أكد الرئيس عبد الفتاح السيسى، أنه حريص على أن تتقدم مصر وتصبح عزيزة وعظيمة، قائلا "كل لما حد يؤلمنى ويسىء لى أبص لبلدنا وأقول لازم مصر تطلع للأمام وتكبر وتبقى عزيزة وعظيمة"، موجها حديثه للمصريين "لما حد يزعلكم أو حتى يتآمر عليكم، مطولوش لسانكم وبصوا لنفسكم وخلو إيديكم فى إيد بعض وافضلوا اشتغلوا".
وأضاف الرئيس السيسى، فى كلمة وجهها إلى الشعب المصرى خلال مؤتمر الشباب بالإسماعيلية ، "اللى عايز يأخذ بثأره يشتغل ويصبر وأنا عايز آخد بتاركم"، لافتا إلى أن الدولة ستستقبل شهر رمضان بإجراءات كثيرة لمواجهة الطلب المتزايد على السلع.
وقدم الرئيس السيسى اعتذاره للمصريين على صعوبة الإجراءات الاقتصادية التى يعيشونها، قائلا "اقبلوا اعتذارى إنى حاولت أصلح بس لم يكن عندى اختيار غير كده، ولو كنا استنينا مكناش يمكن هنعدى وده الواقع اللى موجودين فيه".
وتابع: "ربنا عارف حجم الشرف والإخلاص والأمانة والعمل الذى نشتغل به، وهو اللى هيكافئ وليس عندى شك فى ذلك"، مؤكدا أن الأمور كلها تتحرك بشكل جيد ويرى بنفسه ويتابع حجم الجهد المبذول على الأرض، مطمئنا المصريين "متخافوش على مستقبل أولادكم وأحفادكم من بكرة طول ما أنتم إيد واحدة.. ومصير مصر مش فى يدى أنا ولا الجيش ولا الشرطة ومصير مصر فى إيد شعبها".
.jpg "مؤتمر الشباب (1)")
.jpg "مؤتمر الشباب (2)")
.jpg "مؤتمر الشباب (3)")
.jpg "مؤتمر الشباب (4)")
عدد الردود 0
بواسطة:
مدير عام بالمعاش
مع اعجابى وحبى الشديد ودفاعى المستميت عن رئيسنا العزيز
فنحن اصحاب المعاشات نعانى جدا من شظف العيش . صدقونى .
عدد الردود 0
بواسطة:
أبو معاش
زيادة المعاشات
الوزراء بينقلوا معلومات خطا زى لما غاده والى تفولك فى المؤتمر الصحفى 4 نوفمبر المعاشات زادت خمس أضعاف قصدها طبعا تكافل وكرامه ومعاش السادات لكن اللى طلعوا معاش وصلوا للحد الأقصى زى الوزراء فى بلدنا (حالة تعبانه)بياخدوا 45ألف بس وطبعاً محافظ البنك المركزى مرتبه ميكفهوش علشان ظروف الجواز وإحنا نشترى السمك 40 جنيه والماكريل 45ج علشان الفلوس كتير عندنا منهم لله اللى طبلوا للتعويم وحسبى الله ونعم الوكيل على فكرة معاشى 1346 ج شهريا والسن 58 سنه
عدد الردود 0
بواسطة:
مواطن
معاك مكملين ياريس
كان الله فى عونك ياريس عندك أكبر جهاز حكومة فاسد
عدد الردود 0
بواسطة:
ميشو
تحيا مصر
سيادة الرئيس السيسي حضرتك زعييييييييم الوطن .. ولاكن بتدفع فاتورة لا ذنب لك فيها الله يسامحك يا مبارك يا لص القبور
عدد الردود 0
بواسطة:
ميشو
تحيا مصر
يا سيادة الرئيس السيسي حضرتك زعييييييييم الوطن .. لا تعتذر عن أخطاء لم ترتكبها حضرتك تدفع فاتورة لا ذنب لك فيها .. الله يسامحك يا مبارك يا لص القبور يا فاسد
عدد الردود 0
بواسطة:
مصطفي
مشروعات يساهم بها رجال الاعمال
سيدي الرئيس:لماذا لا يشارك اصحاب الملايين في تنفيذ بعض المشروعات للتخفيف عن كاهل الدوله.مثلا يعلن بشفافيه عن كهربه خط ابوقير بمبلغ معين و مده زمنيه محدده سوف يشارك جميع رجال الاعمال الاسكندرنيين و غيرهم في دعم هذا المشروع المحدد لان عارفيين ان اي فلوس بيدفعوها لن تسرق و هتخلي بلده اللي بيستثمر فيها اجمل و انظف .قس علي هذا مشاريع كثيره بس يجب ان تكون محدده التكاليف و المده و شوف بعد كده مصر.
عدد الردود 0
بواسطة:
ايمن
كان اللّ?ه فى عونك
وفى عون الشعب كمان لأن الحياة تزداد صعوبة فى الاوضاع الاقتصادية الحالية والطبقة المتوسطة تتلاشى .. ربنا يصلح الحال من عنده قريب ان شاء اللّ?ه
عدد الردود 0
بواسطة:
Ayoub mousa
الفساد يا ريس. كان الله فى عونك عليه
والله عرفين يا ريس ربنا يعينك المشكله فى فساد الموظفين الصغار حسبى الله ونعم الوكيل فى كل موظف فاسد. كل ما البلد تحاول تتقدم خطوه وكأنهم سلاسل وجنازير فى رجل مصر يرجعوا بيها كيلو الخلف. هى دى المشكله يا ريس والله. شركات الكهربا. المحليات الأحياء الدوائر والله ان فيها وجوه تستجير منها الجبال فى فسادها وحقدها على المواطن المسكين.ويتعامل مع الناس وكأنه من بلد آخر.اتحدى اى شخص ان يذهب لأى شركه كهربا مثلا بشكوى معينه ويجد من يساعده وفى الاخر اكتر فرد بيشتكى هو الموظف مع انه اغلى موظف فى الكون. لا يفعل شىء ويأخذ راتب
عدد الردود 0
بواسطة:
waly waly
شعب كسلان
الشباب متكبر مش عايز يشتغل ولو إشتغل ما عندوش صبر ألله يكون في عونك يا ريس معاك شعب ثلاث أرباعه ما عندوش ضمير وأولهم موظفين كبار في الدوله