كشف أيمن يونس نجم الزمالك والمنتخب السابق، أن الأزمة التى تشهدها مباراة الزمالك ومصر المقاصة، تدل على ضعف الدورى المصرى الذى أشبه بدورى شركات ودورى مدارس.
كان الزمالك قد طلب تأجيل مباراته أمام مصر المقاصة إلى يوم الثلاثاء المقبل، بعد أن كان مقررًا إقامتها السبت 15 أبريل قبل أن يتم ترحيل اللقاء 24 ساعة بناء على طلب الأمن.
تابع أيمن يونس فى تصريحات لقناة ONSPORT، ما يحصل فى الدورى المصرى لا يحدث فى دورى الشركات والمدارس، ليس من حق أى نادى المطالبة بتأجيل مباراة، هناك لوائح كان يجب على القائمين باتحاد الكرة تطبيقها منذ انطلاق المسابقة، ولكن هناك حالة من الفوضى، مؤكدًا ما يحدث الآن "أزمة من غير لزمة".
.jpg)
عدد الردود 0
بواسطة:
د. محمد محمود
مرتضى شخص قوي
لاعزاء للقائمين على اتحاد الكرة ... اتحاد ايه ده ... الزمالك نادي من خمس الالاف نادي في مصر ... الاتحاد يحدد موعد المباراة لو حضر الفريق يبقى اوكية ولو لم يحضر يطبق القانون .... بلاش ضعف واستهتار وقلة ادب .... بس سؤال هو لو مرتضى منصور رئيس اتحاد الكرة ... ونادي رفض يلعب حيتهاون معاه ولا حيطبق القانون علية .. طبعا لازم كلام رئيس الاتحاد اللي هو فرضا مرتضى منصور حيمشي غصب عن الطخين .... بس اتحاد فشل في تطبيق القانون على نادي الزمالك ... احتراف ايه ده ... دي اقل كلمة تقال ان الاتحاد ملوش لازمة .... بس يتشطر لو اي نادي انسحب ... مينفعش كدة .... مش مرتضى رجل قانون وبيخترم القانون يبقى لازم يلتزم ولا هو فوق القانون ... معلش هو مرتضى كلامة بيمشي على رئيس مجلس الشعب بعدم تعين عمرو الشبكي للحين ... يبقى مش حيمشي على وزير رياضة ولا على رئيس اتحاد ... ولا لازم الرئيس السيسي يتدخل في تلك المهازل كمان ... مش ناقصين عدم احترام الناس لنا اكثر من كدة ... على فكرة احترم احمد مرتضى ومرتضى له مواقف جيدة ولكن القانون فوق الجميع وشكرا
عدد الردود 0
بواسطة:
مهندس / صلاح
الدورى فى مصر !
مثل دورى الكرة الشراب فى حارة الاعرج أو حارة أبو رجل مسلوخة ! ولا يرقى حتى لدورة رمضانية !
عدد الردود 0
بواسطة:
اكرم
ممكن يكون زى دورى شركات ومدارس
والزمالك اتغلب فيه 6 مرات منهم اربع مرات ورا بعض - يعنى يا كابتن ايمن حتى دورى الشركات والمدارس ما فلحتوش فيه - الا تستحى يا رجل
عدد الردود 0
بواسطة:
ابو هانى
ايمن يونس حاشر نفسه
ياريت بلاش رايك لانك عمرك ما كنت محايد وعمرك ما هتطلع الزمالك غلطان مش هتاخد منصب فى الزمالك حاليا ياريت تسكت احسن ايه دورى مدارس وشركات بل ما تشوف الغلط فين وتحاول تصلح ولا انت خايف من اللى يجرالك زى غيرك
عدد الردود 0
بواسطة:
هانى
الى رقم 4
كل اللى قالة الكابتن ايمن لا يوجد فية شئ من الغلط ولا المحايدة لنادى الزمالك هو كل اللى قالة ليسى من حق اى نادى المطالبة بتأجيل اى مباراة هناك لوائح وقوانين تحكم المسابقة ويجب على اتحاد الكرة تطبيقها وهنا يقصد نادى الزمالك يجب تطبيق الوائح علية فى حالة انسحابة. فبرجاء قراءة السطور بعناية حتى لا يتم التجريح والاساءة للكابتن ايمن لأنة لم ولن يحابى فى رأية لنادى الزمالك
عدد الردود 0
بواسطة:
السيد
نفسي
اعرف ا?خ ايمن ايه تاريخه مع نادي الزمالك او المنتخب وفيلسوف علي ايه.ب?س هم
عدد الردود 0
بواسطة:
بدر
فاكر ماتش الجونة
خلينا متفقين اولا على عدم اتزان مرتضى منصور وانه رجل متهور ولكن هذه المره المخطئ هو عامر حسين ومجدى عبد الغنى واحمد مجاهد لأننا مابنلعبش فى دورة رمضانيه عشان ميعاد المباراة يتغير 3 مرات قبل المباراة ب 48 ساعة دة اولا ثانيا خلينا بردوا فاكرين ماتش الاهلى والزمالك اللى كان فى الجونه والاهلى رفض وقال مش هلعب فى الجونه .. واتحاد الكورة نزل 3بيانات تهديد ووعيد ان المباراة فى الجونة طبقا لقرار الجهات الامنيه .. وبردوا الاهلى قال لأ راح الوزير خالد عبد العزيز طلع وقال المباراة فى الجونه ..بردوا الاهلى قال لأ واخيرا المباراة اتلعبت بس فييييييييين ... فى برج العرب ... وشكرا
عدد الردود 0
بواسطة:
سامى
حلوان
هو الاهلى مش محضرش مبارة المقاولون والاهلى رغم حضور الجمهور والحكام فى الموسم اللى خد فيه المقاولون الدورى وكان الاهلى طالب التاجيل واتحاد الكره رفض ولم تخصم من الاهلى نقاط المباره واتلعبت فى الوقت اللى حدده الاهلى
عدد الردود 0
بواسطة:
محمد توفيق عاشق تراب مصر الغالي
7 بدر 8 سامي مع حفظ الألقاب ... اصبتم القول براااااااااااافو
أعضاء الجبلايه لا يوجد بهم رجل للتحدث معه يعملون من أجل مصالحهم الشخصية فقط ولا ينظرون لغير ذلك ... المهم والأهم والمراد تهميمه هو جيوبهم تنتفخ بأوراق البنكنوت ومن أي شخص كان ويحاربون معه حتي ولو كان ظالما دائمي مساندتهم بالانتخابات والكفتة والكباب الله يرحم الرشاوي الانتخابية . ارحمونا وفارقونا بقي ..
عدد الردود 0
بواسطة:
محمد توفيق عاشق تراب مصر الغالي
مجلس الجبلايه علي راسه بطحه لا ولن تُعالج أبدا
مجلس الجبلايه علي راسه بطحه لا ولن تُعالج أبدا ... أعتقد وضحت البطحه وأتجاهاتهم وميول آل الهواري ناهبي البنكوك وهذا ال مجدي اللي طلع عيونا وزهقنا وطفشنا بضربه الجزاء اللي جابها بكاس العالم . شغل عصابات وتربيطات وسلموا لنا علي القيم والمباديء والأخلاق أنه زمن انعدام الضمير وأبجني أدعمك