"أي حد يساعدنا وينجدنا لوجه الله ويطمننا على ياسين إبنى.. أنا رجل أرزقى وضنايا بيموت قدام عينى ومش قادر أعمل له حاجة"، بهذه الكلمات بدأ "وليد صالح" نجار مُسلح باليومية من بندر بلبيس بمحافظة الشرقية، سرد مأساته لـ"اليوم السابع"
يضيف الأب : "ياسين عنده سنة و6 شهور، ومن يوم ما جه الدنيا وهو نصيبه التعب؛ إبني مريض بالقلب وعنده ثقب وشريانين مش فى مكانهم، ولما لفيت على الدكاترة محدش رضى يطمن قلبي".
ويتابع: "ضنايا بيموت كل يوم قدام عينى ومش قادر أعمل له حاجة؛ فضلا عن أنه مولود بالشفة الأرنبية، وكمان سقف حلقه طلع مشقوق، والدكاترة قالوا مش هيقدر يعمل العملية علشان قلبه تعبان، دا غير إنه محتاج علاج شهرى وأنا مش قادر أوفره وعلى عينى إنى أمد إيدى.. لوجه الله دلوني على أي حد يساعدني وينجدني في مصيبتي دى.
للتواصل مع والد الطفل ياسين 01272628206
أشعة للطفل
تقرير طبي بحالة الطفل
الطفل ياسين
عدد الردود 0
بواسطة:
مهند سعفان
من واقع التقارير الطبية المرفقة
حالة فلبه هي ثقب بين البطينين و ثقب بين الاذنين و ضمور في الشريان الرئوي (ضيق). حالته هكذا تعتبر مستقرة و العلاج جراحة لغلق الثقبين و توسيع الصمام الرئوي. ثم بعد استقرار حالته عملية اخري لاصلاح الشفة الارنبية و سقف الحلق. موضوع مش معقد ممكن تتولاه احدي الجمعيات الخيرية مع مستشفي الياباني او معهد القلب او مركز القلب بجامعة عين شمس. أثق بان هذه المستشفيات لديها حالات اكثر تعقيدا و الح حاجة للعلاج.