أوضح اللواء خالد سعيد محافظ الشرقية، أن السيدة التى كانت تقف أمام مبنى ديوان عام المحافظة وتحمل لافتة مكتوب عليها "أطفال للبيع.. أريد بيع طفل ليعيش إخوته الآخرين"، تبين أنها زوجة لموظف بالإدارة العامة للمواقف سابقاً وبالوحدة المحلية ببهنباى حالياً، ويدعى خالد الصادق، مشيراً إلى أن ما أقدمت عليه السيدة اليوم للمتاجرة بأولادها جاء ابتزازاً رخيصاً وتصرفاً غير مقبولاً كوسيلة ضغط من أجل عودة زوجها لمكان عمله الأصلى بالإدارة العامة للمواقف، على الرغم من أنه قد أمضى أكثر من 15 عاماً يعمل بهذا المكان، وتم نقله للعمل بالوحدة المحلية ببهنباى بكامل مستحقاته المالية.
وأشار محافظ الشرقية، فى بيان، أن الموظف المذكور تم نقله للعمل بالوحدة المحلية ببهنباى، وذلك فى إطار خطة بإعادة هيكلة العاملين برئاسة مركز ومدينة الزقازيق أسوة بديوان عام المحافظة للاستفادة من الطاقات المعطلة فى أماكن أخرى ولضخ دماء جديدة لتحسين مستوى الخدمة المقدمة للمواطنين، والتصدى للفساد بكافة صورة وأشكاله وتفعيل الطاقات الشبابية فى أماكن العمل المختلفة داخل الجهاز الإدارى بالمحافظة لتحسين بيئة العمل وتطوير مستوى الأداءـ بعد أن تبين التردى الواضح والترهل الإدارى بسبب استمرار العاملين لفترات طويلة تجاوزت الـ20 عاماً فى أماكن عملهم دون تطوير أو تحديث.
وكان قد صدر قرار بنقله ومعه 5 من إخوته يعملون جميعاً بالإدارة العامة للمواقف؛ وهم "عربى الصادق السيد اليمانى وتم نقله للعمل بالوحدة المحلية ببهنباى، والسيد الصادق السيد اليمانى وحسام الصادق السيد اليمانى تم نقلهما للعمل بالوحدة المحلية ببيشة قايد، وسعد الصادق السيد اليمانى ونبيل الصادق السيد اليمانى تم نقلهما للعمل بالوحدة المحلية بالشوبك، ولم ينقص من مستحقاتهم المالية مليماً واحداً.
كانت النجدة قد لاحظت هذا المنظر المشين، وتم على الفور إبلاغ قسم ثان الزقازيق ليتوجه نائب المأمور لمكان السيدة، وتم التحفظ عليها وتحرير محضر بقسم ثان لتأخذ حقها بالطرق القانونية وحفاظاً على حقوق الجميع.
وأكد محافظ الشرقية، أن باب مكتبه مفتوح للجميع، وأنه تم تخصيص الثلاثاء من كل أسبوع للقاء المواطنين بقاعة الاجتماعات بالديوان العام، بحضور الجهات المعنية لحل مشاكلهم وتلبية طموحاتهم فى إطار الإمكانيات والموارد المتاحة، ومن يرغب فى ذلك عليه أن يتقدم بطلب بمكتب خدمة المواطنين موضح به شكواه ليتم فحص الطلب وترتيب الموعد للقاء المحافظ، ليقوم بعرض مشكلته أمام الجهات المعنية ليتم اتخاذ اللازم حيالها.
عدد الردود 0
بواسطة:
مواطن
طبعا ابتزاز لان جوزها زى المنشار طالع واكل نازل واكل -شوفوا كل العاملين بالمواقف
بيدفعوا للمسئول عن تشغيلهم للبقاء فى الموقف والكارته - فرخه بياضه كل يوم - وقرار النقل قطع بيض الفرخه - وبكل بجاحه تعلق يافطه لبيع اولادها - والعيله كلها عاوزه تعمل موقف قطاع خاص يتمتع بالدعم النقدى - كده او ابيع العيال -- وارجو الرد على تصرفها بنقل زوجها فى مكان ابعد او يسيب الوظيفه يشغلها واحد من الشباب العاطلين
عدد الردود 0
بواسطة:
السيد
للمسؤولين
اولا للمسؤولين أقول لهم اتقوا الله فى الشعب وصل الحال ان الناس تبيع أولادها ومحافظ بدل ما يقدم للمحاكمة يسخر منها الناس بتبيع عيالها وفى أوروبا وكندا بيعملوا لجوء كيلو اللحم ب 100 جنيه غير باقى السلع والموظف بياخد 1000 جنيه مرتب وعندة ثلاث او اربع اولاد عوزين يأكلوا ويشربوا ويلبسون ويتعلموا انا عن نفسى أطالب باللى عملوا ثورة يناير ان يقدموا للمحاكم هو عاوزهم دلوقتى يقولوا البلد كان شكلها الاول حلو ولا دلوقتى السرقه العالم كله فيه سرقه وفساد امريكا وأوروبا فيها سرقه وفساد وليست مصر وحدها ويعلم الله أننى لست من أنصار مبارك ولا مرسي لكن مكنش يبقى كدا التغير اللى دمر البلد بالكامل
عدد الردود 0
بواسطة:
محمود
لاحوله ولاقوه الا باالله
نفس الموضوع منتشر في محافظه الشرقيه امراءه وزوجها معهم 4اطفال اكبرهم بنت 14 عام -قالت لي زوجي ارزقي يعمل يومين وعاطل يوم وزهقت من الحياءه بعد ارتفاع الاسعار وياريت لاقي احد ياخذ اولادي يعملو عنهم -باالاكل والشرب فقط واحنا وولدهم مش عاوزين فلوس-------اللهم ارحم رحمه واسعه واعطي كل مسكين
عدد الردود 0
بواسطة:
مواطن
الى رقمى 2 الداعى الى التنطع تكونش عاوز المحافظ او المسؤلين يتنازلوا عن مرتباتهم
حتى جنابك ترضى عنهم -- خلف وجيش عرمرم من الخلفه وموارد لاتكفى الزياده السكانيه وعدم تنظيم الاسره -ونسوان بتحبل على الاربعين ورجاله عديمة النظر ولاتنظر للعواقب من خطر الزياده السكانيه التى تلتهم موارد الدوله --وجاى تدعو للتقوى - اتق الله انت وزوجاتك وحافظ على ضناك ولا تتركهم صيع بالشوارع وكفايه 3 اولاد مش نص فصل يخطفوا اللقمه من بعض وعلى راى المثل --- على قد لحافك مدد رجليك - فهمت
عدد الردود 0
بواسطة:
محلاوي
بيخلفوا كتير ويعرضوهم للبيع الي رقم 2 السلبي في ردوده
الأخ اللي عمال علي بطال شغال ذم وهجوم علي المحافظ والمسئولين وكأن المحافظ هو السبب في كثره العيال. بدل ماتحاسبوا الأفندي اللي كان شغال في الموقف عواطلي وبيفرض أتاوه علي السيارات تدخل جيبه الخاص بدل ماتدخل الي كارته المحافظه والجميع يعلم ذلك في جميع المواقف ولما المحافظ نقله وباقي أسرته اللي عاملين الموقف خاص بأسمهم دلوقت ظهرت حجه ابيع عيل علشان الباقي يعيش. طيب مافكرتش الست دي ولا جوزها تبيع عيل ليه من زمان. لسبب بسيط. لأن الدخل الحرام من المواقف كان مخليهم عايشين عيشه الملوك. ودلوقت انقطعت السبوبه يبقي نضغط علي المحافظ تشتري عيل والا ترجع جوزها للموقف. والنبي بلاش تنطع. وتحللوا الحرام وكأنه أصبح مال سايب فعلا. بي مش طابونه زي ماقال الريس
عدد الردود 0
بواسطة:
ناصر ديور
الي رقم 2
أقرا الاول الخبر وبعدين علق عليه . فساد في فساد .. حتي اللي بيعلق علي الخبر بيشجع علي الفساد . طب نعمل اية ؟ بلد فعلا الفساد فيها للركب .
عدد الردود 0
بواسطة:
حمد السفافني
الجيزه
يا سياده المحافظ بدل ما تقول ابتزاز حاول بروح الانسانبه تشوف الست دي عملت كده ليه تاني حاجه سايبين عيله تمسك المواقف عشرين سنه وبعدين تنقلوهم اكيد حصل هبوط حاد في المالغ الماليه التي كانو يجمعوها وهم بالمواقف راجع نفسك سياه المحافظ وخلي روحك رياضيه واعترف بالخطاء واتمني ان يتم الاصلاح في القريب العاجل
عدد الردود 0
بواسطة:
مواطن
طيب اسالوا جوزها عن العمل الذى يؤديه ويستحق عنه اجر قاعد هووامثاله يخطف فى الموقف
وفى الاخر يحرض زوجته لعمل تمثيليه وكاتب لها يافطه طويله تعرض بيع اولادها وتقعد قدام المحافظه ياسلام على شغل التنابله -- كان يجيبلها قرض من الشئون الاجتماعيه وتعمل فرش وتاجر مثل كثير من المصريين الشرفاء ويبقى لها الشرف -- الاسبوع الماضى عرض اليوم السابع رجل مسن عنده 70 سنه ويعمل شيال اتمنى ان اقبل قدم رجله لانه مكافح وربى بناته بالجامعه احداهن بكلية الطب ورزقه يوم بيوم- لكن التنطع له ناسه -ياريت يتم القبض على كل الشحاتين والمتسولين --- شاهدت اول امس احداهن تتسكع امام محل الفيومى بالمنصوره جلست على الرصيف تعد الايراد الظهر اقسم بالله 180 جنيه ولابسه نقاب وانا ملاحظها وهى بتعد الفلوس -- ناس واخده على التنطع ومهنه بدون راس مال او عمل والشعب اللى مشجعهم على التسول بمناديل الورق ولا بها عاهه او مشلوله او عاجزه يرق قلب الناس عليها او لحالها
عدد الردود 0
بواسطة:
أعقلها وتوكل ... الي رقم 2
لا أتعاطف مع مثل هذة الحالات
عشان جوزك أتنقل من مكان عمله لي مكان اخر بنفس مستحقاته المالية .....تقومي عايزة تبيعي أولادك وياتري مخلفة 5 وله 6 عيال ... فعلا قاعدين تخلفوا بدون اي حساب بطريقة الجهل والتخلف ...... لما انتي عايزة تبيعيهم كنتى بتخليفيهم ليه اصلا منك لله يابعيدة زنبهم في رقابتك ليوم الدين ........انتي فاكرة ان كتر الخلفة شطارة كل سنتين تجبيلك عيل وعايزة الدوله تصرف عليكم ...... عفوا ياسادة زي مخلفتوهم اتحملوا مصاريفهم بلاش جهل اكتر من كدة الواحد فية اللي مكفيه
عدد الردود 0
بواسطة:
مصراوى
تمثيليات هابطه لا يتفاعل معها الا مشعلى الفوضى
المحافظ قال ان زوجها نقل الى مكان اخر بنفس مرتبه ومميزاته ولم ينقص مليم هو واخواته الخمسه !!!! يعنى عامل يفضل بموقعه بالموقف 15 سنه تهليب كفايه بقى شغل تمثيل والله الشعب زهق من العالم اللى بتمثل عليه وفاكرين الشعب سيتعاطف معهم ومن ده كثير خاصه بفرب حلول الشهر الكريم