قالت مصادر مصرفية لـ"اليوم السابع"، إن العديد من البنوك العاملة فى السوق المحلية، سوف تبدأ اليوم الخميس، فتح حسابات – جارية وتوفير – بدون رسوم لفتح الحساب ولمدة أسبوع، دعمًا لليوم العربى للشمول المالى، والذى يشهد مشاركة واسعة من البنوك العاملة فى مصر، حيث تم تحديد هذا اليوم من قبل مجلس محافظى البنوك المركزية العربية ومؤسسات النقد العربية، والذى يؤكد على ترسيخ مبدأ الشمول المالى والذى يعنى توسيع قاعدة المتعاملين مع البنوك والجهاز المصرفى والمالى.
جدير بالذكر أن مؤسسة "اليوم السابع"، كانت قد أطلقت مبادرة قبل شهور، بعنوان "حط فلوسك فى البنوك"، والتى ساهمت بدور كبير فى زيادة التوعية بأهمية التعامل مع الجهاز المصرفى، ولاقت الكثير من الإشادة من مؤسسات محلية ودولية.
عدد الردود 0
بواسطة:
سمير فريد
البنوك محتاجة تكون سلسلة و تبطل تقرف المواطن
كذا بنك رفض طلبي بعدم ارسال كشف حساب ربع سنوي..كشف الحساب بالغصب في البنوك المصرية وبعض البنوك بتحصل 30 جنية بالعافية غصب عنك و لا يمكن ايقاف الموضوع أو حتى تغير مده كشف الحساب لسنوي. لما واحد يحط 5000 جنية في دفتر توفير و عليهم فوايد 11% في السنة و يتخصم منه 120 جنية بالعافية في البنك سنويا، يبقى ده اسمه إيه؟....أعرف ناس كتير مش عايزين يتعاملوا مع البنوك علشان شايفينهم نصابين و حيدخلهوم في مشاكل و مصاريفهم مبالغ فيها لتحقيق مكاسب، ده غير المبالغ العبيطة المسموح من الصراف الآلي اللى هيا 8000 جنية في اليوم في بعض البنوك و 5000 في بنوك آخري. حتى لو حد عايز يشتري حاجة زي لابتوب أو حاجة، بعض الكروت مش بتسمح و ليها سقف معين. يبقى الناس تروح البنوك ليه و هيا عندها حرية مالية اكتر في بيوتها و في أي وقت يكون معاهم المبلغ اللى عايزينوا
عدد الردود 0
بواسطة:
عمرو السيد
تعليق رقم 1 عنده حق
تعليق رقم 1 عنده حق لان البنوك فعلا بتعمل كده ده غير ان ممكن كشف الحساب يقع في يد غير صاحب الحساب ويبقي اسرار حسابه مكشوفة لازم يكون فيه حل لان المفروض ان العميل دايما علي حق ·
عدد الردود 0
بواسطة:
مشمش
اؤيد تعليقى الاخوه 1 و 2 )**
...قلت للبنك كذا مره مش عاوز كشف حساب..وممكن اعرف ما لى وما عليي ..من ماكينه صرف النقود بالبنوك او على اى ناصيه.....والتى بها ايضا كشف خساب لكل عميل يطلب ذلك ..ولكنهم مصرين على ارسال المشف بالبريد..واكيد ممكن يتطلع عليه ناس اغراب
عدد الردود 0
بواسطة:
ميشو
الأمر مختلف هنا في النمسا
الأمر هنا من أبسط ما يمكن ، أى عميل بيدخل على الحساب بتاعه يعرف كل المعلومات والبنك بيأدي خدمات كتير مجانًا وبمنتهى السرعة ، الذهاب للبنك في النمسا لا يستغرق سوى دقائق معدودة نظرًا لإن أغلب الخدمات المصرفية تتم إلكترونيًا ، عكس مصر ، الذهاب للبنك يتطلب نهار بأكمله ، انا كنت مرة مع فوج هولندي في مدينة فيينا ، وغيروا عملات في بنك أيام الجيلدر الهولندي والشلن النمساوي قبل اليورو والحكاية كلها أخدت دقايق
عدد الردود 0
بواسطة:
محمد
توضيح
انا مختلف مع التعلقات السابقه لو عميل مش عاوز كشف الحساب يروحله البيت ممكن يعمل عنوان مراسلاته الشغل ولو مش عاوز ممكن يطلب من البنك عدم ارساكشفوف حسابات اسمها لدي المصرفيون حفظ المراسلات سهل قوي لكن اصرار البنك علي ارسال كشف الحساب بحكم القانون الا اذا طلب حفظها للبنك واستلامها بنفسك وقتما تشا م
عدد الردود 0
بواسطة:
محمد سيد
حسابات البنوك
يعنى البنوك تفتح حسابات مجانية وتحصل مبلغ 130جنية سنوى رسوم كشف الحساب دة يعقل مع المدخر الصغير