رفضت سحر عتمان، عضو مجلس النواب، قرار الشركة القابصة لمياه الشرب والصرف الصحى، بتطبيق زيادة جديدة فى أسعار المياه، مشيرة إلى أن هذه الزيادات عبء كبير على المواطن المصرى الذى يعانى فى الأصل من ارتفاع الأسعار مع عدم زيادة فى المرتبات .
وقالت سحر: "أى زيادة تحدث فى الشارع المصرى نحن كنواب نتحملها وليس الحكومة، ومجلس نواب 2015 شهيد كل الأزمات، وتعبنا أننا نكون كبش فداء"، لافتة إلى إن هذه الأخبار خاصة بحلول شهر رمضان المبارك، تنشر حالة نفسية سيئة للمواطن، وتبث شعور الخوف بداخله من كابوس الزيادة".
وأضافت "عتمان"، فى تصريحات خاصة لـ"اليوم السابع"، إن الأجواء الحالية تؤدى إلى الإحباط من زيادة فى الأسعار، ورفع الدعم، وغياب الأجهزة الرقابية، مؤكدة إن كل هذا جعل المواطن فريسة للتجار، مطالبة الحكومة بالتوقف عن هذه القرارات المفاجئة من الزيادات فى الأسعار.
عدد الردود 0
بواسطة:
محمد
يجب رفع اسعار جميع الخدمات
رفع جميع اسعار الخدمات وتسعيرها بالتكلفة الحقيقية هو امر جيد جدا بشرط الا يدخل في التكلفة مكافات المستشارين والموظفين اللي نازلة عمال على بطال عليهم كل شهرين ياخدوا شهرين كذلك صرف المرتبات للمواطنين سواء في القطاع العام او الخاص بالمستويات العالمية ما هو ما ينفعش تحاسبونا بالسعر العالمي وبالدولار وتعطونا مرتب ملاليم .... بالشكل ده هناخد مرتبات نصرفها على خدمات الدولة اللي اساسا هي خدمات زبالة لا مياه نظيفة ولا صرف صحي جيد ولا شوارع سليمة ولا مواصلات ادمية
عدد الردود 0
بواسطة:
محمد محمد
جميع اجهزة الدولة شوية حرامية
هما يسرقو والشعب يدفع هم مكافات كل شهرين والشعب يدفع مراتبات فوق الخيال والشعب يدفع اية الحكاية مرتبات ضعيفة ومعاشات تعبانة ياريت نتحاسب بالمرتبات العالمية والمعاشات العالمية وبلاش التهريج اللى بيحصل فى مصر ده كم مرتبات البهوا ت والمستشارين الخ الخ والمواظفين والمعاشات مش لاقين ياكلو عيب اللى يحصل فى البلد من بهوات السلطة دول شوية مهريجين وهيوصلو البلد الى الانفجار ولا حرب اهلية بسبب الجوع
عدد الردود 0
بواسطة:
توفيق
الضرب في الميت حرام
والله العظيم حرام حرام حرام عليكي ياحكومة الجباية وحرام عليك يامجلس الشعب ياللي مش قادر تاخد موقف من الحكومه وانت فين ياسيادة الرئيس من هذا الغلاء الفاحش في كل حاجه الا تعلم ان اصحاب الدخول الثابتة والمعاشات والمهمشين والطبقة الوسطي يأنوا ويصرخوا بداخلهم من ارتفاع اسعار الكهرباء والمياه والغاز والسلع الغذائية والدواء وتدني التعليم والصحه ليه تيجو علي جيوب الغلابة كفاية كفاية بقي انتو عايزين نقلع هدومنا وننزل الشارع نتسول علشان ولادنا تأكل ولا انتوا عايزين ننزل نعمل مظاهرات وننادي باسقاط النظام اللي مش حاسس بالالام التي يعاني منها معظم الشعب ارجو من مجلس النواب التصدي بكل قوة امام هذه الحكومة الظالمة ومنع هذه الزياده في المرافق او الطاقة عندكوا الاثرياء خدوا منهم وياريت يكون فيه حلول غير جيب المواطن الغلبان مش كده ولا أيه.
عدد الردود 0
بواسطة:
هاوى
مجلس نواب حنفى
يبعبع الاعضاء ويهاجموا الحكومة وعاملين انهم مع المواطن ومايعرفوش اننا فاهمين اللعبة وماهو الا مجلس ديكورى . يخرج الجماعة الحنجوريين اللى فى المجلس ويصبوا جام غضبهم على الحكومة واول مالحكومة تظغر لهم بعينها وتقولهم ( حنفى ) يقولوا خلاص تنزل المرة دى
عدد الردود 0
بواسطة:
نوار
نشرب مياة معدنية ارخص
ياسادة لقد اصبحت تكلفة مياة الشرب عالية جدا الشركة دى مش عارفة ان مية الشرب بتاعتهم غير صالحة للشرب الا من خلال فلتر والفلتر بقى مكلف لان اسعار الشمع بقى غالى جدا يعنى الواحد لو يشرب مياة معدنية ويوفر ثمن الشمع بتاع الفلتر ارخص ياعالم ارحمونا بقى
عدد الردود 0
بواسطة:
حفنى
الحكومة مشكوك فى امرها
اى زيادة جديدة فى اى حاجة حاليا تعتبر حكم بالاعدام صادر من الحكومة على الغلابه، وبصراحة لايوجد مبرر منطقى ابدا يقول نرفع اسعار تانى مع وجود هذا التضخم الرهيب والغير محتمل الا اذا كانت الحكومة مش دريانة اصلا بالناس ، او الحكومة بتتعمد اثارة الناس ضد الدولة وبالتالى الارتماء فى احضان الناس اياهم وتصديقهم هيكون الحل الوحيد المتاح امام الراجل الغلبان اللى مش عارف ياكل عياله رغم انه بيشتغل باجتهاد وكد وعرق اتناشر ساعه كل يوم ،،، انتى عايزه ايه ياحكومه ؟
عدد الردود 0
بواسطة:
عطا الخولى
من اين
مفيش فلوس تدفع للذيادات فى الكهرباء والمياه
عدد الردود 0
بواسطة:
وليد
مش مصدق
مش مصدق والله ان الحكومه بتعمل كده فعلا ، انتوا بتتعمدوا تثيروا الشعب مش هاتعملوا كده ، بالله عليكم الرحمه شوية علشان هانفطس منكم .
عدد الردود 0
بواسطة:
وليد
مش مصدق
مش مصدق والله ان الحكومه بتعمل كده فعلا ، انتوا بتتعمدوا تثيروا الشعب مش هاتعملوا كده ، بالله عليكم الرحمه شوية علشان هانفطس منكم .
عدد الردود 0
بواسطة:
مشمش
البرلمان شريك الحكومه..فيما وصل اليه الشعب المصرى اقتصاديا الان
...نواب البرلمان يشجبون ويستنكرون ويرفضون كل زياده فى اسعار السلع والخدمات مثل الشعب.....ونسوا انهم يستطيعون سحب الثقه من اى وزير ..او الحكومه كلها..وانهم اداه للرقابه على الحكومه ... قبل ان يكون البرلمان مؤسسه تشريعيه....لك الله يا شعب مصر