إيه رأيكم نعلن اليوم الثلاثاء، كإجازة من ملاحقة قانون الرياضة تى تنالوا يا سادة يا قراء وقتا مستقطعا معنا، لمتابع مستجدات كروية غريبة، فى نفس الوقت مش غريبة، لإننا فى المحروسة الكروية.. يا كرام!
المرحوسة العفية.. فيها كل حاجة وعكسها هكذا توصف منذ أمد بعيد!
أباطرة أراضى الدولة يجدون مبررين لأفعالهم.. وتشعر أن القيادة مستنيالهم.. لكن بتوع اللوائح والموافقة لم يبضبطوا البوصلة بعد، مع طلبات الرئيس السيسى!
الرئيس يخرج ليقول: إحنا مش فى طابونة.. بسبب محاولات ظبط خطافى ومغتصبى الأراضى.. مش كده!
يحدث فى نفس الوقت نقل ما نشاهده فى قانون الرياضة إيه بقى!
بكل وضوح.. يجد خاطفو الأراضى مين يقول عنهم إنهم مستثمرون، وبحق الوطن حافظون.. طيب هل تعطونا أمارة!
• يا حضرات.. ضمن منظومة قانون الرياضة الذى عشنا نحلم به، كان يجب أن يشمل باب الاحتراف وجود محترفين لإدارة كرة القدم وتنفيذ استراتيجية مجالس الإدارات!
أى بنى آدم يسأل ليه محترفين قولوا له.. لإن المدير الفنى للمجلس اللى هو غير المدير الفنى للفريق الأول.. يقدم مشروع الموسم!
• يا حضرات.. مشروع الموسم.. يعنى عايزين الدورى يكلفه كذا.. عايزين المربع بـ«مذا».. فيه لاعبين للبيع وغيرهم محتاجنهم!
أيضا المدير الفنى للفريق يبقى حاكما لأمره داخل الفريق.. عادى جدا!
أما.. فى إدارة «فلوس» الناس والمشروع كامل، لابد من محترفين للحساب جاهزين، ويرفعون فى نفس الوقت لافتة «بضاعة أتلفها الهوا».. من الخدمة!
• يا حضرات.. هل رأيتم إشارات حسام البدرى عقب إخفاق «كينج كونج» الهجوم الأحمر.. كوليبالى.. البدرى شوح مرتين للاعبية، وهناك عبارة مع التشويح هى «إيه إلا... ده»!
فعلها مع نجوم آخرين!
إياك.. بقى يكون التفسير عادى.. ده أخوك الكبير.. وأحيانا ذى والدك!
• يا حضرات.. المديرون الفنيون حين يخطئ لاعبوهم لا ينهرونهم!
مش كدة وبس.. عندك كمان اللعب على أوتار النفسية!
يعنى نجم يرى تشويحة ووراه على الأقل «إيه إلا... ده».. أو «يخرب بيت اللى لعبك كورة»!
هل تعتقدون أنه سيلعب بنفس الروح والثبات الانفعالى قبل التشويحة!
• ياحضرات.. الأكثر إثارة أن يخرج المدير الفنى ليعلن للجميع أن لديه لاعبين لايصنعون الفارق، والله أشعر أننى فى حاجة للرد بـ«يامنجى من المهالك».
طيب ده المدير النفى وكل أو أغلب المديرين حتى لا نضعها أمام البدرى فقط.
إيه بقى رأيكم فى أقوال مش أفعال للمدرب الذى عمله أن يضيف للاعبين ويثقل مهارة المتأخرين ويرفع معنويات المهملين وكدا يعنى؟!
• يا حضرات سيد معوض، مدرب الأهلى، قال: إن الفريق لا يملك لاعبين موهوبين، وأن الجهاز متغاظ من قلة المواهب، وأن لاعبى الفريق روح ولا طعم وإيه كمان.
إيه كمان يعنى إيه! يفترض أن يكون ما قاله عن فريق منافس.
ببساطة إذا شوح المدير منتقدا، وقال المدرب ممتعضا أن اللاعبين أى كلام!! طيب مين المسؤول ده شغل مين؟
مين اللى بيدرب.. غريبة جدا! يعنى أسألكم أنتم مين يعنى!
تم أضافة تعليقك سوف يظهر بعد المراجعة