أكرم القصاص

نائب "تقنين الفيس بوك": الدخول على "الأكاونت" هيبقى بالرقم القومى

الثلاثاء، 18 أبريل 2017 10:56 ص
نائب "تقنين الفيس بوك": الدخول على "الأكاونت" هيبقى بالرقم القومى النائب رياض عبد الستار
كتب محمود العمرى

مشاركة

اضف تعليقاً واقرأ تعليقات القراء

قال رياض عبد الستار ، عضو مجلس النواب عن حزب المصريين الأحرار، إن مشروع القانون الخاص بتقنين الفيس بوك ووضع تسعيرة له، سيتضمن الدخول على الحساب باستخدام بطاقة الرقم القومى، ورقم الموبايل ، لتقنين أوضاع الحسابات الخاصة بالفيس بوك .


وأضاف عضو مجلس النواب عن حزب المصريين الأحرار فى بيان له ردا على مهاجميه : "أن المجتمعات المتقدمة الراقية اللى عايزين نبقى زيها فى الحريات مبتدخلش تهاجم وتسب أشخاص علشان آراءهم، فلا من الحرية ولا من الديمقراطية سب المختلف عنك فى الرأى بأفظع الألفاظ التى لا تليق ، أى للجميع يحق لهم كتابة تعليقاتهم وإبداء آراءهم بكل حرية، ونقبل كل الانتقادات بصدر رحب من الجميع، أما السباب والشتائم فحريتك لا تنادى بذلك، وهذا غير مقبول".

 

وتابع النائب: "مشروع القانون يخص الأمن القومى لبلدنا مصر فى ظل ما نواجهه من إرهاب وقتل أبرياء بغير ذنب، وفى كل مرة يحدث فيها حادث إرهابى تقوم داعش وأمثالها باستخدام مواقع التواصل لتبث فى الناس الرعب والذعر بإرهابهم، وما زال مشروع قابل للرفض أو القبول ثم تأتى ثماره بالكثير من الانضباط لأبنائنا وبناتنا فى استخدام مواقع التواصل الاجتماعى ".

 

كان رياض عبد الستار، عضو مجلس النواب عن حزب المصريين الأحرار، قد أكد أنه يعد مقترحا بتقنين وضع مواقع التواصل الاجتماعى بالبلاد، من خلال أن يكون الدخول على هذه المواقع باشتراك وتحدد له تسعيرة من خلال المؤسسات المعنية فى الدولة، لافتا إلى أن الفكرة تكشف من الذى يستخدم مواقع التواصل بشكل صحيح ومن يستخدمها بشكل خاطئ ضد مؤسسات الدولة.


مشاركة

اضف تعليقاً واقرأ تعليقات القراء



التعليقات 10

عدد الردود 0

بواسطة:

أبو الشيماء

ندفع كام لمين ولماذا ؟؟؟؟؟؟؟؟؟؟

انا موافق على الدخول بالرقم القومى بس ضد الدفع .......... أعضاء مجلس الشعب يعملون بجد واجتهاد وتفانى ضد مصلحة الشعب .......... للحصول على الانترنت يتم الدفع مقدما ....... لاستخدام الكمبيوتر نقوم بدفع ثمنه ............. لتصفح الانترنت والدخول على المواقع عايزين الشعب يدفع فلوس !!!!!!!!! ده كلام ياعم الحاج ........... طيب ندفع فلوس لمين ؟؟؟؟ لصاحب الموقع بوصفه صاحب الفكرة والموقع ......... ممكن ............ طيب ندفع للحكومة المصرية لييييييييييه ........ هل الحكومة تملك الموقع ؟؟؟؟؟؟؟؟؟؟

عدد الردود 0

بواسطة:

هانى

الراجل ده بيتكلم صح

الراجل ده بيتكلم صح اصله موديل 10000000 ق.م يعنى حاجه اثريه لازم يتعمل ليه و للمجلس كله متحف. ياريت فى الانتخابات البرلمان الجايه يكون الزاميا تحديد عمر المتقدم للانتخابات بحيث لا يزيد عن 45 سنه ميلاديه لان بصراحه الناس اللى اكبر من كده و دوا الناس فى داهيه يضاف الى ذلك ان خبرتهم كلها خبرة الفشل و الدليل حال البلد

عدد الردود 0

بواسطة:

الرقم القومي

وكمان الصورة اللي في البطاقة بتاعته

أردوجان يقفل، يغلق، يحظر، يمنع، يرصد، يراقب، يحاسب، يسجن، يعتقل، يرفت، يحجم، يترصد، يكمم، يلجم، يفتش، يكذب، يدلس، مش مشكلة في نظر الإخوان المتأسلمين، وجمعيات حقوق الانسان، وشبكة رصد في عينها، والاشتراكيين الثوركيين، والسكس إبريل، والحمزاوي، والأسواني، وفودة، ولليان، وناصر ومطر وقطر وغيرهم كتييييير.!!! لكن لما نيجي إحنا نطلب إدخال الرقم القومي علشان تدخل حسابك على تويتر، فيس بوك، وات ساب، وغيرها .. الدنيا تقوم والحريات ومش عارف إيه!! اشمعنا إردوجان يا ولاد اللظينة واللعينة.. ماشي.. طيب والله وعشان تتغاظوا أكتر لازم تتحط صورتك اللي في البطاقة علشان تتعرف على حقيقتك .. وكدا كدا لازم القانون ده يطبق ولازم تتراقب كل الحسابات دي!!

عدد الردود 0

بواسطة:

مشمش

نائب مستفز ..حافظ مش فاهم.(( حد يقول له )..ان كل خط انترنت لديه اصلا...IP..Adress...ومعروف صاحب الخط

..وفى حاله التجاوز...ممكن اجهزه الامن تتبع هذا الحساب...واتخاذ اللازم ضد المتجاوزين...

عدد الردود 0

بواسطة:

على عبد العظيم

لننظر ماذا يحدث فى الدول المتحضرة

احنا نشوف ايه اللى بيعملوه فى أمريكا واوربا ونعمل مثلهم.اما حكاية الاشتراكات هذه.فباءى حق تاءخذ فلوس عن شىء غير مملوك لك او للدولة.هذا كلام عتيق غير مناسب للوقت الحالى.وبعدين يااخى خلى الناس تتكلم وتقول اراءها ولا تراقب عليهم كل صغيرة وكبيرة مثل العهد الاسبق الذى اءضاع 30عاما من عمر الشعب المصرى.ومكنش شاطر الا فى المراقبة والتضييق على الحريات.ومع ذلك مواقع التواصل الاجتماعى هى التى غيرت النظام السابق.واءتت بسيادة الناءب وغيره من اءعضاء المجلس الجديد.غ

عدد الردود 0

بواسطة:

هاوى

هو ده عبد الستار بتاع التلاجة الكاروستار ؟؟؟؟؟؟؟؟؟؟؟؟

فعلاً زى ماقالوا مجلس سكرتارية لحكومة الجباية

عدد الردود 0

بواسطة:

mohamed

لا للجبايةوالاتوات

فرض اى رسوم على مواقع التواصل الاجتماعى سيحرم الطبقة الفقيرة والمتوسطة فقط عن الدخول لتلك المواقع وستجعل تللك المواقع حكرا على الاغنياء فقط .

عدد الردود 0

بواسطة:

محمود

يا مثبت العقل يا رب !!!

هل يعنى هذا أن من هم أقل من 18 سنة مش هيفيسوا (يدخلوا على الفيس) ؟

عدد الردود 0

بواسطة:

احمد منصور

انتوا عالم فاضيه

واضح ان فشلكم فى حل مشاكل المواطن والأسعار النار خلاكم تشغلوا وقتكم بأى حاجه هايفه

عدد الردود 0

بواسطة:

معقولة؟

طيب ماهو ممكن واحد يكتب اى رقم بطاقة ويعمل مشاكل لصاحبها! انت بتهرج؟؟؟؟؟؟؟

. .

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة