الرئيس السيسى: لو خدنا جنيه من كل موظف لصالح... by youm7
قال الرئيس عبد الفتاح السيسى، إنه لا يصح أن نطلق لفظ منزل على مكان يعيش به مصرى بدون سقف، موضحاً أن حالة الفقر المدقع تدفع الناس إلى التشدد والتطرف ويجب علينا أن نعترف بهذا ونتكاتف جميعاً لتجاوز هذه الحالة التى يعيشها بعض أهلنا المصريين.
وأضاف الرئيس السيسى، خلال اتصال هاتفى ببرنامج "كل يوم"، الذى يقدمه الإعلامى عمرو أديب، عبر فضائية "ON E"، :"بس الناس متفهمنيش غلط.. لو خدنا من كل موظف جنيه لصالح الموضوع ده فأنت بتتكلم عن 7 مليون جنيه فى الشهر ..وهتقول أن الرقم ده بسيط لكن نحن نريد أن نتكاتف.. لا الجنيه هيفيد الراجل اللى خدته منه لكن مع تجميعه ورجال الأعمال والبنوك والدولة نقدر نحل المسألة ونتجاوز الشكل المؤلم اللى إحنا كلنا مقصرين فيه مع أهلنا فى مصر".
ووجه الرئيس الشكر للمصريين على صبرهم وتحملهم للواقع الذى تمر به البلاد فى المرحلة الراهنة، وتابع:" الواقع فى المجتمع المصرى والحالة التى يعانى منها المواطنين وصبرهم عليها أسجله بتقدير واحترام لكل المصريين".
عدد الردود 0
بواسطة:
فاروق
التوكتوك
والله لو تم ترخيص التوكتوك ودفع مؤسسة وضريبة سنويا يدخل مصر من 5 الى 6 مليار جنية سنويا
عدد الردود 0
بواسطة:
موظف
مسكين الموظف
أفقر من الموظف مفيش في هذا الزمن يا ريس .. لأن كل مرتب بيقبضه الموظف يقل عن الشهر اللّي قبله ، وان المرتب قل عددا وقيمة يا سيادة الريس . وما زال يقل ويقل .
عدد الردود 0
بواسطة:
ميشو
تحيا مصر
يا سيادة الرئيس السيسي
عدد الردود 0
بواسطة:
محمد عزت عمران
شركة المياه والايجار القديم
لدى شركة المياه مستحقات عند المستنفعين بمليارات الجنيهات ولا تهدد هم وتتغاضى عن تحصيلها ولو تم الغاء للقانون الجديد سيدخل ميزانية الدولة مليارات الجنيهات واترك انيه لاصحابه هم فى اشد الاحتياج ليه فى الزمن الاسود ده
عدد الردود 0
بواسطة:
M.S
رأى آخر
هي فكرة حلوة جدا بس في اقتراح تاني يا ريس وهو سحب السيارات الحديثة من السادة الوزراء واعلان حالة تقشف فعلية للسادة النواب ال بياخدوا فلوس بدلات والناس كلها عرفاها .... ياريس ابدأ بالحكومة الاول قبل الموظفين الغلابة وكفاية الغلاء ال الناس عايشة فيه و دمتم بخير
عدد الردود 0
بواسطة:
مازن
ليه اخد جنيه تبرع واسيب بند المخالفات اللى ممكن تجيب الاف شهريا للدولة
ياريس بلاش الجنيه اللى مزعل عامة الناس ، عندك وزارة اسمها وزارة التنمية المحلية ومايتبعها من محليات لو اديتوهانى خمس سنين هاطلع منها عشر اضعاف السبعة مليون اللى انتوا محتاجيهنم للقرى اللى محتاجة تطوير و بلاش الجنيه اللى عامل قلق لكل الناس ... وزارة التنمية المحلية ديه وزارة تبيض ذهب من بند المخالفات وحده واحنا شعب لو ماخالفش يمرض مثلا لو وزارة التنمية المحلية فرضت خمسين الف جنيه على البناء المخالف يعنى (((السبعة مليون دول هايتلموا من 140 عمارة او بناء مخالف)))))|||7مليون على 50000جنيه =140 غرامة ||||||| لو((((وزارة البيئة عملت شغلها صح وغرمت كل من يقطع شجرة عشرة الاف جنيه يبقى السبعة مليون هايتلموا من سبعمائة مخالف فقط))) |||||| 7مليون على 10000 جنيه =700 غرامة |||||| لو ((((المرور انضم الى الاحياء ونسقوا معا بان كل حاجز حديد يفسد الاسفلت لعمل باركنج خاص يقوم موظف الحى المسئول عن المنطقة بتصوير المركبة داخل الحواجز والسلاسل المعدنية ويتم عمل مخالفة فورية دون الرجوع الى صاحب المركبة والاكتفاء بصورة السيارة وغرامة الف جنيه يبقى السبعة مليون هايتلموا من 7000 مخالف مغلق لطريق)))||||7مليون على 1000جنيه =7000 غرامة |||| ده واحنا لسه ماجيناش جنب مخالفات القاء القمامة / مخالفات القاء ردم العمارات / مخالفات استيلاء الكافيهات او المحلات على الارصفة / تحويل الادوار الارضية الى محلات وتغيير الهيكل المعمارى بعمل مداخل خاصة/ رش الشوارع واستعمال المياه فى غير اغراضها / سرقة التيار الكهربائى من الباعة الجائلين واصحاب المحلات والمعارض/ استيلاء معارض السيارات على الارصفة لعرض السيارات/ تحويل جراجات العمارات الى مخازن / تعمد اصحاب العمارات بناء جراجات غير مطابقة للمواصفات بهدف استخدامها فى غير اغراضها كمخازن او محلات/ فتح مطاعم بدون ترخيص/ مزاولة انشطة تتعلق بالغذاء دون موافقة هيئة سلامة الاغذية ؟؟؟ هل فى اى بلد يستطيع حد يقف يبيع اكل دون ان يحصل على شهادة صحية اواشتراطات سلامة الغذاء وكل الجهات ذات الصلة بطيبعة النشاط... الحقيقة كل وزارة من وزارات الحكومة فيما يخصها من تلك المخالفات ممكن تبقى اغنى من عيلة ساويرس مجتمعين لو ارادت .. ومن غيرمايزعل غالبية الناس وتبقى الحكومة جابت التمويل اللى عايزه من المخالف ومااخدتش الصالح مع الطالح والمفسد يزعل او يخبط دماغه فى اقرب حيطة.. يتحمل نيتجة فساده وفى الاخر المفسد دائما جبان ولاصوت له...
عدد الردود 0
بواسطة:
hoda
من المخاطبين ولا غير المخاطبين
الموظفين المخاطبين ولا غير المخاطبين ؟؟؟؟ مش عارفة حاطط دماغك ليه من الغلابة اللى غيرت مصر وخلعت مبارك و مرسي وجابتك رئيس كل ده عشان ولاءك لمبارك ؟؟؟؟ طب ليه ما بتطالبش الفنانين وظباط الشرطة والجيش والقضاة للتبرع ؟؟؟ اقسم بالله دول ممكن يسدوا عجز الموازنة . حسبي الله ونعم الوكيل فيك وربنا يذلك زى ما بتذل الغلابة