسعرها افضل من التاكسى وسواقينها محترمين غير المعاناه التى تجدها فى التاكسى وسواقينه الله يسامحهم

عدد الردود 0

بواسطة:

مصرية

اوبر وكريم انقذونا من قرف التاكسي

انت بقي يا سيادة رئيس اللجنة عملت ايه ينفع الشعب ؟؟؟؟ناس غريبة والله لاعارفة تحل ولاعايزة الناس تختارراحتها

عدد الردود 0

بواسطة:

اسامه المصرى

مش عارفين من غير اوبر كان الشعب عمل ايه؟

وسيله الموصلات الوحيده ال بنامن بيها على ولادنا يركبوها طبعا عشان سياده النايب عنده اسطول عربيات مش حاسس بالناس سواقين التاكسى بطلجيه ولصوص وسوابق ومفش رقابه عليهم ولاتعرف ده مين جالك نظام عالمى يامنك ويامن الراكب ويتابعك وبتدفع فيه بالجنيه والشلن وميسرقش عايز ايه عايزين تعكننوا عالناس وخلاص روخ يا شيخ ربنا ينتقم منك

عدد الردود 0

بواسطة:

فرعون

إلى الباشا

إلى الباشا سياده اللواء. لأن طبعا سيادتك ما تركبش تكسيات لازم تقول كده. و لان سيادتكم مش عارفين تنظموا المرور و سايبين الميكروباسات و التوكتوك و التاكسى الأبيض طايحيين فينا يبقى طبعا لازم تقول كده. عارف مين اللى بيهدم فى البلد ؟ بلاش اقولك لأنك حتزعل. يبدو أن النواب مش عارفين حاجه خالص عن اللى فى الشارع.

عدد الردود 0

بواسطة:

عادل و الآن عادل الأول

" الحل "

لا فرق بين سيارات الأجرة مهما اختلف اسمها " الأبيض - الأسود - أوبر - كريم ..الخ " فالاشغالات واحدة مع الفارق و هو الاحترام و الالتزام الذي يميز أوبر و كريم عن غيرهما ( و لست أعلم لماذا وضع اللواء سعيد طعيمة، رئيس لجنة النقل والمواصلات بمجلس النواب هاذين النوعين " في دماغه " بمفردهما ؟؟؟ ..... إذا أراد " طعيمة " أو غيره اصلاح الأمور عليهم الاهتمام بالأوتوبيس المحترم الذي يحل محلهم جميعا ( لأن الأوتوبيس الواحد يحل محل 20 - 30 سيارة أجرة او ملاكي !!!!!!!!!

عدد الردود 0

بواسطة:

مواطن

و الله انت اللى عايز قطع رقبتك

روح يا شيخ ربنا ينتقم منك و من امثالك...الاغبياء امثالك قاعدين على كراسي و بيرسمولنا حياتنا...الله ينتقم منك.

عدد الردود 0

بواسطة:

Ramses58

الميكروباص والتوكتوك

و يا تري بخصوص الميكرباصات و التكاتك هما دول بقي اللي بينهضوا بالبلد؟؟

عدد الردود 0

بواسطة:

ام بيشوي

سيبو اوبر وكريم فى حالهم ....وغلاوة مصر عندكم احسن حاجة فى مصر

يا سيادة الرئيس الا اوبر وكريم .....ارجوكم ارحمونا من اباطرة التاكسى :(

عدد الردود 0

بواسطة:

عصام سعيد

البطاله والمخدرات

واضح ان ال5 تعليقات اصحاب سيارات بالقسط مضحوك عليهم طيب ماتجيبو تاكسي احسن ما انتم كده كده سواقين ولكن مهانين علي العموم التقنين علي وشك كل اوبر وكريم والشركات الاخري بيبيعو مخدرات ودعاره كل من هب ودب مش لاقي شغل يركب كريم داه حتي كريم زعلان

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة