.jpg "رئيس \"السكة الحديد\": \"قطع الغيار قربت تخلص والقطارات ممكن تقف نهائيا\"")
قال المهندس مدحت شوشة، رئيس الهيئة القومية للسكك الحديدية، إن الهيئة طلبت فى موازنتها الاستثمارية تخصيص 10 مليارات جنيه، لكن ما اعتمدته الحكومة 3 مليارات و390 مليون جنيه فقط، مطالبا بزيادة الاعتمادات 3 مليارات أخرى.
وأضاف "شوشة"، خلال اجتماع لجنة الخطة والموازنة بمجلس النواب، المنعقد الآن، لمناقشة موازنة النقل للعام 2017/ 2018، قائلا: "قطع غيار القطارات قربت تخلص، ومش هلاقى فلوس أشترى"، لافتا إلى أن البرلمان يجب أن يقف بجانب الهيئة حتى تسدد ما عليها من التزامات، لأن حركة القطارات يمكن أن تتوقف نهائيا.
وتابع رئيس هيئة الشكك الحديدية كلمته خلال الاجتماع: "القطارات هتقف، هعمل إيه؟"، مطالبا بنك الاستثمار القومى بإتاحة اعتمادات الخطة حتى يستطيع سداد باقى مستحقات الهيئة العربية للتصنيع، وشراء قطع غيار، "حتى لا يأتى يوم وتُشلّ فيه السكة الحديد، وهنكون وقتها مسؤولين أمام الله، ومش هقدر وقتها أعمل حاجة".
وأشار "شوشة"، إلى أن خسائر الهيئة تبلغ 5 مليارات جنيه، منها 3 مليارات و620 مليونا فوائد قروض محلية من بنك الاستثمار، وقرار مجلس الوزراء ينص على أن تتحمل وزارة المالية كل أعباء القروض التى تحصل عليها الهيئة حتى 30 يونيو 2007، لافتا إلى أن المالية عليها الالتزام بتنفيذ القرار، وأن الدولة تساهم بتمويل أجور بعض الهيئات، وواجبها تجاه الشعب إتاحة التمويل للسكة الحديد، خاصة أن الشعب المصرى غلبان، مستطردا: "لو المالية تحملت الـ3 مليار فوائد القروض ستصبح خسائر الهيئة 2 مليار بس، وممكن نتعافى خلال سنتين"، وعقب الدكتور حسين عيسى قائلا: "لجنة الخطة تؤيد مطالب هيئة السكة الحدد برفع موازنتها وتحمل المالية أعباء القروض".
عدد الردود 0
بواسطة:
حسام غنام
يا حرام
والله قطعت قلبى علوا التذكره على طول ومفيش داعى للمقدمات دى
عدد الردود 0
بواسطة:
رامى
الايدى المرتعشة
خلى عندكم شجاعة , و تحملوا مسؤلياتكم , ارفعوا السعار (و بالذات القطارات الفاخرة) و حسنوا الخدمة , الناس كدة كدة بتشتكى , قارنوا باسعار القطارات فى اى دولة فى العالم , لن تجدوا مثل هذه الاسعار المتدنية الا فى مصر
عدد الردود 0
بواسطة:
المصرى
قطاراتنا عفا عليها الزمن حرام
قريبا.. أسرع قطار في العالم يقطع مسافة 1200 كلم بالساعة يجري تطويره بتكنولوجيا أميركية. وتكلفتة كام يا ما ما اميركا والملياردير الأميركي الشهير موسك هو مالك شركة (Space X)، وهي الشركة المتخصصة في تكنولوجيا الفضاء، ولديها عقد مع الحكومة الأميركية تبلغ قيمته 1.6 مليار دولار، تقوم بموجبه الشركة بإمداد المركبات الفضائية ببعض مما تحتاجه.
عدد الردود 0
بواسطة:
Aswany
هيئة مسروقة
قطارات زبالة و الناس على بعضها جوة القطار و مفيش فايدة خسرانه على طول و كل دا على كام خط سكه حديد!!!! .... طب لو عندنا شبكة طرق و شبكة سكه حديد محترمة كانت التكلفة قد ايه ؟؟؟ خصوصها بشروط محترمة و انت تشوف النتيجة
عدد الردود 0
بواسطة:
زياد
رقم قارن انت الأجور
وابقى رد عليا ، فيه اختراع اسمه جوجل ، هو عبارة عن محرك بحث ، ممكن تستخدمه عشان تعرف ترتيبنا في معدل الأجور
عدد الردود 0
بواسطة:
العب غيرها
هتعمل ايه يعنى . ارفع سعر التذكره الى الضعف
عملها فبلك وزير النقل . وعملها كمان فريد شوقى فى فيلم باب الحديد . اهم شىء الرغيف بخمسة قروش هههههههههههههههه
عدد الردود 0
بواسطة:
ياسر
مفيش ادارة صح
اسعار متدنيه ايه هو ف خدمه اصلا وبعدين بص لمستوى الدخل للفرد ايه.وبعدين اتكلموا ف زياده اسعار الناس مش ناقصه زياده
عدد الردود 0
بواسطة:
ميدو
براحتكم بس فاهمكم
قبل ما تشكي و تبدء الاسطوانه اياها لرفع سعر التذاكر اللي لسه رافعينها مفيش سنه بحجه القطار الVIP . نفهم منك العجز جاي من فين يعني ارقام المصروفات في اي بند الميزانيه يا سيد ؟ الخدمه سيئه - المعامله داخل القطارات و بالمحطات سيئه - حاله القطارات سيئة - الجرارات القديمه و الصفقه الجديدة بالمليارات ؟؟؟؟ سيئه - قطع الغيار على كلامك شارفت على الانتهاء - حالة المحطات حدث و لا حرج طيب الصرف فين ؟ العجز فين ؟؟ يا خوفي تكون اجور و مكافات ؟؟؟؟؟ اعلن للجميع ما تتقاضاه الفئات بالهيئه من رئيسها الى اصغر عامل الاجمالي مش الاساسي وقتها نتعاضد جميعا لحل الازمه
عدد الردود 0
بواسطة:
مجدى
دلوقتى بقى اللعب على المكشوف
الاستهانه والاستخفاف ب 90 مليون ميت
عدد الردود 0
بواسطة:
Geo
الفسسسسسسسااااااد
اجور و علاوات و مصروفات بالملايين شهرياً تعيين ابناء العاملين في الهيئة. فساد و سرقه مخازن السكك الحديد. اراضي شاسعة. غير مستغله. فساد حتي النخاع في هيئة السكك الحديدية