نشر أحمد عادل عبد المنعم، حارس مرمى فريق النادى الأهلى، صورة مع والدة الكابتن عادل عبد المنعم، حارس الأهلى السابق خلال أحد التدريبات.
وعلق أحمد عبد المنعم، عبر حاسبة على موقع الصور الشهير "إنستجرام"، قائلا:" لما بيموت حد غالى على قلبك، وبتفوء من الصدمة الأولى إنك خلاص مش هتشوفه تانى، بتحب تتكلم عليه و تحكى مع الناس عنه كتير جدا جدا، وعن تفاصيله المهمه جدا بنسبالك، شويه تضحك وانت بتحكى عنه فى موقف كنتوا فيه سوا وفرحانين وفنص الضحكه عينك تدمع عشان افتكرت انه خلاص حاليا مش باقى منه غير روحه الغير مرئية اللى بتلف حوليك طول مانت فاكره، وشويه تبكي بحرقة إنه سابك لوحدك مهما كان حوليك العالم كله هتفضل حاسس بغربة من غيره" .
وتابع قائلا:"دورك كمستمع لإنسان فقد حد إنك تسمعه وانت ساكت تبتسم معاه وقت مايبتسم وانك تتقبل لحظه ضعفه اللى بتنقله من ضحكة عالية لدموع غزيرة مسبباله وجع فى القلب، و ماتقولش عليه اتجن غبى اللى قالك أن العمر بينسى، احنا طول ماحنا عايشين وفاكرينهم قلوبنا و عقولنا بترفض نسيانهم، كل يوم بنهون على نفسنا أننا قربنا، يمكن الدور اللي جاى يبقى علينا احنا و نقابلهم ونخلص من وجع فراقهم، يارب صبر كل إنسان فقد روحه بعد موت أغلى انسان عنده، يارب لا تحرمنا رؤيتهم ف منامنا، و أرضى عنا وأحسن ختامنا يا الله".
أحمد عادل عبد المنعم مع والده فى أحد التدريبات
